Асри рӯзи панҷшанбе, 28-уми апрел нерӯҳои низомии Русия ноҳияи Шевченкои шаҳри Киевро
Субҳи рӯзи 29-уми апрел Виталий Кличко, шаҳрдори Киев дар канали телеграмии худ гуфт: “Наҷотдиҳандагон айни замон ба ҷустуҷӯ машғуланд ва ҳоло аз зери харобаҳои бинои истиқоматӣ дар ноҳияи Шевченко, ки дирӯз ба онҷо мушак бархӯрда буд, ҷасади як нафарро пайдо карданд.” Ҳоло ҷустуҷӯи наҷотдиҳандагон идома дорад, гуфта мешавад, ба эҳтимоли зиёд захмиён ва кушташудагон зиёданд. Александр Демченко дар ҳисоби твтттераш хабар дод, ки нафари кушташуда Вера Хирич, хабарнигори Радиои Озодӣ дар Украина мебошад, ки бар асари ин ҳамла кушта шуд. RFE/RL Kyiv bureau journalist Vera Hyrych killed in Russian air strike on an apartment building, her colleague, Oleksandr Demchenko, said. #Ukraine pic.twitter.com/lntfsUX2rU — Alexander Khrebet/Олександр Хребет (@AlexKhrebet) April 29, 2022 Ҳамлаи Русия ба ноҳияи Шевченкои пойтахти Украина дар ҷараёни сафари Дабири кулли Созмони Миллали Муттаҳид Антони Гутерриш дар шаҳри Киев сурат гирифт. Владимир Зеленский раисҷумҳури Украина дар робита ба ин ҳамла дар паёми видеоие гуфт: “Ин ҳодиса чизҳои зиёдеро бар бораи нигариши воқеии Русия нисбат ба ниҳодҳои байналмилалӣ нишон медиҳад”. Дар чанд рӯзи ахир Русия ҳамлаҳояшро дар аксар шаҳрҳои Украина, ба хусус шарқи ин кишвар шиддат бахшидааст.
Ҳамлаи Русия ба Киев дар ҳоли вуҷуди Дабири кулли СММ дар ин шаҳр
