36.9 C
Dushanbe

Интиқоди 750 хабарнигор аз яктарафа пӯшиш додани ахбори Фаластин

Беш аз 750 хабарнигор бо нашри номае аз наҳваи пӯшиши ахбори марбут ба Фаластин интиқод карда, ҳадафи тир қарор додани рӯзноманигоронро дар ҷанг маҳкум кардаанд.

Рӯзномаи “Вошенгтонпост” 9-уми ноябри соли ҷорӣ бо нашри як гузориш гуфт, беш аз 750 нафар аз хабарнигорон бо нашри номае мавриди ҳадафи тир қарор додани рӯзноманигорон дар ҷангҳои Фалатсин ва бахусус дар Ғаззаро маҳкум карданд.

Ба қавли манбаъ, имзокунандагони нома аз утоқҳои хабарии бархе расонаҳои ғарбие, ки дар вақти пӯшиш додани ахбори марбут ба Фаластин рисолати касбии худро дуруст иҷро намекунанд, низ сахт интиқод кардаанд.

Инчунин хабарнигорони мазкур, ки теъдоди онҳо ба беш аз 750 нафар гуфта мешавад, ҳайатҳои таҳририяи хеле аз идораҳои ахбори расонаҳои ғарбиро ба он муттаҳам кардаанд, ки дар вақти пӯшиш додани ахбор истилоҳоти маъруф ва қабулшудаеро ба мисли “наслкӯшӣ”, “поккории қавмӣ”, “ҷиноятҳои зидди башарӣ”, “ҷинояткорони ҳарбӣ” ва ғайраро дар ҳаққи фаластиниҳо дар Ғазза ва омилони ин ҳамлаҳо-исроилиҳо ба кор намерабаранд.

Интишори ин нома дар ҳоле дар сархати расонаҳои ҷаҳонӣ қарор гирифта, ки ба қавли расонаҳо, имрӯз садҳо нафар аз эътирозгарон ва ҳомиён поён додан ба ҷанги Ғазза вориди саҳни бинои рӯзномаи “The New York Times” аз масъулини он хостанд, ки аз эълони оташбас дар Ғазза ҳимоят кунанд.

Гуфта мешавад, аз замони оғози ҷанг дар Ғазза то кунун беш аз 50 хабарнигор, кормандони технекии расонаҳо, ҳамсарону фарзандон ва дигар афроди оилаи онҳо кушта шуданд. Кушта шудани 3 хабарнигори исроилӣ ва як 1 лубнонӣ ҳам то ҳол ба қайд гирифта шудааст. Дар бораи теъдоди хабарнигорони захмишуда, омори дақиқе то ҳол нашр нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.

Беш аз 135 муҳоҷир дар интизори ихроҷ аз Русия

Сафорати Тоҷикистон дар Русия эълон кардааст, ки танҳо дар як боздоштгоҳи муваққатии Маскав беш аз 135 муҳоҷири тоҷикистонӣ дар интизори ихроҷ қарор доранд.

Аблуҳалим Ғафоровро ҳам аз вазифа ронданд

Абдуҳалим Ғаффоров пас аз 20 соли раисӣ дар Ҳизби сотсиалистии Тоҷикистон аз вазифааш барканор шуд.

Чаро мардум телевизионҳои давлатиро кам тамошо мекунанд?

Рӯзи 22- юми июли соли Кумитаи радио ва телевизони...