28.9 C
Dushanbe

Украина ба ҳуҷум гузаштааст?

Шаҳрдори Белгород гуфта, ки чархболҳои низомии Украина ба як анбори нигаҳдории маводи сӯзишворӣ дар хоки Русия ҳамла кардаанд.

Бино ба иттилои ББС, шаҳрдори Белгород чархболҳои низомии Украинаро ба убур аз марзи ин кишвар ва ҳамла ба анбори маводи сӯзишворӣ муттаҳам кард, вале мақомоти Украина масъулияти ин ҳамларо бар уҳда нагирифтанд.

Ҳамзамон хабаргузории “Reuters” иттилоъ дода, ки “як мақоми Русия гуфт, ду чархболи низомии украинӣ рӯзи ҷумъа ба як анбори маводи сӯхт дар шаҳри Белгороди Русия ҳамла карданд ва ин аввалин иттиҳоми ҳамлаи ҳавоии Украина ба хоки Русия пас аз ҳамлаи Маскав ба ҳамсояи худ дар охири моҳи феврал дониста мешавад.”

Наворҳои видеоии ин ҳамла, ки дар интернет нашр шудаанд, нишон медиҳанд, ки чанд мушак аз баландии паст партоб шуда, пас аз он инфиҷор рух додааст.

Аммо губернатори вилоят Вячеслав Гладков сӯхтор дар анбори сӯзишвории шаҳри Белгороди Русияро, ки дар наздикии марзи Украина воқеъ аст, ба “Reutres” тасдиқ карда, гуфтааст, ду рӯз пеш ҳам дар як анбори силоҳ сӯхтор ба амал омада буд, ки баъдтар боиси таркишҳои зиёд гардид.” Бо ин ҳол, “Reutres” меафзояд, ки то ҳол натавонистааст, ки ин иддаоҳои Русияро тасдиқ кунад.

Ҳамлаҳои низомии Русия алайҳи Украина 24-уми феврали соли ҷорӣ оғоз шуда, то ҳол ҷанд дар ин кишвар идома дорад. Бар асари ин ҳамлаҳо зиёда аз 4 миллион нафар овора ва ба кишварҳои ҳамсоя панаҳ бурдаанд. Теъдоди дақиқи афроди кушташуда ва захмиҳоро ҳар ду ҷониб зиёда аз 20 ҳазор нафар эълон мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.