20.9 C
Dushanbe

Хоруғ: Интизории мардум барои оғози гуфтугӯҳо байни мақомот ва эътирозгарон

Субҳи имрӯз мардум дар шаҳри Хоруғ интизор доштанд, ки мақомот барои оғози гуфтушунид бо мардум иқдом мекунанд, аммо то ҳол касе расман аз ду ҷониб барои оғози ин кор иқдом накардааст.

Субҳи имрӯз, 17-уми майи соли 2022 “Памир Дайли Нюс”, ки бештар ахбори ВМКБ-ро пайгирӣ ва пӯшиш медиҳад, хабар дод, ки ” бидуни ягон асоси қонунӣ шаҳр фалаҷ шудааст.”

Фаъолияти қариб кулли муасссаҳои давлатӣ, ҷамъиятӣ ва хусусӣ дар маркази маъумрии Вилояти Мухтори Кӯҳистони Бадахшон (ВМКБ) шаҳри Хоруғ боздошта шудааст.

Ба гуфтаи ин манбаъ, “фаъолияти мактабҳо ва дигар муассисаҳо қатъ карда шудааст. Одамон ҳаракат карда наметавонанд.” Ва “эҳтимол, мақомоти амниятӣ ба он умед мебанданд, ки мардум хаста шуда, ба хонаҳо бармегарданд.”

Мақомоти қудратӣ аз замони қатли Гулбиддин Зиёбеков дар 25-уми ноябри соли 2021 то кунун бар ин боваранд, ки метавонанд дар ин минтақа парвандаҳои ҷиноятии худро бо ҷорӣ кардани фарҳанги тарсу ҳарос ва даҳшатафканӣ байни мардум баста кунанд, аммо сокинон дар хостаҳои қонунии худ устувор буда, адолат ва татбиқи волоияти қонунро барои ҳама талаб доранд.

Гуфта мешавад, дирӯз 16-уми майи соли ҷорӣ дар ҳамлаҳои мақомот алайҳи эътирозгарон дар шаҳри Хоруғ дасти кам як нафар кушта ва 9 каси дигар аз ду тараф захмӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.