14.9 C
Dushanbe

Вокуниш: ҲНИТ гуфт, ВКД моро туҳмат мекунад

Ҳизби наҳзати исломии Тоҷикистон иддаъои Вазорати корҳои дохилӣ дар хусуси даст доштани аъзои ин ҳизб дар актҳои террористӣ дар Тоҷикистонро рад карда, онҳоро иттиҳоми навбатии мақомот хонд.

Шоҳнаими Карим, муовини Раиси Ҳизби наҳзати исломии Тоҷикистон дар суҳбат бо АЗДО ТВ гуфт, “ҲНИТ ҳеч гоҳ бо ДИИШ ва дигар созмонҳои ҳаросафкан ҳамкорӣ надошт, надорад ва нахоҳад кард. Ин иддаъои мақомот дурӯғ аст. Мо расман фаъолияти худро дар Тоҷикистон аз соли 2015 қатъ кардаем ва дигар то кунун онҷо ҳеч нерӯи фаъоле надорем, ки амал кунанд.”

Муоивини Раиси ҲНИТ афзуд: “Вақте ҲНИТ дар Тоҷикистон фаъолият намекунад, ин туҳмат аст, ки гӯё дар соли 2021 аъзои ҲНИТ дар ҳамкорӣ бо ДИИШ, ки аслан моро қабул надоранд, дар Тоҷикистон даст ба амалҳои террорисие зада бошанд.”

Шоҳнаими Карим, муовини Раиси Ҳизби наҳзати исломӣ бар ин назар аст, ки мақомоти Тоҷикитсон баъзан ба хотири ба дом андохтани ҳамкорони худ ва ё зарба задан ба мухолифин даст ба амалҳои характери террористидошта мезананд ва ба мардум ва расонаҳо дурӯғ гуфта, корҳо ва ҷиноятҳои худро ба номи дигарон сабт кардан мехоҳанд, ки ин амалҳо аз нигоҳи ахлоқӣ туҳмат ва аз нигоҳи қонунӣ ҷиноят дониста мешаванд.

Пеш аз ин Раёсти ҷиноятҳои созмонёфтаи Вазорати корҳои дохилӣ Шодӣ Ҳафиззода дар нишасти матбуотии ин вазорат гуфта буд, ки “дар давраи ҳисоботии соли 2021 4 амали сӯиқасди террористӣ ба қайд гирифта шуданд. Амалҳои террористӣ ба вилоятҳои Суғд, Хатлон ва шаҳри Ваҳдат рост меояд. Асосан амалҳои террористӣ аз ҷониби аъзои Ҳизби наҳзати исломии Тоҷикистон, Паймони миллӣ дар якҷоягӣ бо аъзои ДИИШ ба нақша гирифта шуда буданд.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.