9.9 C
Dushanbe

Ҳунарманди маъруфи эронӣ (Зулайхо) боздошт шуд

Катоюн Риёҳӣ, бозигари синамо ва телевизиони Эрон, ки дар серёли “Юсуф паёмбар” нақши Зулайхоро бозида буд, аз ҷониби нерӯҳои амниятии ин кишвар боздошт шудааст.

Тавре расонаҳои давлатии Эрон шоми якшанбе хабар доданд, хонум Риёҳӣ қаблан дар ҷустуҷӯ қарор дошта, шоми якшанбе дар шаҳристони Обики вилояти Қазвин аз дохили вилои худ боздошт шудааст.

Ба гузориши хабаргузории давлатии “Форс“-и Эрон, мақомоти додгоҳии Қазвин хонум Риёҳиро ба “интишори матолиби таҳрикомез дар ҷиҳати ҳимоят аз эътирозгарони хиёбонӣ” муттаҳам кардаанд.  

Мақомоти додгоҳии Қазвин гуфтаанд, ки хонум Риёҳӣ пас аз изҳори назар ва интишори матолибаш дар ҳимоят аз эътирозгарон дар шабакаҳои маҷозӣ ба додгоҳ даъват шуда буд, аммо ӯ ҳозир нашуд. Бинобар ин, ӯро дастгир карданд.

Ин ҳунарманди эронӣ аз оғози эътирозоти хиёбонӣ ҳимояти худро аз мардум эълон кард ва чанде пас бо ҳимоят аз эътирозгарон ҳиҷобашро низ бардошт.

Ӯ моҳе пеш дар мусоҳиба бо телевизиони “Эрон интернешнл” бори дигар ҳимояти худро аз мардум таъкид кард ва афзуд, ки ӯ ҳиҷобашро кашф накардааст, балки ҳиҷ вақт ба ҳиҷоб набудааст. Ӯ гуфт: “Солҳост, ки моро бо ҳиҷоб нишон медиҳанд, вале ин ҳақиқат надорад, ман ҳич вақт ба ҳиҷоб набудам“.

Ин ҳунарманди эронӣ пас аз нашри серёли “Юсуф паёмбар” дар Тоҷикистон низ маъруф шуд. Ва мардум ӯро бо номи Зулайхо – нақше, ки бозидааст, пештар мешиносанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.