28.9 C
Dushanbe

Мақомот аз имомони масҷидҳо сарбоз талаб доранд

Дар вилояти Хатлон мақомоти комиссариятҳои ҳарбӣ ҳамроҳ бо маъмурони амниятӣ ва интизомӣ дари ҳар масҷид рафта, имомонро маҷбур доранд, ки ҳар кадом аз 1 то 3 сарбоз оварда ба мақомот таслим кунад, дар акси ҳол масҷидро мебандад.

Як манбаъ аз шаҳри Кӯлоб (бо сабабҳои амниятӣ ном ва номи деҳааш зикр намешавад) рӯзи 18-уми апрел дар суҳбат бо Azda tv гуфт, ки мақомоти комиссарияти ҳарбии ноҳия ҳамроҳ бо чанд масъули дигар ҳамаи имомҳои масҷидҳои ин шаҳр ва дигар навоҳии атрофро муваззаф кардаанд, ки барояшон сарбоз бидиҳанд. Ва онҳо ҳамеша таҳдид мекунанд, ки дар сурати наовардани сарбоз дари масҷидро бар рӯи намозгузорон мебанднд.

“Ман худам чанд сол имоми масҷиди маҳаллаамон будам, аз сабаби фишор ва талаботи зиёди мақомот дигар натавонистам ба кори имоматии худ идома бидиҳам. Ҳамеша аз мо талаб мекунанд, ки ё саррбоз оварда таслим кунем, ё барои чорабиние аз мардум пул ҷамъ кунем. Мақомот ба ҷои он ки моро роҳнамоӣ кунад то бо мардум наздик шавем, бо фармону фишорҳояшон коре кардаанд, ки ҳама аз имом гурезон шудааст.”, – мегӯяд манбаи мо.

Ӯ ҳамчунин дар идома афзуд: “Моро дигар дар деҳа на ҳамчун имоми масҷид, ки бештар ба мушкилоти мардум расида мекардем, мешиносанд, балки ба як маъмури амниятӣ ва таблиғгари ҳукумат мубаддал шудаем. Дар оянда ин кор зарараш бештар хоҳад шуд, мардум дигар ба мо эътимод намекунад.”

Ба иттилои манбаъ, мақомот на танҳо масҷидҳоро маҷбур доранд, ки сарбоз ҷамъ кунанд, балки дар ин шабу рӯзҳо барои ҷамъоварии фитри рӯзаву садақоти мардум, ба хусус болои имомон фишори зиёде меоранд. “То он ҷо ки ба имоми маҳалла мегӯянд, агар фалон миқдор маблағ ҷамъоварӣ нашавад, аз ҳисоби худат пардохт мекунӣ.

Манбаи мо мегӯяд, мақомоти маҳаллӣ ҳатто дар чорабиниҳои ҳукуматӣ ҳам болои масҷидҳои маҳаллаҳо барои ҷамъоварии маблағ аз мардум шартҳое мегузоранд, ки дар сурати иҷро нашудан таҳдиди қатъи барқу об ва ҳатто бастани масҷидро низ мекунанд.

Ин дар ҳолест, ки дар мавсими гузаштаи даъвати сарбозон ба артиш низ маъмурони комиссариятҳои ҳарбӣ дар аксари навоҳии кишвар барқи мардумро қатъ карда, аз ҳар масҷид сарбоз талаб карда буданд.

Мақомот мисли ҳамеша “сарбозшикор” ва ё ин шеваи нави пулҷамъкуниро рад мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.