26.9 C
Dushanbe

Эмомалӣ Раҳмон Асадро аз Эрдуғон беҳтар медонад

Президенти Тоҷикистон бо ирсоли ду барқияи изҳори ҳамдардӣ ба ҳамтоёнаш дар Сурия ва Туркия ба онҳо тасаллият гуфтааст.

Акс аз манбаъҳои боз

Имрӯз, 6-уми феврали соли 2023 Эмомалӣ Раҳмон бо фиристодани ду номаи алоҳида ба сарони Туркия ва Сурия ба Раҷаб Тайиб Эрдуғон ва Башшор Асад изҳори ҳамдардӣ кардааст.

Эмомалӣ Раҳмон дар номааш ба Башшор Асад, Президенти Сурия бо як самимияти хосса таъкид мекунад: “Хабари заминларзаи шадид дар кишвари дӯсти Сурия, ки боиси  фавтидан ва ҷароҳат бардоштани шумораи зиёди одамон гардида, хисороти ҳангуфтеро дар пай дошт, муҷиби андӯҳи беандозаи мо гардид.”

Аммо дар номаи дигар Президенти Тоҷикистон ба сурати расмӣ ба ҳамтори Туркиаш Раҷаб Тайиб Ардуғон мегӯяд: “Хабари ба ҳалокат расидан ва ҷароҳат бардоштани шумораи зиёди одамон, ҳамчунин хисороти азими моддӣ бар асари заминларзаи шадид дар минтақаҳои ҷанубу шарқии Туркия боиси андўҳи амиқи мо гардид.

Эмомалӣ Раҳмон вақте мехоҳад ба Башшор Асад изҳори ҳамдардӣ кунад, бо як дилсӯзии вижа аз ибораи “дар ин лаҳзаҳои сангин” истифода мекунад, аммо вақте навбат ба Эрдуғон мерасад, мегӯяд, ” ба пайомадҳои фоҷеабори ин офати табиӣ” ва “ба аҳли пайвандону наздикони фавтидагон сабри ҷамил ва барои ҳамаи осебдидагон шифои комил хоҳонам.”

Гуфта мешавад, бар асари заминларзаи шадиде, ки имрӯз қисматҳои аз Туркияву Сурия, Ироқу Лубнон, Юнон ва ҳатто Мисрро такон дод, дасти кам дар Турия 912 нафар ва дар Сурия 592 каси дигар ҷони худро аз даст доданд ва наздик ба 10 ҳазори каси дигар осеб дидааст. Дар бораи хисороти моддии мардум то ҳол гузориши дақиқе ироа нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Таркиш: Беш аз 300 кушта ва захмӣ дар Қарбоғи Кӯҳӣ

Бар асари як таркиш дар минтақаи Қарабоғи Кӯҳӣ зиёда аз 300 нафар кушта ва захмӣ шудааст.

Изҳороти Вазорати корҳои хориҷӣ

Вазоратҳои корҳои хориҷии Тоҷикистон ва Узбекистон бо нашри "изҳороти матбуотӣ"-и муштарак аз баргузории ҷаласаи як ҳафтаинаи мақомоти ду кишвар хабар доданд.

Пулиси нозири роҳ ронандаро зад

Дар шабакаҳои иҷтимоӣ наворе нашр шуда, ки дида мешавад,...

Тазоҳуроти мухолифон дар Олмон алайҳи сафари Раҳмон ба ин кишвар

Ҳаракати сиёсии "Гурӯҳи 24" эълон кардааст, ки рӯзи 28-уми сентябр дар шаҳри Берлини Олмон алайҳи сафари Эмомалӣ Раҳмон ба ин кишвар гирдиҳамоии эътирозӣ барпо хоҳанд кард.