25.9 C
Dushanbe

Кушта шудани ду ҷавони тоҷик дар Русия

Шаби гузашта дар шаҳри Екатеринбурги Федератсияи Русия миёни ду гурӯҳи муҳоҷирон муноқиша сар задааст, ки дар натиҷаи он ду ҷавони тоҷик аз зарбаҳои корд кушта шудаанд. 

Бино ба иттилои расонаҳои русӣ, ҳарду гурӯҳи даргир шаҳрвандони Тоҷикистон будаанд. Ҳоло тани беҷони ин ду нафар тоҷикро субҳи имрӯз, 13-уми июн сокинони маҳаллӣ аз кучаи Академик Бардин пайдо карда, ба кормандони пулис хабар додаанд. 

Дар натиҷаи тафтишоти пешакии пулис маълум гаштааст, ки ин ду гурӯҳ ҷавонон барои маблағ занозаниву кордкашӣ кардаанд. 

Фарух Мирзоев, раиси диаспораи тоҷикони вилояти Свердловск ба расонаҳо русӣ гуфтааст, ки “Яке аз онҳо аз як иштирокчии дигари занозанӣ қарздор будааст. Дар ин асос низоъ сар зад. Дар ин ҷо ягон муноқишаи миллигароёна нест. Онҳо барои гирифтани пул омаданд. Дар аввал муноқишаи лафзӣ, баъд занозанӣ бо корд оғоз шуд. Ду нафар ҷон бохтанд”.

Шумораи дақиқи иштирокдорони ин занозанӣ маълум нест. Аммо, гуфта мешавад, дар он як варзишгари тоҷик бо номи Суҳроб Давлатов ширкат доштааст ва ӯ ҳоло аз ҷониби кормандони пулис боздошт гардидааст. 

Бино ба иттилои Кумитаи тафтишотии Русия, ду нафари дигари ин занозанӣ бо ҷароҳатҳои гуногун ҳоло дар беморхона ҳастанд.

Раҳбари ин ниҳод Александр Бастрикин тафтишоти кушторро таҳти назорат гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Таркиш: Беш аз 300 кушта ва захмӣ дар Қарбоғи Кӯҳӣ

Бар асари як таркиш дар минтақаи Қарабоғи Кӯҳӣ зиёда аз 300 нафар кушта ва захмӣ шудааст.

Изҳороти Вазорати корҳои хориҷӣ

Вазоратҳои корҳои хориҷии Тоҷикистон ва Узбекистон бо нашри "изҳороти матбуотӣ"-и муштарак аз баргузории ҷаласаи як ҳафтаинаи мақомоти ду кишвар хабар доданд.

Пулиси нозири роҳ ронандаро зад

Дар шабакаҳои иҷтимоӣ наворе нашр шуда, ки дида мешавад,...

Тазоҳуроти мухолифон дар Олмон алайҳи сафари Раҳмон ба ин кишвар

Ҳаракати сиёсии "Гурӯҳи 24" эълон кардааст, ки рӯзи 28-уми сентябр дар шаҳри Берлини Олмон алайҳи сафари Эмомалӣ Раҳмон ба ин кишвар гирдиҳамоии эътирозӣ барпо хоҳанд кард.