26.9 C
Dushanbe

Як корманди Нозироти андоз бо иттиҳоми пора дастгир шуд

Агентии назорати давлатии молиявӣ ва мубориза бо коррупсия дар бораи боздошти корманди Нозироти андоз бо гумони гирифтани пора иттилоъ медиҳад. Дар ин бора сомонаи “Авеста” хабар дод.

Бино ба иттилоъи маркази матбуотии оҷонси мубориза бо фасод, Азиззода Рустам Азиз, корманди нозироти андози ноҳияи Шоҳмансур, дар гирифтани пора гумонбар дониста мешавад. Ба навиштаи ин сомона, моҳи июни соли равон Азиззода аз шаҳрванд “А” барои таҳияи санад ва мусоидати минбаъда дар қатъи фаъолияти соҳибкорӣ 5 ҳазор сомонӣ талаб кардааст.

Азиззода аз шаҳрванд “А” 1 ҳазору 250 сомонӣ гирифта, маблағи боқимондаро талаб мекунад, аммо кормандони Агентии мубориза бо коррупсия ҳангоми гирифтани 1,5 ҳазор сомонии дигар ӯро дастгир мекунанд.

Аз рӯи ин ҳодиса нисбати Рустам Азиззода бо моддаи 319 (Гирифтани пора) Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, пас аз тафтишоти пешакӣ ба суд ирсол шудааст.

Ба назари коршиносон кумитаи андоз сабабгори асосии муфлис шудани соҳибкорон ва корхонаҳои хурд ба шумор меравад. Андози аз ҳад зиёд ва талаби ба қавле “ДОЛЯ” намегузорад то соҳибкорон аз тиҷорати худ фоидае ба даст оранд ва маҷбур мешаванд то фаъолияти соҳибкории худро қатъ карда, барои муҳоҷирати меҳнатӣ ба Русия раванд. Пештар дар шабакаҳои иҷтимоӣ соҳибкорон аз Панҷакент шикоят карда буданд, ки коркунони андоз ба ҷуз андозҳои муқарраршуда, низ пардохти пешакиро талаб доранд.

Бо вуҷуди оне, ки зиёдталабии кормандони соҳаи андоз борҳост шунида мешавад, аммо то ба ҳол дар ин бора аз мақомоти Андоз ва масъулони он чизе ба расонаҳо гуфта нашудааст. Аксари соҳибкорон мепурсанд, ки мақомоти қудратӣ агар мехоҳанд пеши ҷинояту ҷинояткориро бигиранд, пас бояд сари роҳи нозирони андозро бигиранд ва фаъолияти онҳоро пурра тафтиш кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид. 

Истеъфои сармуррабии футбол

Сармураббии дастаи пуровазадори "Регар-ТадАЗ"-и шаҳри Турсунзода аз мақомаш истеъфо дод.

Ҳалокати як ҷавони тоҷик бар асри раъду барқ

Бар асри боришоти зиёди жола ва зарби раъду барқ дар бархе манотиқи кӯҳистонии Тоҷикистон як нафар ба ҳалок расидааст.