35.9 C
Dushanbe

Киҳо метавонанд бо парвозҳои чартерӣ аз Тоҷикистон ба Русия сафар кунанд?

Сафорати Русия дар Тоҷикистон рӯзи 5-уми ноябр иттилоъ дод, ки ширкати ҳавопаймии “Ютейр” ба мақомоти Тоҷикистон муроҷиат кардааст, то барои анҷоми ду парвози чартерӣ дар як ҳафта-як парвоз дар масири Душанбе-Маскав ва парвози дигар аз шаҳри Хуҷанд ба Сургут, иҷозат дода шавад. Дар ин бора Радиои Озодӣ хабар дод.

Инчунин ба гуфтаи Сафорат, ширкати “Уралские авиалинии” низ барои дарёфти иҷозаи парвозҳои чартерӣ ба мақомоти Тоҷикистон муроҷиат карданист. Ҳанӯз мақомоти Тоҷикистон ба ин ширкатҳо барои анҷоми парвозҳои чартерӣ посӯх надодааст.

Тибқи маълумоти Сафорати Русия дар Тоҷикистон агар иҷозаи парвозҳои чартерӣ дода шавад, танҳо шаҳрвандони Русия метавонанд бо ин парвозҳо ба Русия баргарданд. Шаҳрвандони хориҷӣ, аз ҷумла шаҳрвандони Тоҷикистон наметавонанд бо ин парвозҳо ба Русия раванд.

Хадамоти марзбонии Русия гуфтааст, ки ҳатто онҳое, ки ҳаққи иқомати Русияро доранд (вид на жительство) ба қаламрави Русия роҳ дода намешаванд. Дар сурати оғоз шудани ин парвозҳо, фурӯши чиптаҳо ба гуфтаи сафорат, озод ба роҳ монда мешавад.

Парвозҳои чартерӣ аз Русия ба Тоҷикистон аз моҳи март инҷониб идома доранд. Ҳоло дар як рӯз панҷ парвози чартерӣ аз Русия ба Тоҷикистон анҷом мешавад. Парвозҳои маъмулӣ миёни Тоҷикистон ва Русия аз 20-ум март инҷониб бинобар хуруҷи пандемияи короновирус қатъ шудаанд.

Ба иттилои мақомот, дар ин давра тавассути парвозҳои чартерӣ ҳудуди 70 ҳазор шаҳрванд аз Русия ба Тоҷикистон оварда шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.