9.9 C
Dushanbe

Имзои 23 санади ҳамкорӣ байни Тоҷикистону Туркманистон

Дар сафари имрӯзаи Президенти Туркманистон ба Тоҷикистон 23 санади ҳамкорӣ байни ду кишвар ба имзо расида, ки муҳимтарини онҳо “карантини растаниҳо” ва “ҳамкорӣ дар соҳаи байторӣ” мебошанд.

Бино ба иттилои расмӣ, зуҳри имрӯз, 10-уми майи соли 2023 байни намояндаҳои Ҳукумати Тоҷикистон ва ҳайати Ҳукумати Туркманистон 23 санади ҳамкорӣ ба имзо расида, ки муъзами онҳо дар қолиби “созишнома” ва ёддошти тафоҳум” мебошанд.

Дар байни ин ҳама санадҳо, ки 8 адади онҳоро созишнома, 12 адади дигар ёддошти тафоҳум, 1 харитаи роҳ ва 1 барномаи муштарак ва 1 протоколро ташкил медиҳанд, ҳатто як қарордоди расмие вуҷуд надорад, ки ҷонибҳоро барои ҷалби сармоя ва ё маблағгузорӣ кардан дар соҳае водор кунад, то уҳдадориҳои худро сари вақт иҷро намоянд.

Бархе коршиносон мегӯянд, дар замоне, ки ҳар ду кишвар даҳҳо ҳазор заминҳои кишоварзии обии худро ба заминҳои партов табдил додаву на худашон аз онҳо истифода мекунанд ва на шароит фароҳам меоранд, то мавриди истифодаи шаҳрвандонашон қарор бигиранд, маҳол аст, ки ин санади “Харитаи роҳ” барои вусъат додани ҳамкорӣ дар соҳаи кишоварзӣ байни Вазорати кишоварзии Ҷумҳурии Тоҷикистон ва Вазорати кишоварзӣ ва ҳифзи муҳити зисти Туркманистон барои солҳои 2023-2025″ ба имзо расидааст, барои ҷонибҳо дар солҳои наздик ҳуҷҷати бадардбихӯре шуда тавонад.

Гуфта мешавад, субҳи имрӯз, Сардор Бердуҳаммадов, Президенти Туркманистон дар раъси як ҳайати воломақоми кишвараш бо сафари расмӣ вориди Тоҷикистон шуд. Эмомалӣ Раҳмон аз ин меҳмони худ пазироӣ кард ва сипас ҷаласаи муштараке байни ҳайатҳои ду кишвар баргузор гардид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.