Афғонистон

Ифтитоҳи як анбори мол барои гурезаҳои афғон дар Хатлон

Дар пасманзари вазъи душвори Афғонистон, дар минтақаи марзии Тоҷикистон як анбор барои ҳолатҳои фавқулодда кушода шуд.

Сурат: Твиттер

Барномаи Рушди Созмони Милали Муттаҳид (БРСММ) ва Кумитаи ҳолатҳои фавқулоддаи Тоҷикистон дар Кушониёни вилояти Хатлон як анбори ғайриозуқа ифтитоҳ карданд. Дар ин бора дафтари БРСММ-и Тоҷикистон дар саҳифаи твиттерияш хабар дод.

Гуфта мешавад, дар ин анборхона лавозимотҳо аз қабили хайма, бистар барои хоб, зарфҳои пухтупаз, бухорӣ, либосу ашёҳои гигиенӣ ва дигар чизҳои зарурӣ захира карда шуда, ки барои ниёзҳои ҳадди ақал 100 оила дар ҳолатҳои изтирорӣ дар минтақаи марзӣ кумак расонад.

Анбор бо арзиши 265 ҳазор доллар дар доираи лоиҳаи БРСММ бунёд ва аз ҷониби Ҳукумати Ҷопон маблағгузорӣ шуда аст. Инчунин дар назар аст, ки дар Хоруғ низ анбори дуввум сохта шавад.

Намояндаи доимии Барномаи Рушди СММ дар Душанбе, Пратибха Меҳта ҳангоми ифтитоҳи он гуфт:

"Ҳукумати Тоҷикистон барои омодагӣ ва пешгирӣ ба ҳама гуна бӯҳронҳо ва ниёзҳои башардӯстона дар сурати офатҳои табиӣ ва вуруди эҳтимолии паноҳандагон аз Афғонистон тамоми чораҳоро меандешад."

Бино ба гуфтаи вай, ҷаҳон таърихи нав аз сар мегузаронад, зеро таҳаввулоти ахир дар олам, вазъияти иҷтимоиву иқтисодӣ аз ҷумла хавфи афзоиши бӯҳронҳо ва ҳаводиси ахир дар Афғонистон нигаронкунанда аст.

Ба гуфтаи вай, ҷаҳон яке аз харобтарин ва амиқтарин зарбаҳои сохторӣ, иҷтимоӣ ва иқтисодиро дар таърихи нав аз сар мегузаронад, аз ҷумла хавфи афзоиши ҳаводиси табиъӣ, инчунин бӯҳронҳои сунъӣ, аз қабили ҳаводиси ахир дар Афғонистон.

Гуфтанист, анборҳо дар ихтиёри Кумитаи ҳолатҳои фавқулодда қарор хоҳанд гирифт, ки он аз соли 2018 муайян шуда бо мақсади мусоидат ба дастрасӣ ва расонидани ёрии таъҷилӣ дар минтақаҳои дурдаст дар манотиқи назди сарҳадӣ мебошад.

Ин ҳам дар ҳолест, ки қаблан вазири корҳои дохила, Рамазон Раҳимзода эълом дошта буд, ки Тоҷикистон барои қабули муҳоҷирони Афғонистон омода нест.

“Дар давоми 20 сол аз ҷониби ягон созмону ташкилотҳои байналмилалӣ ҷиҳати бунёди инфрасохтор барои қабули гурезаҳо ва шахсони паноҳҷӯянда кумаки амалӣ эҳсос карда нашудааст. Бинобар ин дар ҳудуди Ҷумҳурии Тоҷикистон имконияти қабули зиёди гурезаҳо ва паноҳҷӯяндагон вуҷуд надорад,” - афзуд Рамазон Раҳимзода.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Тоҷикистон

Баргузории Конфронси амниятии Афғонистон дар Душанбе

Афғонистон

Рӯнамоӣ аз намоди Байтулмуқаддас дар Кобул

Афғонистон

Даргирии Толибон бо марзбонони Тоҷикистон

Афғонистон

Раҳбарони пешини Афғонистон хостори таҳқиқи қатлҳои ом шуданд