30.9 C
Dushanbe

Гузориши СММ: аҳолии Тоҷикистонро бекории дарозмуддат таҳдид мекунад

Барномаи рушди СММ (БРСММ) дар як гузоиши худ, натиҷаҳои таъсири иҷтимоиву иқтисодии пандемияро ба вазъи иҷтимоиву иқтисодӣ дар Тоҷикистон нашр кардааст. Дар ин бора сомонаи БРСММ дар Тоҷикистон ин иттилоъ медиҳад.

Гуфта мешавад, гузориш дар ҳамкорӣ бо Ҳукумати Тоҷикистон ва дигар шарикон оид ба рушд гузаронида шудааст. Дар гузориш гуфта шудааст, ки ба иллати афзоиши таъсири манфии COVID-19 ба иқтисоди ҷаҳон, нобаробарии иҷтимоиву иқтисодӣ дар Тоҷикистон боло рафта, занону ҷавононро хатари бекории дарозмуддат дар пеш интизор аст.

Пратибҳа Меҳта, намояндаи БРСММ дар Тоҷикистон гуфтааст:

“Барои кумак ба кишвар дар посухи беҳбудии ҳадафманд мубтано бар далоил, дарки таъсири фаврӣ, миёнмуддат, ва тӯлонимуддати COVID-19 дар тамоми манотиқи кишвар бар зиндагиву маишати мардуми Тоҷикистон ва ҳамчунин дар касбу кор ва бахши ғайрирасмӣ бисёр муҳим аст”.

“Asia-Plus” дар робита ба ин хабар менависад, ки натиҷагириҳо ва тавсияҳои асосӣ дар гузориши “Таъсири COVID-19 ба зиндагӣ, маишат ва ширкатҳои хурд, мутавассит дар Тоҷикистон” бар асоси таҳқиқоте, ки болои 1000 хонавода ва 700 ширкати хурду миёна гирифта шуда, ки он дар мавриди чолишҳои ношӣ аз пандемияи COVID-19 гузаронида шудааст.

Дар гузориш сабаби мушкилоти иҷтимоию маишии мардум дар коҳиши интиқоли пули муҳоҷирон аз Русия, надоштани пасандоз, аз даст додани манбаи аслии даромад, вуҷуди қарзи аъзоёни хонавода ва гирифторӣ ба бемории сироятӣ ва ғайра гуфта шудааст.

Аз руйи далелҳои ба даст омада муайян карда шудааст, ки зиёда аз 63% ширкатҳои хурду миёна дар ҳоли ҳозир таҳти таъсири манфии пандемия қарор доштаанд. Аҳолӣ дар манотиқи рустоӣ ба ҳади ақалли дастрасӣ ба хадамоти мушовараи касбу кор ва бозор мувоҷеҳанд.

85 % пурсидашавандагон аз коҳиши фурӯши маҳсулот ва хадамот хабар доданд. Дар ҳоле, ки 25% бар асари пандемия маҷбур ба таътили муваққат шудаанд.

Дар робита ба ин гузориш доктор Пратибҳа Меҳта мегӯяд:

“Ин гузориш талоше аст, барои оғози баҳси густурдатаре дар мавриди тавсеаи фарогир, одилона ва пойдор дар заминаи таъсири пандемия ва пас аз COVID-19 ва ҳам саҳмгузорӣ дар барномаҳову тасмимҳои нав бар асоси далоили мавҷуд”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дар Қирғизистон аз як кӯдето пешгирӣ шудаст

Кумидаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.

Мулоқоти Эмомалӣ Раҳмон бо Содир Ҷаббор дар Қирғизистон

Президенти Тоҷикистон, Эмомалӣ Раҳмон, ки бо сафари корӣ дар Қирғизистон қарор дорад, бо президенти ин кишвар Содир Ҷабборов дар шаҳри Чолпон-Ата бо ҳам мулоқот карданд.

Дар нишасти “Осиёи Марказӣ-Иттиҳоди Аврупо” аз ҳуқуқи башар гуфта мешавад?

Додситонии куллии Тоҷикистон 2-уми июни соли ҷорӣ бо ирсоли номаи фаврӣ ба ҳамтои русаш, хостори таҳқиқи боздоштҳо ва рафтори мақомоти ҳифзи ҳуқуқи ин кишвар нисбати муҳоҷирон шудааст.