Бархе расонаҳои Афғонистон мегӯянд, Консулгарии Афғонистон дар шаҳри Хоруғи Тоҷикитсон ба Толибон таҳвил дода шуд.
Бино ба иттилои бархе расонаҳои Афғонистон, дипломатҳои Толибон Консулгарии Афғонистон дар шаҳри Хоруғи маркази маъмурии Вилояти Мухтори Кӯҳистон Бадахшони Тоҷикистон ба дасти дипломатҳои Толибон таҳвил дода шудааст.
Расонаи “Яқин Нюс”-и Афғонистон, ба нақл аз як манбаи дипломатии худ хабар дода, ки “дар идомаи раванди конторли намояндагиҳои сиёсии Афғонистон тавассути Иморати исломии Афғонистон мудирият Консулгарии Афғонистон дар Хоруғи Тоҷикистон низ ба давлати Иморати исломии Афғонистон супурда шуд.”
Пеш аз ин як тан аз собиқ дипломатҳои Вазорати корҳои хориҷии Афғонистон дар суҳбат ба Azda tv дидори ҳайати Толибон аз Консулгарии Афғонистон дар шаҳри Хоруғро тавзеҳ дода гуфта буд, ки “ин хабар дуруст аст. Қонсули Афғонистон дар шаҳри Хоруғ 8 моҳ пеш дар Дубай ба Толибон байъат карда буд ва эълони омодагӣ барои таслими Қунсулгариро карда буд ва танҳо мунтазири иҷозаи Тоҷикистон буданд.”
Ин дипломати собиқи Вазорати корҳои хориҷии Афғонистон таъкид карда буд, ки “маъмулан кишварҳо зомини амнияти сафоратҳо ҳастанд ва дар таъйин ва тағйироти дохилӣ ҳаққӣ дахолат надоранд ва (мавзӯҳо) бояд байни худи соҳибони сафорат ҳал шавад. Агар сафир Ағбар низ бо Толиб байъат кунад, шароити интиқол фароҳам мешавад.
Гуфта мешавад, Тоҷикистон ва дар раъси он Эмомалӣ Раҳмон то чанд моҳе пеш аз минбарҳои баланд алайҳи Толибон мавзеъгирӣ мекарданд, вале дасти кам дар ин 6 моҳи ахир шиддати ин мавзеъгириҳо ба сурати ошкор ва аланӣ камтар шудааст. Вазорати корҳои хориҷии Тоҷикистон на дар бораи дидорҳои ахири Толибон аз Консулгарии Афғонистон дар шаҳри Хоруғ ва на таҳвил гирифтани он ҳеч вокунише накардааст.
