23.9 C
Dushanbe

Боздошти як мансабдор дар Исфара бо иттиҳоми қаллобӣ

Мақомоти Агентии назорати давлатии молиявӣ ва мубориза бо коррупсияи Тоҷикистон як мансабдори шаҳри Исфараро бо иттиҳоми ғайриқонунӣ фурӯхтани қитъаи замин боздошт кард.

Акс аз Интернет

Тавре Маркази матбуоти Агентии зидди фасоди Тоҷикистон хабар медиҳад, сардори раёсати иқтисод ва савдои Мақомоти иҷроияи ҳокимияти давлатии шаҳри Исфара Файзуллозода Парвиз “бо роҳи фиреб ва истифодаи мақоми хидматӣ аз шаҳрванд “А” барои вобаста намудани қитъаи замини наздиҳавлигӣ 20 000 доллари ИМА талаб намудааст.”

Гуфта мешавад, ин мансабдори давлатии шаҳри Исфара аз маблағи талаб намудааш 57 ҳазор сомониашро гирифта, “ба манфиати худ сарф намудааст, ки дар натиҷа бо ин кирдори қасдона ба шаҳрванд зарари махсусан калони моддӣ расонидааст.”

Мақомоти Агентӣ нисбати Файзуллозода Парвиз бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз намуда, парвандаи ӯро аллакай барои эълони ҳукм ба додгоҳ фиристодаанд.

Ин банди қонун барои шахси гунаҳкор аз 8 то 12 соли зиндон бо маҳрум сохтан аз ҳаққи ишғоли мансбҳои муайян то 5 сол ҷазо пешбинӣ кардааст.

Аммо, ба гуфтаи бархе коршиносон, дар Тоҷикистон аз сабабе, ки дар ҳама соҳаҳо, ҳатто дар дохили додгоҳу байни додрасҳо ришваву фасод вуҷуд дорад, одатан, чунин мақомдорони муттаҳамшуда бо додани ришва худро озод мекунанд ва ҳатто ба сари кору мансаби худ бармегарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.