-3.1 C
Dushanbe

Нишасти Тошканд дар бораи авзои Афғонистон бо ҳузури Толибон

Имрӯз, 25-уми июли соли ҷорӣ дар пойтахти Узбекистон шаҳри Тошканд нишасте дар бораи авзои Афғонистон баъди ба сари қудрат омадани Толибон бо ҳузури 20 кишвари дунё оғоз шуд.

Дар ин нишаст ҳайати Толибон бо раҳбарии Амирхон Муттақӣ, сарпарасти Вазорати хориҷии Афғонистон ширкат мекунанд. Ва ин нишаст ду рӯз, душанбе ва сешанбе идома мекунад.

Тавре расонаҳои узбекӣ хабар доданд, ҳадаф аз баргузории ин нишаст “пайдо кардани роҳкорҳо ва пешниҳодот барои рӯйкардҳои ҷомеаи ҷаҳонӣ ва таъмини амнияту субот, бозсозии баъдиҷангӣ дар Афғонистон ва инчунин ҷалби ин кишвар дар раванди ҳамкориҳои минтақаӣ дар чорчӯби манофеи тамоми қавму миллатҳои Афғонистон ва ҷаҳон аст”.

Интизор меравад, кишварҳои Осиёи Марказӣ, аз ҷумла Тоҷикистон нигарониҳои худро дар мавриди таҳдидҳое, ки аз ҷониби Толибон дарёфт мекунанд, бо онҳо дар ин нишаст дар миён бигузоранд.

Мақомоти Узбекистон таъкид кардаанд, ки ҳузури Толибон дар нишаст агарчи зарур аст, вале ба маънои ба расмият шинохтани ҳукумати онҳо нест.

Гуфта мешавад, пас аз ин нишаст, инчунин нишасти кишварҳои узви Созмони ШОНГҲОЙ низ баргузор мешавад ва қарор аст дар он низ гуфтугӯҳое дар умури Афғонистон бишавад.

Дар ҳамин ҳол баъзе гурӯҳҳои демократихоҳи Афғонистон аз ин нишаст ва даъвати Толибон ба Узбекистон интиқод кардаанд. Аз ҷумла Фавзия Куфӣ, узви собиқи ҳайати музокиракунандаи давлати Афғонистон бо Толибон бо навиштае дар Твиттер аз ҳузури Толибон дар чунин нишастҳо интиқод карда мегӯяд: “Кишварҳо барои ҳимояти худ аз ифротгароии низоми ҷаҳонӣ ба Толибон ришвар медиҳанд.

Хонум Фавзия ҳамчунин ҳушдор дода, ки “Ҷалби ризоияти кӯтоҳмуддати як нерӯи низомӣ, бештар ба рушди ифротгароӣ дар минтақа кумак хоҳад кард.

Ба назари ин зани сиёсатмадори афғонистонӣ ҳузури Толибон дар нишасти Тошканд бидуни ҳузури дигар қавму миллатҳои Афғонистон ба мардуми ин кишвар кумак нахоҳад кард.

Бино ба таҳлили коршиносони масоили сиёсӣ ва минтақавӣ, буҳрони сиёсии Афғонистон ба кишварҳои ҳамсоя таъсири мустақим дорад ва аз ҳамин нигоҳ онҳо талош мекунанд бо ҳар шевае ин таъсирҳо ва хатаротро дур аз худ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.