Тоҷикистон

Боздошт бо гумони қаллобӣ наздики ним миллион доллар

Вазорати корҳои дохилии Тоҷикистон аз боздошти нафаре хабар дод, ки бо қаллобӣ дар ҳаҷми хеле бузург-наздики ним миллион доллар муттаҳам мешавад.

Дар хабар, ки рӯзи 10-декабр дар сомонаи ВКД нашр шудааст, ному насаби ҷабрдида ва шахси гумонбар зикр нагардидааст, аммо гуфта мешавад, як марди 41-сола сокини шаҳри Душанбе “бо роҳи фиреб ба бовории марди 44-солаи сокини шаҳри Ваҳдат даромада, аз ӯ 6-адад автомашинаҳои гуногунтамға: “Волва”, “Мерседес-Бенс”, “Актрос”, “Ман”, “БМВ” ва “Мерседес-Бенс”-ро нархгузорӣ карда гирифта, ба шахсони дигар фурӯхта, маблағи ба даст овардаро ба манфиати шахсиаш сарф намудааст.
Зарари расонидашуда 442 ҳазор доллари амрикоиро ташкил медиҳад.”

Вазорати корҳои дохилии Тоҷикистон мегӯяд, нафари гумонбар марди 41-солаи сокини пойтахт айни замон боздошт ва нисбати ӯ парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз шудааст.

Назари ҷабрдида, гумонбар ва ё наздиконашон то ҳол дастраси расонаҳо нашудааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Оё дар даргириҳои Хоруғ баҳси мазҳабу пой Толибон дар миён аст?

Тоҷикистон

Сафари Эмомалӣ Раҳмон ба шаҳру ноҳияҳои минтақаи Кӯлоб

Иқтисод

Бинои "Тоҷиксодиротбонк" ва меҳмонхонаи "Тоҷикистон" ба фурӯш гузошта шуд

Қирғизистон

Боздошти як тоҷикистонӣ бо иттиҳоми қочоқи афюн дар Қирғизистон