32.9 C
Dushanbe

Ҳамлаҳои мушакии Русия алайҳи Украина

Бар асари ҳамлаҳои навбатии Русия субҳи имрӯз дар аксар манотиқи Украина зангҳои хатар ба садо даромада, шаҳрвандон ва сокинони ин кишвар ба паноҳгоҳҳо панаҳ бурданд.

Бино ба иттилои расонаҳо, субҳи имрӯз, 16-уми декабри соли 2022 Русия ҳамлаҳои ҳавоӣ ва мушакии худ алайҳи шаҳрҳои мухталифи Украина, аз он ҷумла шаҳрҳои Киев, Херсон, Запарож, Харков ва дигар бузург шаҳрҳои ин кишварро аз сар гирифтааст.

Президенти Украина Владими Зиленский дар суҳбат бо расонаҳо Русияро ба он муттаҳам кардааст, ки он бар асоси барномаҳои аз қабл таҳияшуда, тамоми зерсохторҳои кишваррашро ҳадаф қарор дода, онҳоро аз байн мебарад. Вай таъкид карда, Русия артиши Украинаро шикаст дода наметавонад, ба ин хотир тамоми иншоот ва биноҳоро ҳадаф қарор медиҳад.

Инчунин бар асари ин ҳамлаҳои ҳавоӣ ва мушакии Русия аллакай дар бархе бузургшаҳрҳои Украина хеле аз иншооти муҳими давлатӣ, аз ҷумла пойгоҳҳои обу барқрасонӣ ва дигар иншооти гармидиҳӣ харобу валангор гардида, дар натиҷа шаҳрии Харков ҳам пурра бебарқ мондааст.

Аз сӯи дигар, Русия ва гурӯҳҳои ҷудоиталаб дар Донбас ҳам ҷониби Украинаро муттаҳам ба ҳамла карда, гуфтаанд, ки дар натиҷаи ин ҳамлаҳо ҳудуди 15 нафар кушта ва захмӣ шудааст.

Вазорати дифои Украина ҳам дар саҳфаи Телеграмиаш хабар дода, гуфтааст, субҳи имрӯз шаҳрҳои мухталифи Украинаро бо 72 мушаки болдор мавриди ҳадаф қарор додааст.

Ҳамзамон Вазорати дифои Русия ҳам бо таъйиди ин ҳамлаҳо дар канали Телеграмиаш хабар дода, ки дар натиҷаи ин ҳамлаҳо беш аз 16о афсару сарбози укрианӣ кушта ва захмӣ шудаанд. Аммо дар мавриди ҳадаф қарор додани иншооти муҳими давлатӣ дар Украина чизе нагуфтааст.

Гуфта мешавад, ҳамлаҳои Русия алайҳи Украина аз 24-уми феврали соли ҷорӣ ба ин сӯ идома доранд ва то ин мудддат даҳҳо ҳазор нафар аз сокинони мулкӣ ва низомиён аз ҳар ду ҷониб кушта ва захмӣ шуда ва беш 6 миллион нафар хонаву кошонаҳои худро тарк карда, ба ҷойҳои амнтар, аз ҷумла кишварҳои узви Иттиҳоди Аврупо, Амрико ва Канада панаҳ бурданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.