16.9 C
Dushanbe

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Имрӯз, 18-уми апрел як манбаъ бо шарти зикр нашудани ном ба Azda tv гуфт, ки “хеши наздикам 10 сол боз дар Кореяи Ҷанубӣ кору зиндагӣ мекард, вале чанд рӯз пеш мақомоти ин кишвар ӯро боздошт ва барои солҳои зиёд ихроҷ кардаанд.”

Ба гуфтаи манбаъ, мақомоти Корея танҳо дар давоми ду-се ҳафтаи ахир ҳарҷо, ки шаҳрвандони Тоҷикистонро пайдо карданд, ихроҷ кардаанд ва то кунун беш аз 600 муҳоҷири кории тоҷикистонӣ аз ин кишвар ихроҷ шудааст. Инчунин чандин нафари дигарро нагузоштаанд вориди ин кишвар бишаванд ва аз фурӯдгоҳ бозпас фиристодаанд.

Манбаъ афзуд, ки Корея Ҷанубӣ ба тоҷикон раводиди корӣ намедод ва аксари онҳо бо раводиди сайёҳӣ ба ин кишвар сафар мекарданд ва пас аз се моҳ як бор хориҷ ва боз бармегаштанд. То ин дам мақомоти Кореяи Ҷанубӣ муҳоҷиронро чунин ихроҷи маҷбурӣ ва дастаҷамъӣ намекарданд, вале ин бор дида мешавад, ки корро ҷиддӣ гирифтаанд.

Қаблан Azda tv хабар дода буд, ки мақомоти Кореяи Ҷанубӣ чанд муҳоҷири кории тоҷикро, ки чанд сол боз дар ин кишвар кор мекарданд, ихроҷ карда ва як нафари дигарро аз фурӯдгоҳ роҳ надодаанд, ки ба ин кишвар ворид шавад ва ӯро ба Душанбе бозпас фиристодаанд.

Дар гузориши қаблӣ манбаи мо гуфта буд, ки тамоми сохторҳои қудратии ин кишвар дастур гирифтаанд, ки тоҷиконро боздошт ва ихроҷ кунанд. Дар ин шабу рӯзҳо муҳоҷирони тоҷик аз тарси ихроҷ нашудан аз хонаҳо намебароянд. Ба гуфтаи онҳо, агар ба кӯча бароянд шояд аз тарафи пулис боздошт ва ихроҷ мешаванд, дар ҳоле, ки баъзе онҳо аз бонкҳо қарздоранд ва намехоҳанд дар ин вазъият ихроҷ шаванд.

Ниҳодҳои расмии Кореяи Ҷанубӣ ва Тоҷикистон то ҳанӯз дар ин бора изҳороте нашр накардаанд ва сабаби аслии ихроҷи гурӯҳии тоҷикистониён маълум нест.

Солҳои ахир мушоҳида мешуд, ки шаҳрвандони Тоҷикистон барои кор ғайр аз Русия кишварҳои дигари дунёро низ интихоб мекунанд ва аз ҷумла, Корея Ҷануиро. Вале пас аз ҳодисаҳои хунини Маскав, ки гумонбарони аслии он тоҷикон гуфта мешаванд, дар аксар кишварҳои дунё вазъи муҳоҷирон тоҷик ногувор шуда ва рӯзона даҳҳо тоҷикистонӣ аз Русия ва дигар кишварҳо ихроҷ мешаванд ва ё бо иттиҳоми ҳамкорӣ бо гурӯҳҳои мамнуи ифротӣ боздошт мегарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.