32.9 C
Dushanbe

Интихоби Терҳи Ҳакала ба унвони намояндаи вижаи ИА дар Осиёи Марказӣ

Терҳи Ҳакала намояндаи вижаи Иттиходи Аврупо дар Осиёи Марказӣ таъйин гардид. Вай кори ҷадидашро аввали моҳи июли соли 2021 шуруъ хоҳад кард.

Бар асоси навиштаи хабаргузории “Азия-Плюс” Вазорати умури хориҷаи Финляндия рӯзи душанбе дар як баёнияи матбуотӣ эълом дошт, ки Терҳи Ҳакала таҳти роҳбарии намояндаи олӣ оид ба умури хориҷа ва сиёсати амният Ҷозеп Борелл фаолият хоҳад кард ва кори ӯро дар самти татбиқи сиёсати умуми ҷаҳонии амният ва (CFSP) дастгирӣ хоҳад намуд.

Вазорати умури хориҷаи Финляндия гуфт, масъулияти “EUSP” дар Осиёи Марказӣ ба идомаи ҳамкориҳои ҳамаҷонибаи ИА бо кишварҳои минтақа – Узбекистон, Тоҷикистон, Қирғизистон, Туркманистон ва Қазоқистон равона гардида аст. Ин ҳамкорӣ доираи васеи соҳаҳоро дар бар мегирад, аз ҷумла амният, волоияти қонун, муҳити зист, захираҳои об, тағйирёбии иқлим, маориф ва ҳуқуқи инсон.

Дар ин баёния ҳамчунин гуфта мешавад, ки мутобиқи стратегияи ИА барои Осиёи Марказӣ, фароҳам овардани муҳити соҳибкорӣ, ҳавасманд кардани сармоягузорӣ ва мусоидат ба пайвасти устувор муҳим аст. Аҳамияти стратегия аз ҳисоби Афғонистони ҳамсоя низ меафзояд.

Терҳи Ҳакала ҳоло сафири таҳдидҳои гибридӣ дар Департаменти сиёсии Вазорати умури хориҷаи Финландия мебошад.

Қаблан ӯ дар вазифаҳои гуногуни дипломатӣ, аз ҷумла роҳбари намояндагии доимии Финландия дар Женева, сафири Финландия дар Ҳиндустон ва роҳбари миссияи Созмони Амният ва Ҳамкории Аврупо САҲА дар Гурҷистон кор мекард.

Терҳи Ҳакала як дипломати касбии Финландия мебошад, ки дар кишварҳои ҳамсояи шаркии ИА ва Осиёи Марказӣ, аз ҷумла дар заминаи САҲА дорои таҷриба аст. Вай дар масъулиятҳои гуногуни дипломатӣ дар хориҷа, ба вижа Русия, Осиёи Ҷанубӣ, Ҷанубу Шарқӣ ва Женева хидмат карда аст.

Ба наздики вай сафири гибридӣ, технология ва амният дар Вазорати умури хориҷаи Финландия буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.