32.9 C
Dushanbe

Изҳори миннатдории маҷбурӣ (Видео)

Шурӯъ аз 21-уми сентябр бар асоси қонуни афв садҳо нафар аз зиндонҳои Тоҷикистон озод шуданд.

Навор: Фейсбук

Кумитаи амнияти миллии Тоҷикистон аз зиндониёне, ки шомили афви навбатӣ шудаанд, мехоҳад дар зери дурбин аз Эмомалӣ Раҳмон миннатдории худро баён кунанд.

Наворе дар шабакаи иҷтимоии Фейсбук роҳ ёфта, ки дар он дида мешавад кормандони зиндон ва ё Кумитаи давлатии амнияти миллии Тоҷикистон аз нафаре, ки шомили афв шудааст, мехоҳанд аз Президент изҳори миннатдорӣ кунад, вале ӯ чандон ба суханони кормандони КДАМ сарфаҳм намеравад.

Кормандони КДАМ мепурсанд, ки Ҳукумат ба шумо хӯрок медод? Шахси озодшуда дар ҷавоб мегӯяд, намедонам ҳукуматаш чист, лекин баъзе ҳоҷиён (бештар мардуми пулдорро мегӯянд) ош меоварданд.

Корбарон дар зери ин навор шарҳҳои зиёд навишта, кори маъмурони амниятиро интиқод намудаанд. Аксарият бар иҷборӣ будани навор ишора намуда, гуфтаанд, ки ҳукумат мехоҳад аз ҳар фурсат истифода бурда, барои Эмомалӣ Раҳмон обрӯ касб кунад.

Аммо дар чунин ҳолатҳо барои масъулони зиндон ва маъмурони амнияти кишвар фурсати хуби пул кор кардан даст медиҳад. Аз ҳар маҳбус бо роҳҳои ғайриқонунӣ маблағ меситонанд.

Биноан, корбароне навиштаанд, ки маҳбусони озодшуда на аз Раҳмон, балки аз он идда аз хешу наздиконе изҳори сипосу миннатдорӣ кунанд, ки маблағи зиёд қарз намуда онҳоро озод кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.