9.9 C
Dushanbe

Масъулони ҷамоати Қаратоғи Турсунзода пас аз шикоят дастбакор шуданд

Абдуллоҳ Баев сокини шаҳри Турсунзода, ки қаблан дар сӯҳбат ба “Аздо тв” аз хунукназарии масъулони ин шаҳр дар иҷрои фармони Президент шикоят карда буд, мегӯяд баъди нашри хабар масъулони ҳукумати маҳаллӣ бо ҳамсари ӯ вохурда ваъда додаанд, ки мукшилии онҳоро меомӯзанд.

Маҳина Ҳасанова раиси ҷамоати Қаратоғ ҳамсари Баевро ба ҳузури худ пазируфта гуфтааст, ки як ҳайати комиссия мефиристанд то шароити онҳоро биомӯзанд.

Абдуллоҳ Баев, сокини ш.Турсунзода ҷамоати деҳоти Қаратоғи деҳаи Маданият пештар ба “Аздо тв” гӯфта буд, ки бо вуҷуди онки раисҷмуҳур Эмомалӣ Раҳмон ба мактуби онҳо барои гирифтани замини назди ҳавлигӣ посухи мусбат додааст, мақомоти шаҳри Турсунзода то ҳол ба мушкилии онҳо расидагӣ накардаанд.

Ба гуфтаи ин сокини 32-солаи шаҳри Турсунзода, дар замини 6.5 сотиқ шаш нафар бародарон ҳамроҳи модари пир ва 4 келин зиндагӣ доранд, ки хонаи онҳо аз 7 ҳуҷра иборат буда, дар он маҷмӯан 20 нафар зиндагӣ мекунанд.

Хонаводаи Баевҳо ду маротиба, як бор соли 2012 ва такроран соли 2014 барои гирифтани замини наздиҳавлигӣ ба Идораи ҷамоати Қаратоғ бо ариза муроҷиат кардаанд, вале мақомот бо баҳонаи он ки 5 нафар аз аъзоёни оила дар муҳоҷирати корӣ дар Русия қарор доранд, аз додани замини наздиҳавлигӣ ба ин оила худдорӣ кардаанд.

Ба гуфтаи Абдулло нафароне ҳастанд, ки солҳои 2018 ариза доданд ва ҳоло соҳиби замин ҳастанд. Дар деҳаи маданият, ки ӯ онҷо сукунат мекунад замин гарон буда 10 метри мурабаи замин 3000 доллари амрикоӣ нарх доштааст.

Ин оила дар соли 2015 маҷбур шудаанд ба худи Президент бо ирсоли номае муроҷиат кунанд ва соли 2016 Дастгоҳи Президент ба номаи онҳо посух гуфта, аз ҳукумати маҳалии ш.Турсунзода талаб карда, ки шароити зиндагии оилаи Баевҳоро санҷанд ва дар сурати воқеият доштани иддаои шаҳрванд барои онҳо замин ҷудо карда шавад. Аммо ҳукумати ш.Турсунзода баҳона оварда, ки ҳоло вақти замин тақсимкунӣ набудааст.

Ба гӯфтаи Абдуллоҳ ӯ метавонист худаш замин харида соҳиби хонаву дар шавад, агар бемории духтари 6 солааш намебуд. Духтараш аз рӯзи таваллудаш бо бемории қалб мубориза мебарад ва ҳама даромадаш сарфи табобати ӯ мегардад. Абдуллоҳ умедвор аст ин бор масъулон ба мушкилии онҳо мерасанд.

Инчунин, бихонед: Чаро дар шаҳри Турсунзода фармони Эмомалӣ Раҳмонро иҷро намекунанд?

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари расмии Сарвазири Тоҷикистон ба Эрон

Бино ба иттилои расонаҳои давлатӣ, Сарвазири Тоҷикистон Қоҳир Расулзода рӯзи 17-уми феврал бо сафари расмӣ вориди Теҳрон шуд.

“Рейд”-и муҳоҷирон дар бозору кӯчаҳои Русия

Мақомоти Русия дар бозору кӯчаҳои шаҳру ноҳияҳо барои тафтиши...

Дар Риёз бидуни ҳузури Украина қазияи ҷангро баррасӣ мекунанд

Имрӯз сешанбе, 18-уми феврал дар шаҳри Риёз, пойтахти Арабистони Саудӣ нишасти намояндагони Амрико ва Русия дори гашт.

Ҳалокати беш аз 500 нафар дар садамаҳои нақлиётии кишвар

Танҳо дар давоми соли 2024 дар роҳҳои мошингарди Тоҷикистон 552 нафар бар асари садамаҳои нақлиётӣ ҷони худро аз даст додаанд.