Кумитаи шаҳрвандии наҷоти гаравгонҳо ва зиндониёни сиёсии Тоҷикистон (КШНГЗ) дар як баёнияи худ аз озору шиканҷа ва ба “картсер” интқол додани Абдуқаҳҳори Давлат — рӯзноманигор ва узви Раёсати Олии ҲНИТ дар зиндон изҳорӣ нигаронӣ намуда, аз ҳукумат талаб намудааст то даст аз шиканҷаи ӯ бардоранд.
Ҳамчунин дар ин баёния Кумита аз созмонҳои ҳуқуқи башар, созмони дифоъ аз рӯзноманигорон даъват намудааст, то аз мақомоти Тоҷикистон бихоҳанд, даст аз шиканҷаи зиндониён бардорад ва ба ҳамаи меъёрҳои байналмилалии ҳуқуқи зиндониён пойбанд бошад.
Ёдовар мешавем, ки Абдуқаҳҳори Давлат, рӯзноманигор ва узви Раёсати олии Ҳизби наҳзати исломии Тоҷикистон (РО ҲНИТ)-ро дар рӯзҳои аввали моҳи октябр пас аз шиканҷа дар зиндони нави шаҳри Ваҳдат ба “картсер” интиқол доданд.
Абдуқаҳҳори Давлат, рӯзноманигор ва узви Раёсати Олии ҲНИТ дар рӯзи 16-уми сентябри соли 2015 аз ҷониби мақомоти амниятии Тоҷикистон дастгир ва майи соли 2016 аз ҷониби Додгоҳи олии Тоҷикистон ба муддати 28 сол бо моддаҳои сохтаву бофта равонаи зиндон шуд.
