Тоҷикистон

Кумаки Тоҷикистон ба Туркия

Тоҷикистон ба зарардидагони заминларзаҳои ахири Туркия дар ҳаҷми наздик ба 100 тонна маводи хӯрока ва дигар ашёи зарурӣ фиристод.

Субҳи имрӯз, 9-уми феврали соли 2023 Ҳукумати Тоҷикистон ба сурати расмӣ ба зарардигони заминларзаҳои ахир дар Турия кумакҳои худро ирсол кард.

Тибқи иттилои расмӣ, "кумаки башардӯстона аз маҳсулоти зарурии  хӯрокворӣ, аз қабили орд, равған, шакару биринҷ, макарон ва оби нӯшокӣ иборат мебошад."

Инчунин хабаргузории расмии Тоҷикистон АМИТ Ховар иттилоъ медиҳад, ки ҳамзамон "ба мардуми аз офати табиӣ зарардидаи музофоти гуногуни Ҷумҳурии Туркия либосу пойафзоли зимистона, хайма,  кӯрпаю болишт, кати хоб, ҷилди ҷиҳози хоб, рӯйпӯшҳои пашмин (одеялҳо), зарфҳои алюминӣ, ҷиҳози хӯрокхӯрӣ, ниқобҳои муҳофизатӣ ва маводи антисептикӣ дастрас карда мешавад."

Гуфта мешавад, "ҳаҷми умумии кумаки башардӯстонаи ҷониби Тоҷикистон ба мардуми зарардидаи Туркия наздик ба 100 тонна мебошад." Инчунин 50 нафар имдодгарони Кумитаи ҳолатҳои фавқулода, аз ҷумлаи мутахассисони омӯзишдида, духтур-ҷарроҳ ва травматологҳо низ барои кумак расонидан ба зарардидагон фиристода шуданд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Иқтисод

Форуми сармоягузории Тоҷикистону Озарбойҷон

Тоҷикистон

Фаврӣ: Абдуллоҳи Шамсиддин ба зиндон маҳкум шуд

РАМАЗОН

Ҷавони тоҷик ифтор дода, ду билети Умра гирифт

Тоҷикистон

Раиси вилояти Суғдро болои қолинҳои сурху сафед роҳ надодан