35.9 C
Dushanbe

Қирғизистон ба Тоҷикистон 66 ҳазор доллар кумаки башардӯстона кардааст

Ҷумҳурии Қирғизистон давоми 4 моҳи аввали соли ҷорӣ ба Тоҷикистон то 66 ҳазор доллари амрикоӣ кумаки башардӯстона расондааст.

“Азия-Плюс” бо такя ба маълумоти Агентии омори Тоҷикистон хабар дод, ки дар давоми 4 моҳи соли ҷорӣ (январ-апрели соли 2022) аз 50 кишвари дунё ба маблағи 66 миллион доллар кумаки башардӯстона ворид шудааст, ки ин нисбат ба ҳамин давраи соли гузашта 3,3 баробар бештар аст.

Гуфта мешавад, ҳаҷми бузурги ин кумакҳои башардӯстонаи ба Тоҷикистон тақдимшуда 43,7% саҳми ИМА ва 30% саҳми кишвари Чин аст. Ҳамчунин Ҷопон (6,1%), Ҳинд (4,1%), Шветсия (3,4%), Узбекистон (2,3%), Русия (2,2%) низ саҳми дар ин кумакҳо саҳм доранд.

Ба иттилои Агентии омори кишвар, саҳми Қирғизистон дар кумак ба Тоҷикистон аз ҳаҷми умумии кумакҳо 0,1% буда, ки он ҳудуди 66 ҳазор долларро ташкил медиҳад.

Аммо маълум нест, кумакҳои кишрвари ҳамсоя ба Тоҷикистон аз чӣ иборат буд ва дар куҷо масраф шуд. Сохторҳои дахлдори Тоҷикистон ба намояндагони ВАО ва сокинони кишвар дар бораи тақсими кумакҳои башардӯстона маълумот намедиҳанд, ҳарчанд ин маълумот сирри давлатӣ ҳам набошад, вале мақомоти кишвар тақсимоти кумакҳои хориҷиро ба андозаи он ҳифз мекунанд.

Ёдовар мешавем, ки баъди даргирии мусаллаҳона дар марзи Тоҷикистону Қирғизистон дар моҳи майи соли 2021 Қирғизистон марзҳояшро бо Тоҷикистон ба таври якҷониба баста буд. То ҳол марзи Тоҷикистону Қирғизистон баста аст ва аз даргириҳои мусаллаҳона байни марзбонон, ки ҳатто ба кушта шудани онҳо меанҷомад тақрибан ҳар моҳе гузориш мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.