Як шаҳрванди Тоҷикистон дар фурудгоҳи Домодедово бо иттиҳоми қочоқи пул дастгир шуд

Як шаҳрванди Тоҷикистонро, дар фурудгоҳи  Домодедово бо маблағи ду миллион пули нақд, дастгир кардаанд. Ин мусофир ҳангоми аз Маскав ба Душанбе парвоз  карданаш аз ҷониби кормандони гумруки фурудгоҳ, дастгир гардидааст.  

Шаҳрванди Тоҷикистон ба кормандони гумруки фурудгоҳ эътироф кардааст, ки дар дасташ беш аз 2 миллион пули нақд дорад,  ҳангоми ковтукоб,  аз ӯ 2 миллиону 59 ҳазор рубл маблағ пайдо кардаанд.

Бар зидди шаҳрванди Тоҷикистон бо иттиҳоми интиқоли маблағ бидуни эъломияи гумрукӣ парвандаи маъмурӣ кушода, ӯро бар асоси моддаи 16.4-и Кодекси ҳуқуқвайронкуниҳои маъмурии Русия ба маблағи 50%-и ҳаҷми маблағи қочоқиаш, яъне 653 ҳазору 588 рублу 50 тин ҷарима бастаанд.

Тибқи Қонунҳои  Русия ва Иттиҳоди ЕвразЭС, як нафар ҳангоми убури марзи ин иттиҳодия метавонад танҳо маблағи баробари то 10 ҳазор долларро бидуни эъломияи гумрукӣ берун барад.