-1.1 C
Dushanbe

Кумаки навбатии $25 миллиони Бонки ҷаҳонӣ ба Тоҷикистон

Бонки ҷаҳонӣ ба Тоҷикистон барои хариди изофӣ ва таҳвили ваксинаҳои зидди COVID-19 25 миллион доллари амрикоӣ ҳамчун грант ҷудо кардааст.

Акс аз Интернет

Tajweek” аз қавли намояндагии ин бонк дар кишвар хабар дод, ки ин маблағҳо дар чорчӯби барномаи пешгирӣ аз паҳншавии вируси COVID-19 ва барои рафъи паёмадҳои саломатӣ, иҷтимоӣ ва иқтисодии аҳолӣ ношӣ аз ин беморӣ бояд масраф шавад.

Озан Севимли, Намояндаи доимии Бонки ҷаҳонӣ дар Тоҷикистон мегӯяд:

“Фароргирии густурдаи эмкунӣ дар якҷоягӣ бо дигар тадбирҳо барои барқароршавӣ ва рушди иқтисоди Тоҷикистон пас аз пандемия муҳим хоҳад буд. Сармоягузорӣ ба ваксина бар зидди COVID-19 барои Бонки ҷаҳонӣ авлавият дорад, зеро он як шарти зарурӣ ва қадами муҳим дар роҳи бунёди иқтисоди фарогир ва устувор дар Тоҷикистон аст”.

Кумаки Бонки ҷаҳонӣ барои хариди иловагии ваксин ба Тоҷикистон дар ҳолест, ки дирӯз, 23 декабр дар чорчӯби барномаи “COVAX”-и Созмони ҷаҳонии беҳдошт ҳудуди 3 млн воя ваксин ба кишвар ворид гашт, ки дар умум аз аввали пандемия то имрӯз шумори ваксинаҳои зидди COVID-19 воридгашта ба Тоҷикистонро 11,4 миллон воя мегӯянд. Гуфта мешуд, ин шумора барои ду воя ваксин гирифтани тамоми шаҳрвандони аз 18-сола болои Тоҷикистон басанда мебошад.

Дар баробари ин Намояндаи Бонки ҷаҳонӣ мегӯяд, ин маблағгузории навбатии Бонки ҷаҳонӣ гранти иловагӣ буда, барои рафъи камбуди ваксин андешида шудааст.

“Маблағгузории иловагӣ ба Тоҷикистон барои рафъи камбуди ваксинаҳо алайҳи COVID-19 ва расидан ба ҳадафи миллии эмгузаронии 62 дарсади аҳолӣ дар соли 2022 кумак хоҳад кард”, – гуфт Намояндаи Бонки ҷаҳонӣ.

Ёдовар мешавем, ки Бонки ҷаҳонӣ ба ҳукумати Тоҷикистон барои мубориза бо бемории ҳамагири COVID-19 соли 2020 $11,3 млн ва аввали соли 2021 $21,2 млн кумакҳои молӣ карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.