36.9 C
Dushanbe

Ҷазо додани маҳбусони сиёсӣ ба хотири навиштани номаи кушод

Зубайдуллоҳи Розиқ ва Раҳматуллоҳи Раҷаб, ду узви зиндонии Раёсати олии ҲНИТ пас аз навиштани номаи кушод ба Эмомалӣ Раҳмон дар зиндони шаҳри Ваҳдат мавриди муҷозот қарор гирифта, онҳоро ба утоқи ҷазо (ШИЗО) бурдаанд.

Яке аз пайвандони зиндонии сиёсӣ Раҳматуллоҳи Раҷаб дар тамос ба Аздо тв гуфт, ки Раҳматуллоҳи Раҷаб бори охир рӯзи 8-уми ноябр ба хонаашон занг зада гуфтааст, ки масъулони зиндон ӯро ҳамроҳи Зубайдуллоҳи Розиқ ба хотири навиштани нома ба Президент танбеҳ додаанд.

Ба гуфти ӯ, Зубайдуллоҳи Розиқ низ бори охир рӯзи 7-уми ноябр ба хонаводааш телефонӣ суҳбат кардааст ва пас аз он рӯз дигар занг назадааст ва пайвандонашон нигарони вазъи саломатии ӯ мебошанд.

Манбаъ дар идома афзуд, ки рӯзи 10 ноябр ба зиндон дастовез бурданд, аммо баъд аз соате зиндонбонҳо занг зада гуфтаанд, ки “биё дастовезатро бибар, ки мо қабул када наметавонем”. Ӯ мегӯяд, вақте далели напазируфтани дастовезро пурсон шудаанд, маъмурони зиндон гуфтаанд, “Раҳматуллоҳи Раҷабро ба ШИЗО бурдаанд ва мо ба ин хотир на либос ва на хӯроке барояш қабул карда наметавонем”.

Дар ҳамин ҳол рӯйхати номи чанд зиндонӣ ба дасти Аздо тв расид, ки гуфта мешавад номҳои дарҷгардида дар он маҳбусоне ҳастанд, ки ба утоқи ҷазо (ШИЗО) бурда шудаанд. Дар он рӯйхат номи 22 маҳбус навишта шудааст, ки дар байнашон номи Раҳматуллоҳи Раҷаб ва Зубайдуллоҳи Розиқ низ ҳаст.

Ёдовар мешавем, ки номаи кушодаи ин ду маҳбуси сиёсӣ рӯзи 5-уми ноябр ба дасти Аздо тв расида буд ва онро расонаӣ кард. Дар ин нома онҳо аз Эмомалӣ Раҳмон таҳқиқи мунсифона ва аз нав бозбинии парвандаашонро дар ҳузури коршиносону нозирони байналмилалӣ ва рӯзноманигорони дохиливу хориҷӣ хоста буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Коҳиши 80%-и кишти кукнор дар Афғонистон

Толибон аз ҷомеаи ҷаҳонӣ хоста, ки барои кишоварзоне, ки...

ВКХ: Пайвастани Тоҷикистон ба ИИАО баррасӣ нашуд

Ҳукумати Тоҷикистон ҳоло масъалаи пайвастани кишварро ба Иттиҳоди иқтисодии АвруОсиё баррасӣ надорад.

Русия: Тоҷикистон набояд ба Ғарб наздик шавад

Сергей Лавров зимни боздидаш аз Душанбе дар суханрониҳояш ба мақомоти тоҷик тазаккур дод, ки Русия намехоҳад ҳамкориҳои Тоҷикистону Ғарб бештар шаванд.

Суқути қурби рубли русӣ дар Тоҷикистон

Баъд аз сафари вазири корҳои хориҷии Русия ба шаҳри Душанбе ва музокироти сатҳи олии раҳбарони Тоҷикистон ва Русия қурби рубли русӣ дар баробари пули миллӣ-сомонӣ поён расфт.