31.9 C
Dushanbe

Ҳамлаи террористӣ дар шаҳри Венаи Утриш, чанд кушта ва захмӣ ба ҷо гузошт

Акс аз (Reuters LEONHARD FOEGER)

Шоми рӯзи душанбе мақомоти Утриш (Австрия) аз як ҳамлаи террористӣ дар шаҳри Вена хабар доданд. Гуфта мешавад, ки ҳамла дар 6 макони мухталиф дар назди бузургтарин канисаи яҳудиён ба амал омадааст. Бо таъйиди пулиси ин кишвар, бар асари ин ҳамла 7 нафар кушта ва чанд тани дигар захмӣ шудаанд.

Вазири корҳои дохилии Утриш Карл Неҳаммер тасдиқ кард, ки дар ин ҳамла 7 нафар кушта ва чанд тани дигар захмӣ шуданд ва аз ҳамлагарони як нафар кушта ва чанде дигар боздошт шуданд. Неҳаммер дар суҳбат бо телевизиони маҳаллии (ORF) иброз дошт, ки “ин ҳуҷуме, ки дар шаҳри Вена сурат гирифт, мақомот бовар доранд, ин амалиёти террористӣ аст”.

Неҳаммер афзуд, ки амалиёт ҳанӯз ҳам идома дорад, зеро як идда аз ҳамлаварон фирор кардаанд. Ӯ гуфт, ки ҳамларо як ду нефар не, балки гурӯҳе аз одамон анҷом додаанд.

Полис хабар дод, ки дар минтақаи якуми Вена амалиёти густарда анҷом медиҳанд ва қайд кард, ки “тамоми нерӯҳои мавҷудбуда”-ро барои бартарафсозии вазъ сафарбар кардааст ва аз мардум хоста шуд, ки хунсард бошанд ва аз истифодаи шабакаҳои иҷтимоӣ ва фиристодани наворҳо ба дигарон худдорӣ кунанд. Ва ҳатто аз хонаҳо берун набароянд.

Хабаргузории “Ройтерз” бо такя ба Вазорати корҳои дохилии Утриш хабар дод, ки бар асари ин ҳамла як пулис захми сангин бардоштааст ва ҳолаташ вазнин арзёбӣ мешавад.

Сухангӯи Хадамоти наҷотдиҳии Утриш гуфт, “Ҳоло наметавонем адади осебдидагонро дақиқ баён кунем, мо айни замон аз паси таҳқиқи ин ҳодиса ҳастем.”

Дар ҳамин ҳол шоми душанбе сухангӯи Вазорати дохила гуфт, қувваҳои зиёди пулис дар шаҳри Вена мунташир гардида дар ҳоли ҷустуҷӯ ҳастанд.

(Хабар дар ҳоли такмилёбист)

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.