32.9 C
Dushanbe

Кабирӣ: Ҳукумат ошӯберо дар байни зиндониён роҳандозӣ карданист

Муҳиддин Кабирӣ, раиси эътилофи Паймони миллии Тоҷикистон дар суҳбати он-лайнии худ шоми 27-уми октябр аз ошӯбе хабар дод, ки қарор аст мақомоти кишвар дар байни зиндониҳо роҳандозӣ кунанд.

Ба гуфтаи раҳбари ПМТ, дар ин бора маълумот чанд рӯзе ба дасти онҳо расидааст ва ҳамаҷониба санҷида шудааст, ки мақомот дар воқеъ чунин кореро дар яке аз зиндонҳои кишвар пиёда хоҳанд кард. Раҳбари ПМТ мегӯяд, “таҳқиқоти мо нишон дод, ки дар ҳақиқат чунин саҳнасозие аз ҷониби мақомоти кишвар дар роҳ аст.”

“Ду рӯз се рӯз пеш ба мо маълумот расид, ки Ҳукумати Тоҷикитон боз дар барномааш ҳаст, ки як фитнаеро бо номи ошӯб ё задухӯрд дар байни зиндониҳо дар дохили яке аз зиндонҳои Тоҷикистон роҳандозӣ кунад.”, – мегӯяд Муҳиддин Кабирӣ.

Ӯ мегӯяд, тақрибан ҳар сол дар Тоҷикистон мақомот дар дохили зиндонҳо ба ном ошӯб ва задухӯрд байни зиндониҳо ба вуҷуд меоранду саҳнасозӣ мекунанд.

Ҳамеша мавзуи суҳбати мақомоти Тоҷикистон ҳамин аст, ки дар дохили зиндонҳои кишвар ошӯб мешавад ва дар ҳар ошӯбе чандин зиндонӣ кушта мешаванд. Ва бо ин кор ба ном ошӯбгаронро саркӯб мекунанд ва ё боз ҳам ба онҳо солҳои тӯлонитар медиҳанд.

Кабирӣ гуфт, бо ин кор Эмомалӣ Раҳмон мехоҳад вазъияти кишварро амниятӣ кунад, то мардум дар фикри зиндагӣ ва маоши хуб набошаду ҳамеша амниятро талаб кунанд.

Ҳамеша ошӯбҳо замоне роҳандозӣ мешаванд, ки худи Эмомалӣ Раҳмон дар сафар дар хориҷи кишвар аст. Кабирӣ мепурсад, ки агар ин ошӯбҳо саҳнасозӣ набошанд, зиндониҳо аз куҷо медонанд, ки маҳз аз фалон то фалон рӯз Президент дар сафар асту онҳо даст ба ошӯб мезананд?

Муҳиддин Кабирӣ мегӯяд, ин ошӯбе, ки дар роҳ аст ва Эмомалӣ Раҳмон мехоҳад дар ин рӯзҳо роҳандозӣ кунад, чанд ҳадаф дорад:

  1. Бояд ин ошӯб ба дасти аъзоёни ҲНИТ роҳандозӣ шавад ва вазъияти кишварро амниятӣ нишон бидиҳанд. Ҳукумат мехоҳад бо ин кор нишон диҳад, ки ин ҳизб на танҳо дар берун аз кишвар фаъол аст, балки дар дохили Тоҷикистон ва ҳатто дар дохили зиндонҳо талош доранд амнияти кишварро халалдор кунанд;
  2. Гунаҳкори асосӣ ва террорист нишон додани ҲНИТ;
  3. Аз байн бурдани чанде аз нафарони маъруфу шинохтаи мухолифон дар дохили зиндон.

Ин дар ҳолест, мақомоти Тоҷикистон борҳо дар дохили зиндонҳо чунин ошӯбҳоро роҳандозӣ карда, чандин нафар кушта мешаванд. Аз ҷумла дар ошӯби зиндони “Кирпичний”-и шаҳри Ваҳдат, ки соли 2019 роҳандозӣ шуда буд, 29 зиндонӣ кушта шуд, аз ҷумла ду узви аршади Ҳизби наҳзати исломии Тоҷикистон Каримов Абдусаттор ва Эшони Қиёмиддини Ғозӣ ва инчунин рӯҳонии шинохта бо номи Шайх Темурро ба қатл расонданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.