26.9 C
Dushanbe

Қарзи берунаи Тоҷикистон дар соли 2020 афзоиш ёфтааст

Дар соли 2020 қарзи давлатии Тоҷикистон наздик ба 40 дарсади маҷмӯи маҳсулоти дохилӣ (ММД) расидааст. Дар ин бора Бонки ҷаҳонӣ зери унвони “Кунд шудани рушди иқтисодии Тоҷикистон дар шароити пандемия” гузориши тозае нашр кардааст.

Дар ин гузориш зикр гардида, ки “Қарзи берунаи Тоҷикистон то моҳи сентябри соли равон наздик ба 40 дарсади ММД расидааст. Дар соли 2019 ин рақам муодили 36,6 дарсади ММД буд”.

Ҳамчунин муаллифони гузориш сабабҳои зиёд гардидани қарзи давлати Тоҷикистонро ба кам гардидани интиқоли пули муҳоҷирон рабт додааст. Бар зиммаи афзоиши қарз, ҷамъоварии ками андоз низ аз дигар омилҳо унвон мешавад.

Мутахассисони Бонки ҷаҳонӣ навиштаанд, ки Ҳукумати Тоҷикистон аз ҳисоби қарз норасоии зиёди буҷаи давлатиро, ки ба сабаби пандемияи вируси корона иҷро нагардид, ҷуброн намудааст.

documents1.worldbank.org

Гуфта мешавад, Тоҷикистон аз Сандуқи байналмилалии пул (189,5 миллион доллар), Бонки осиёии рушд (беш аз 102,5 миллион доллар) ва аз Бунёди субот ва рушди АвруОсиё (50 миллион доллар) қарз гирифтааст.

Бонки ҷаҳонӣ дар давраи пандемияи вируси корона ба бахши тандурустии Тоҷикистон, 11.3 миллион кумак кардааст, боз нақша дорад, ки 16,2 миллион доллари дигар кумак намояд.

Дар гузориш қайд гардидааст, ки дар Тоҷикистон хавфи эътибор (дефолт) вуҷуд дорад ба ҳамин хотир қарзҳои нав метавонад вазъи қарзи давлатиро боз ҳам мураккабтар кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид. 

Истеъфои сармуррабии футбол

Сармураббии дастаи пуровазадори "Регар-ТадАЗ"-и шаҳри Турсунзода аз мақомаш истеъфо дод.

Ҳалокати як ҷавони тоҷик бар асри раъду барқ

Бар асри боришоти зиёди жола ва зарби раъду барқ дар бархе манотиқи кӯҳистонии Тоҷикистон як нафар ба ҳалок расидааст.