23.2 C
Dushanbe

Ҳаҷвнигори шинохта Бахтиёр Раҳимов соҳиби хона шуд

Раҳбари гурӯҳи “Ғарибшо компания”, ки як рӯз пеш бо як муроҷиатномаи видеоӣ аз мардум дархости кумак карда буд, мегӯяд, соҳиби хона шудааст.

Бахтиёр Раҳимов ва Раҳим Бобохонов, маъруф ба Раҳими Ғармӣ

Имрӯз, 15-уми июни соли 2022 ҳаҷвнигори шинохта ва раҳбари гурӯҳи “Ғарибшо компания” Бахтиёр Раҳимов бо нашри як навори видеоӣ эълон кард, ки тоҷири шинохта Раҳим Бобохонов маъруф ба Раҳими Ғармӣ ба дархости ӯ лаббайк гуфта, ба вай хона додааст.

Пеш аз ин дирӯз, 14-уми июн, раҳбари гурӯҳи ширинкорони шинохтаи тоҷик “Ғарибшо копания” Бахтиёр Раҳимов дар як муроҷиатномаи видеоии худ аз мардум кумак хоста, гуфт, ки ” 30 сол сабр кардам, з0 сол шуд иҷора мешинам, акнун мушкилоти манзилие, ки дорам ба қароре омадам, ки барои ҳал кардани мушкили худ ба шумо муроҷиат кунам.”

Ин ҳаҷвнигори маъруфи тоҷик дар муроҷиаташ аз чанд нафар, аз ҷумла аз набераи Президенти Тоҷикистон Исмоили Муҳаммадзоҳир, Раҳим Ғармӣ ва Маҳмудҷон Муродов ном бурда буд, ки дар мушкилияш ба ӯ ёрӣ кунанд.

Бахтиёр Раҳимов мегӯяд, аз соли 1993 то ҳол сокини ноҳияи Синои шаҳри Душанбе мебошад. Вай дар хобгоҳи Филармонияи давлатии Тоҷикистон, ки Вазорати фарҳанг ба кормандонаш медиҳад, тибқи қонун зиндагӣ мекард. Аммо дар замони ҷанги шаҳрвандӣ ба воситаи тӯфанг ӯро аз он ҷо ихроҷ карданд.

Раҳбари гурӯҳи “Ғарбишо компания” таъкид мекунад, ки дар суроғае, ки тибқи қонун ӯ бояд зиндагӣ кунад, дар ҳоли ҳозир қариб 12 нафари дигар сукунат доранд ва ба ин хотир ӯ маҷбур шудааст, ки онҷоро тарк карда, дар ҷои дигаре иҷоранишин шавад.

Ин ҳаҷвнигори шинохтаи кишвар, ки аз замони сари қудрати омадани Эмомалӣ Раҳмон то ҳол ба муддати наздик ба 30 сол дар хидмати ҳукумат ва мардум қарор дорад, то ҳол натавониста соҳиби хонаи шахсӣ шавад ва акнун аз набераи Президенти Тоҷикистон дархости кумак кардааст.

Баъзе доираҳо муроҷиати Бахтиёр Раҳимовро чунин маънидод мекунанд, ки ин ҳунарманд ду паёми асосиро ба Эмомалӣ Раҳмон расонд, яке ин ки дар давлате, ки раҳбариаш 30 сол шуд дар дасти як нафар ва як хонавода аст, як эҷодкор дар хонаи қонуниаш зиндагӣ карда наметавонад ва дигар ин ки бо маоши моҳонае, ки ҳукумати Раҳмон ба кормандони фарҳанг медиҳад, дар 30 сол касе соҳиби хона намешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.