33.9 C
Dushanbe

Қотили мусалмонҳо дар Зеландияи Нав ҳукми абад гирифт

Брентон Торрент, ҳамлагаре, ки 51 мусалмонро кушт

Додгоҳи Зеландияи Нав Брентон Торрент, як ҳамлагари 29-соларо ба ҳукми абад маҳкум кард. Брентон ҳамон қотилест, ки соли гузашта ба ду масҷиди мусалмонҳо дар Зеландияи Нав ворид гашта ба сӯи намозгузорон тир холӣ карда буд, ки дар натиҷа 51 нафар кушта шуданд.

Маҳкумшуда тибқи қарори додгоҳ дар оянда ҳаққи шикоят ё афвро нахоҳад дошт ва ин бори аввал аст, ки дар Зеландияи Нав ҳукми абад бидуни ҳаққи дархости афв дар оянда содир мешавад.

Раиси додгоҳи шаҳри Крайстчерчи Зландияи Нав, Камерон Мандер имрӯз панҷшанбе зимни эълони ҳукм ба Брентон Торрент хитоб карда гуфт: “Ҷиноятҳои ту чунон хасмона ва бад аст, ки ҳатто то дами маргат зиндонӣ шавӣ ҳаққи муҷозотат адо нахоҳад шуд”, дар идома афзуд, “то ҷое, ки ман тахмин мезанам ту ҳеч раҳму шафқат ва дилсӯзие нисбат ба қурбониёнат надорӣ”.

Камерон Мандер қозии додгоҳ

Дар соли 2019, Брентон Торрент дар масҷидҳои Ал-Нур ва Линвуд дар Крайстчерчи Зеландияи Нав ба сӯи намозгузорон оташ кушод, ки дар натиҷа 51 нафар кушта ва 40 тани дигар маҷрӯҳ шуданд. Ин амали террористии ӯро ҳокими Зеландияи Нав ва тамоми созмонҳои ҷаҳонӣ маҳкум карданд. Ин тирандозӣ маргбортарин ҳамлаи террористӣ дар Зеландияи Нав то имрӯз будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.