20.4 C
Dushanbe

Кумаки навбатии БОР ба Тоҷикистон

Бонки Осиёии Рушд (БОР) барои дастгирии кормандони соҳаи тандурустӣ дар Тоҷикистон, барои мубориза бо бемории коронавирус (COVID-19) 12 тонна таҷҳизоти муҳофизатии инфиродӣ кӯмак намудааст.

Ба гуфтаи намояндаи БОР дар ҶТ, лавозимоти тиббӣ, аз ҷумла 22 ҳазор адад либоси ҳимоявии андозаи гуногун, 8 ҳазор адад либосҳои изолятсионӣ ва 175 ҳазор ҷуфт сарпӯшҳову пойафзол аз Камбоҷа оварда шудааст.

Ин нахустин қисми молест, ки аз ҳисоби гранти 928,000 доллараи БОР, ки барои Тоҷикистон дар моҳи июл ҷудо шуда буд, харида шудааст. Таҳвили дуюм ва сеюм қисми кӯмакҳо, дар моҳҳои сентябр ва октябр дар назар гирифта шудааст.

Ин аввалин кумак нест, ки дар давраи пандемияи коронавирус ба Тоҷикистон расонида мешавад. Дар ин давра ба ҳукумати Тоҷикистон барои дастгирии соҳаи тандурустӣ ва буҷаи давлат садҳо миллион доллар аз ҷониби кишварҳо ва созмонҳои молиявии байналмилаллӣ кумак намудаанд. Ба назари коршиносон, на ҳамаи ин кумакҳо дар ҷойҳои даркорӣ масраф мешавад.

Тасдиқи ин гуфтаҳо, шикояти табибон аз нагирифтани маош ё бо либоси тиббӣ таъмин нашудани онҳо мебошад, ки дар шабакаҳои иҷтимоӣ нашр мешуданд. Дар инҷо суол ба миён меояд, ин кумаки навбатии БОР, ки аз либосҳои тиббӣ иборат аст, ба ҳама духтурон тақсим мешавад ва ё мисли пештара мақомот онҳоро ба фурӯш мегузоранд?

Пештар хабарҳое дар мавриди дастгир шудани намояндагони ниҳодҳои гуногун барои фурӯхтани кумакҳои башардӯстона, ки барои мубориза бо COVID-19 равона шуда буданд, расонаи шуда буд. Аммо раиси Оҷонсии мубориза бо фасод, Султонзода Сулаймон Саид 27 июл дар нишасти матбуотии ниҳодаш ин хабарҳоро рад кард.

Дар аввали эълони пандемия дар Тоҷикистон бо вуҷуди расидани кумакҳо барои табибон аксари онҳо корпартоӣ карда буданд. Аз баъзе ноҳияҳои кишвар хабар мерасид, ки пизишкон ба хотири надоштани либосҳои муҳофизатӣ ба кор намерафтанд.

Ба гуфтаи онҳо либосҳои муҳофизатии махсуси табибон бо нархҳои аз 150 то 250 фурӯхта мешуд, ки ин барои онҳо гаронӣ оварда буд. Дар аксу наворҳои нашршуда дида мешуд, ки табибон ҳангоми ҳузур дар назди беморон аз надоштани либос пойҳои худро бо халтачаҳои селофанӣ мепечонданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.