20.9 C
Dushanbe

Қариб 80% шаҳрвандони Амрико Ҷо Байденро президенти ояндаи худ медонанд

Дар акс Доналд Трамп ва Ҷо Байден: unn.com.ua

Тибқи як назарсанҷие, ки “Ройтерз” ва муассисаи “Ипсос” (Ipsos) гузаронидаанд, 79 дарсади овоздиҳандагон бовар доранд, ки Ҷо Байден дар интихоботи рӯзи 3 ноябр пирӯз шудааст.

Ба назари 13 % овоздиҳандагон, натиҷаҳои интихобот ҳанӯз рӯшан нест ва қариб 5 дарсади дигар намедонанд, кӣ пирӯз шудааст. Танҳо ба назари 3% дигар, Доналд Трамп барандаи интихобот аст.

72% овоздиҳандагон мегӯянд, бояд мағлубиятро эътироф кард. Ба боварии қариб 60% овоздиҳандагон баъд аз анҷоми президентии Доналд Трамп, ки рӯзи 20 январ ба охир мерсад, интиқоли қудрат ба таври осоишта сурат мегирад.

Дар робита ба иддаои Трамп, ки гуфта буд дар интихобот тақаллуб сурат гирифтааст, 70% пурсидашудагон гуфтаанд, ки кормандони ҳавзаҳои интихоботӣ кори худро софдилона анҷом додаанд.

Ба навиштаи “DW” Доналд Трамп ҳанӯз пирӯзии Ҷо Байденро эътироф накардааст. Бо гузашти 1 ҳафта, Трамп ҳанӯз ҳам мегӯяд, ки дар интихоботи 3 ноябр тақаллуб сурат гирифтаааст, аммо то ҳол барои таъйиди гуфтаҳояш далел ё мадракеро нишон надодааст.

Ба ғайр аз Трамп бештари Ҷумҳурихоҳон аз эътирофи Ҷо Байден ҳамчун барандаи интихобот худдорӣ мекунанд. Ҳатто Майк Помпео котиби давлатии ИМА аз давраи дуввуми президентии Трамп гуфтааст, менависад “DW”.

Помпео дар як сӯҳбаташ дар Вашингтон гуфтааст, ки “Як интиқоли қудрати ором ба давлати дуюми Трамп сурат хоҳад гирифт”. Ӯ талаб кардааст, ки мунтазири қарорҳое бошанд, ки дар Конститутсияи ИМА сабт шудаанд.

Ёдовар мешавем, ки рӯзи 3 ноябр дар ИМА интихоботи президентӣ баргузор гардид. Ҷо байден бо гирифтани 290 райъи коллеҷӣ худро барандаи интихобот эълон кард. Доналд Трамп дар ин интихобот 214 райъро ба даст овард ва гуфт, ки дар интихобот тақаллуб сурат гирифтааст.

Бояд гуфт, ки то ҳол натоиҷи интихобот расман эълон нашудааст. Баъд аз эълони расмии натоиҷи интихоботи Амрико ба эҳтимоли қавӣ Ҷо Байдени 78-сола 46-умин президенти Амрико ба шумор хоҳад рафт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.