Хона блог саҳифа 250

Аслиддинро адвокат дидаасту пайвандонаш не

Аз ҷониби
AZDA-TV
-
0

Маълум шуд, ки мақомоти Тоҷикистон Аслиддин Шарипов, бародари мудири телевизиони “Паём” Шавкати Муҳаммадро дар боздоштгоҳи мувақатии шаҳри Хуҷанд нигоҳ медорад. 

Радиои Озодӣ дар истинод ба “хешовандон”-и Аслиддин Шарипов хабар дод, ки баъди якуним моҳи истирдод аз Русия, бедаракӣ ва ҷустуҷӯҳои зиёд ниҳоят вакили мудофеъ чанд рӯзи пеш тавонистааст бо ӯ дар боздоштгоҳи мувақатии шаҳри Хуҷанд мулоқот кунад. Аммо маълум нест, ки ин вакил аз Шарипов ҳимояи ҳуқуқӣ хоҳад кард ё на. 

Гуфта мешавад, пайвандони Аслиддин кӯшиш доранд барои ӯ ба боздоштгоҳ либосу ғизо бибаранд ва аз аҳволаш огоҳ шаванд.

Хабари макони нигоҳдории бародари Шавкати Муҳаммад дар ҳоле расонаӣ мешавад, ки чанде пеш Кумитаи Ҳелсинкии Норвегия бо нашри як баёния аз мақомоти Тоҷикистон талаб карда буд, ки макони будубоши Аслиддин Шариповро ошкор намуда, ӯро озод кунанд. 

Дар ҳамин ҳол Шавкати Муҳаммад, мудири телевизиони “Паём” дар вокуниш ба ин хабар дар саҳфаи фейсбукиаш навишта ки “Адвокат ягон ному насаб дошта бошад? Ба адвокат кӣ муроҷиат кардааст? Он хешованд кӣ будааст, ки расонаҳо ӯро дарёб кардаанду бо ӯ ҳамсуҳбат шудаанд?”

Инчунин дар идома Шавкати Муҳаммад қайд кардааст, ки “Ҳарчанд вазъият нохуб аст ва дар Тоҷикистон ошкоро бо номи худ гап задан хатарнок аст, бисёр мехостам, кӣ будани ин ҷавонмардро бидонам. ИНСОНИ шариф бо ҳарфи калон будааст. Хабари ёфт шудани макони боздошти додарам шубҳанок менамояд. Илоҳо чунин бошад”.

Ёдовар мешавем, ки Аслиддин Шарипов 21 сентябри соли 2022 бо дархости мақомоти интизомии Тоҷикистон дар шаҳри Нижний Тагили Русия боздошт шуда буд.

Тибқи иттилои манобеи Azda tv, Кумитаи ҳуқуқи башари Созмони Милали Муттаҳид моҳи сентябри 2023 ба мақомоти Русия тавсия карда, ки Аслиддин Шариповро, ки дар Русия аз моҳи сентябри соли 2022 боздошт шуда буд, ба Тоҷикистон истирдод накунад. Аммо Додситонии кулли Русия ин тавсияи Кумитаи ҳуқуқи башари СММ-ро ба инобат нагирфта, бо судури қароре ӯро дар торихи 1-уми октябри соли ҷорӣ ба мақомоти Тоҷикистон таслим кард.

Гуфта мешавад, Аслиддин Шарипов бародари Шавкати Муҳаммад мебошад. Шавкати Муҳаммад мудири телевизиони “Паём”, як расонаи муқими Аврупост, ки бо гузоришҳои интиқодӣ дар бораи сиёсатҳои ҳукумати Тоҷикистон ва пӯшиши буҳрони ҳуқуқи башар дар ин кишвар миёни мардум маъруф аст.

Ин рӯзноманигори шинохта гуфта буд, ки ҳадафи боздошту ҳабси бародараш талоши хомӯш кардани ӯ мебошад.

Инчунин Шавкати Муҳаммад 10-уми октябри соли ҷорӣ бо нашри номаи саргушодае ба Додситони кулли Тоҷикистон Юсуф Раҳмон дар саҳифаи фейсбукияш навишта буд, ки Додситонии вилояти Суғди Тоҷикистон бародараш Шарипов Аслиддинро бо терроризм ва ифротгароӣ муттаҳам карда, алайҳи ӯ бо қисми 2 модаи 307.3 Кодекси ҷиноятии Ҷумҳурии Тоҷикистон парванда боз карда, аз моҳи декабри соли 2021 дар пайгард қарор дода буданд.

Шавкати Муҳаммад дар номаи худ айбҳои алайҳи бародараш эълоншударо рад мекунд. Аз ҷумла, узвият дар “Гурҳи 24”, ҲНИТ ва нашри матолиби дорои хусусияти террористӣ дар саҳифаи шахсияш дар Фейсбукро туҳмат медонад.

Ҳамчунин Шавкати Муҳаммад аз Додситони кулли кишвар хоста буд, ки парвандаи Аслиддин Шариповро мунсифона баррасӣ кунад, ӯ мегӯяд, бародараш гуноҳе надорад ва боздошти ӯ ғайриқонунӣ аст.

Аммо мақомот то ҳол ба таври расмӣ ба ин нома ва дархости созмонҳои ҳуқуқи башар посух надода, сабаби боздошт ва дар куҷо будани Аслиддин Шариповро эълон накардаанд.

Баррасии роҳҳои сармоягузории Арабистон дар Тоҷикистон

Аз ҷониби
AZDA TV-2
-
0

Яке аз бузургтарин ширкатҳои сармоягузорӣ дар бахшҳои тиҷорат ва саноати Арабистони Саудӣ мехоҳад дар Тоҷикистон сармоягузорӣ кунад.

Бино ба иттилои расмӣ, 19-уми ноябри соли 2023 сафири Тоҷикитсон дар Арабистони Саудӣ дар мулоқот бо раиси ширкати мобилии Даллаи Арабистони Саудӣ роҳҳои сармоягузорӣ дар Тоҷикистонро баррасӣ карданд.

Ба қавли Акрам Каримӣ, сафири Тоҷикистон дар Арбистони Саудӣ дар мулоқоте, ки бо Валид Тавфиқ, мудири кулли ширкати мобилии Далла дар мақарри сафорати кишварамон дар Риёз, пойтахи Арабистони Саудӣ доштааст, “роҳҳои ҳамкориҳои сармоягузорӣ бо маҷмуаи ширкатҳои Далла Албаракаҳ”-ро мавриди баҳсу баррасӣ қарор додаанд.

Гуфта мешавад, маҷмуаи ширкатҳои Далла Албаракаҳи Арабистони Саудӣ яке аз бузургтарин ширкатҳои сармоягузорӣ дар бахшҳои тиҷорат, саноат, сохтмон ва алоқаи мобилӣ дар дохили Саудӣ ва берун аст. Ин ширкат дар беш аз 40 давлати дунё барномаҳои сармоягузорӣ ва тиҷоратии худро дорад. Он соли 1969 дар шаҳри Риёз, пойтахти Арабистони Саудӣ таъсис дода шудааст.

Ҳамлаи Исроил ба беморхона ва макони парастории бузургсолон дар Ғазза

Аз ҷониби
AZDA.TV
-
0

Субҳи рӯзи 20-уми ноябр нерӯҳои Исроил ба беморхонаи Инданезия дар шимоли Навори Ғазза ҳамла карда, онро муҳосира кардаанд.

Бино ба иттилои расонаҳои арабизабон, дар пайи ин ҳамла 12 нафар кушта даҳҳо нафари дигар захмӣ шудаанд. Гуфта мешавад, онҳое, ки захмӣ мешаванд, аз сабаби набудани имконоти тиббӣ табибон ба онҳо кумак карда наметавонанд ва эҳтимоли фавти захмиён хеле зиёд аст.

Тавре “Ал-Ҷазира” хабар дод, нерӯҳои Исроил пас аз ҳамла ба бузургтарин беморхонаи Ғазза “Аш-Шифо” рӯ ба бомборон кардани беморхонаи “Инданезия” овардааст. Хабарнигори ин расона аз дохили беморхонаи мазкур дар гузорише гуфт, ки ҳар касе агар аз зерзамини он ба табақаҳои болоӣ рафтан хоҳад, мавриди ҳамлаи нерӯҳои Исроил қарор мегирад ва кушта мешавад.

Табибон мегӯянд, ҳатто наметавонанд ба бемороне, ки дар ҳолати бисёр вазнин қарор доранд, кумак кунанд.

Исроил пас аз ҳамла ба беморхонаи “Аш-Шифо” рӯзи ҷумъаи гузашта ба чанд беморхонаи дигар, аз ҷумла макони парастории пиронсолон ҳамла карда буд, ки даҳҳо нафар кушта ва захмӣ гашт.

Гуфта мешавад, дар пайи ҳамлаҳои шадиди Исроил дирӯз низ ду хабарнигорои мустақил дар Ғазза кушта шуданд, ки бо шумули онҳо адади рӯзноманигорони кушташуда аз 7-уми октябр то имрӯз ба 60 нафар расид.

Ожонси оворагони фаластинии Созмони Миллали Муттаҳид (UNRWA) мегӯяд, шумори оворагон дар Ғазза 1,7 миллион расидааст. Ва ба иттилои ни созмон, 70 дарсади қурбонинён кӯдакон ва занон мебошанд.

Дар ҳамин ҳол комиссари олии ҳуқуқи башари Созмони Милали Муттаҳид Волкер Турк мегӯяд, аз “таҳаввулоти даҳшатноки 48 соати ахир дар Ғазза ваҳшатзада шудааст”.

Бо вуҷуди талаби зиёди кишварҳо ва созмонҳои байналмилалӣ барои таваққуфи ҷанг ва эълони оташбас, Исроил ба ин розӣ нашудааст. Ӯ мегӯяд, ҳадаф аз ҳамла ба беморхонаҳо озод кардани асирон ва тахриби паноҳгоҳҳои ҲАМОС аст. Аммо ҲАМОС ин иддаои Исроилро рад мекунад.

“Патент” барои муҳоҷирон дар Иркутск ҳам қимат мешавад

Аз ҷониби
AZDA-TV
-
0

Дар вилояти Иркутски Русия қимати патент барои муҳоҷирони корӣ 9 дарсад боло меравад. 

Гуфта мешавад, дар ҳоли ҳозир муҳоҷирони корӣ дар ин вилоят барои пешпардохти андоз аз даромад ё “патент” 7984 рубли русӣ пардохт мекунанд, аммо дар соли 2024 он ба 9144 баробар хоҳад шуд.  

Мақомоти Иркутск соли оянда мехоҳанд аз ҳисоби муҳоҷирони корӣ ба буҷаи ин вилоят беш аз 2,8 млрд рубли русӣ ворид кунанд.

Вазири меҳнат ва шуғли аҳолии вилояти Иркутск Кирилл Клоков сабаби яку якбора гарон кардани қимати “патент”-ро ба афзоиши маоши миёна дар ин вилоят рабт додааст.

Пештар аз ин, шаҳру ноҳияҳои дигари Русия низ эълон карда буданд, ки нархи “патент”-ро соли оянда барои муҳоҷирони корӣ боло хоҳанд бурд.  

Мақомдорони рус афзоиши арзиши “патент”-ро бо афзоиши маоши миёна ва ба зарурати ҳифзи ҳуқуқи сокинони маҳаллӣ дар бозори меҳнат рабт дода, таъкид кардаанд, ки бо ин амал ба буҷаи шаҳру ноҳияҳо маблағи зиёдтар ворид карданианд. 

Коршиносон мегӯянд, ки боло бурдани нархи “патент” ба ҷайби муҳоҷирони кории тоҷик зарбаи калон мезанаду мушкилоташонро боз ҳам бештар хоҳад кард.

Ҳамлаи Исроил ба Ғазза 42 рӯз боз идома дорад

Аз ҷониби
AZDA.TV
-
0

Аз шуруи ҷанги Исроил дар Ғазза инак 42 рӯз сипарӣ мешавад. Ахиран нерӯҳои Исроил бузургтарин беморхонаи Ғазза, Аш-Шифоро зери тасарруфи худ дароварда, онро муҳосира кардаанд.

Расонаҳои фаластинӣ аз қавли мудири ин беморхона гуфтанд, ки вазъият дар дохили беморхона бисёр бад аст, дар ҳар дақиқа як нафар ҷон медиҳад. Нерӯҳои Исроил дар дохили беморхона озодона рафтуо доранд, ки ин далели вуҷуд надоштани нерӯҳои ҲАМОС дар дохили он мебошад. Ҳамчунин гуфта мешавад, нерӯҳои исроилӣ намегузоранд барои беморон ёрии аввалия расонида шавад.

Дар ҳамин ҳол раиси бахши сӯхтагии ин беморхона ба Ал-Ҷазира гуфтааст, ки “шаби гузашта аз сабаби набудани имконоти тиббӣ, навзодони зиёде ҷони худро аз даст доданд. Онҳое, ки дар дохили беморхона дар муҳосира қарор доранд, ё аз гуруснагӣ ва ё аз кумак нарасондани тиббӣ ҷон мебозанд, ҳамаро ваҳшат фаро гирифтааст.”

Исроил бо ҳамлаи худ ба беморхонаи Аш-Шифо иддао карда буд, ки ҲАМОС дар зери он пойгоҳи низомӣ дорад ва асирони исроилӣ онҷо нигаҳдорӣ мешаванд, вале бо вуҷуди тасарруфи комили беморхона то ҳол натавониста ин иддаои худро собит кунад.

Ҳамзамон раиси Ожонси оворагони фаластинии Созмони Миллали Муттаҳид (UNRWA) дар як баёнияе рӯзи 17-уми ноябр мегӯяд, аз шаби гузашта тамоми иртиботот бо Ғазза қатъ шудааст. Ин ниҳоди байналмилалӣ гуфтааст, хомӯшии барқ дар Ғазза мумкин аст боиси афзоиши ваҳшат дар онҷо ва ташвиши бештар дар назми маданӣ шавад.

Исроил пас аз оғози ҳамлаҳои худ ба Ғазза обу барқро қатъ карда, воридоти кумакҳои башардӯстонаро боз доштааст. Бо вуҷуди исрори Созмони Милали Муттаҳид барои таваққуфи ҷанг ва эълони оташбасу иҷозати ворид шудани кумакҳои инсонӣ, Исроил ба он иҷозат намедиҳад.

Ёдовар мешавем, ки дар пайи ҳамлаи ҲАМОС ба шаҳракнишинони Исроил дар 7-уми октябри соли ҷорӣ то кунун Исроил бевақфа Ғаззаро бомборон мекунад. Тибқи омори Вазорати беҳдошти Фаластин, шумори кушташудагон дар Ғазза ба беш аз 12 ҳазору 300 нафар расидааст, ки 75 % кӯдакон ва занон ташкил медиҳанд. Ба гуфтаи ин фазорати фаластинӣ, шумори захмиён марзи 29 ҳазорро гузашта, инчунин беш аз 6000 ҳазори дигар дар зери вайронаҳо мондаанд.

Исроил низ эълон кард, ки дар пайи ин даргириҳо то кунун беш аз 1200 нафар кушта шуда, беш аз 200 нафари дигар асир афтодаанд.

Ҷарроҳии Хушрӯз дар бемористони зиндон

Аз ҷониби
AZDA-TV
-
0

Блогер ва рӯзноманигори зиндонӣ Хушрӯз Ҷумаев (Хушом Ғулом) дирӯз, 16-уми ноябр дар беморхонаи маҳбаси шаҳри Душанбе ҷарроҳӣ шуд.

Бино ба иттилои рӯзноманигори шинохта Анора Саркорова, ҷарроҳӣ ба Хушрӯзи 25-сола бо сабаби шиддат ёфтани бемории “варикоцеле” (варам дар рагҳо) таъин шуда будааст.

Ба гуфтаи хонум Саркорова, ин беморӣ метавонист дар натиҷаи шиканҷаи шадид, аз ҷумла зарбаи барқ, ки Хушом Ғулом дар ҳафтаҳои аввали боздошташ ба он дучор шуда буд, сар зада бошад.

Хушом Ғулом, муҳаққиқи забон, фарҳанг ва таърихи помирӣ дар пасманзари ҳодисаҳои ахири Бадахшон, ки даҳҳо нафар аз сокинони ин вилоят аз ҷониби мақомот кушта ва фаъолони он боздошту зиндонӣ шуданд, рӯзи 19-уми майи соли 2022 аз ҷониби кормандони Раёсати мубориза бо ҷиноятҳои созмонёфтаи Вазорати корҳои дохилии Тоҷикистон боздошт шуда буд.

Мақомот панҷ рӯзи аввали боздошти Хушом Ғулом дар бораи дар куҷо буданаш чизе намегуфтанд ва тамоми ин муддат ӯ аз дастрасӣ ба вакили дифоъ маҳрум буд. Аммо баъдтар худи мақомоти тафтишишотӣ барояш вакили дифоъ таъйин карданд.

Гуфта мешавад, дастрасӣ надоштан ба вакили мудофеъ, бахусус дар рӯзҳои аввали боздошт, яке аз маъмултарин нақзи ҳуқуқи боздоштшудаҳо дар Тоҷикистон ба шумор рафта, муфаттишон дар ин муддат кӯшиш мекунад, ки ҳарчӣ зудтар “эътирофи гуноҳ”-и афроди боздоштшударо ба даст оранд.

Одатан дар рафти тафтишот дар Тоҷикистон барои ба даст овардани “эътироф” кормандони мақомот аз амалҳои мухталифи ғайриқонунӣ, аз ҷумла ба шиканҷаи боздоштшудаҳо даст мезананд ва болои онҳо ба воситаи таҳдиди наздикону пайвандонаш фишори бештар меоранд.

Мақомот парвандаи Хушрӯзро, мисли парвандаи аксари фаъолони помирӣ бо мақсади аз омма пинҳон доштани қонуншиканиҳои сершуморе, ки дар рафти тафтишот содир шудааст, махфӣ эълон карда буд.

Додгоҳи Тоҷикистон дар охири моҳи декабри соли 2022 рӯзноманигор Хушоми Ғуломро бо иттиҳоми ташкили иттиҳоди ҷиноӣ (моддаи 187 қисми 2) гунаҳкор донист ва ба ҳашт соли зиндон дар колонияи низомаш шадид маҳкум кард. Гуфта мешавад, Хушом Ғулом ҳукмашро дар маҳбаси ракқами 7-и шаҳри Душанбе маъруф ба “Якум Советский” адо мекунад.

Иттиҳомотеро, ки мақомот нисбати ин зодаи Бадахшон ва дигарон эълон кардаанд, созмонҳои байналмилалии ҳуқуқӣ башар сохтаву сиёсӣ медонанд ва борҳо аз мақомоти Тоҷикистон, озодии ин блогери шинохтаро талаб карда буданд. Аммо мақомот ин ҳама талабу тавсияи созмонҳоро ҳамеша нодида мегирад.

Дар Тоҷикистон боз газ гарону камёфт шуд

Аз ҷониби
AZDA.TV
-
0

Гази моеъ, ки сокинон дар Тоҷикистон онро ҳам дар мошинҳо ҳамчун маводи сӯхти арзон ва ҳам дар хона зиёд истифода мекунанд, гарону камёфт шудааст.

Бино ба иттилои расонаҳо, давоми як моҳи ахир якбора нархи гази моеъ дар нуқтаҳои фурӯши сӯзишвории дар тамоми кишвар то 15% гарон шуд. Сабаби чунин якбора гарон шудани газро ҳар кас ҳар гуна шарҳ медиҳад.

Аксар соҳибони нуқтаҳои фурӯши сӯзишворӣ мегӯянд, аз кишварҳои содиротӣ газ кам ворид мешавад ва сабаби гаронии он ба ҳамин хотир аст. Вале коршиносон мегӯянд, иллати ин кор бештар ба набудани рақобат дар ин соҳа ва инҳисори он аз ҷониби наздикони раисҷумҳур мебошад.

Баъзе сокинони вилояти Хатлон ва Суғд ба расонаҳо гуфтаанд, ки ба ҳар нуқтаи фурӯши сӯзишворие, ки мераванд, навишта шудааст, ки “Газ нест”. Ба қавли бархе ронандагон, “Барои ёфтани газ ҳатто аз як ноҳия ба ноҳия дигар мервем, вале боз ҳам пайдо намешавад.”

Сокинон мегӯянд, дар баробари камёфт шудани гази моеъ нархи роҳкиро низ гарон шудааст. Мусофиркашон сабаби гарон шудани роҳкироро ба гарон шудани газ марбут медонанд, ки ба гуфтаи онҳо, ҳоло нархи гази моеъ дар аксар минтақаҳои кишвар наздики 8 сомонӣ шудааст, дар ҳоле, ки як моҳ қабл нархи он байни 6 ва 6,5 сомонӣ буд. Аммо ҳоло нархи анвои бензини ба ба 11 ва 11,7 сомонӣ расидааст.

Тибқи оморҳои расмӣ, дар нимсолаи аввали соли 2023 аз ҷониби 30 ширкат ба Тоҷикистон беш аз 174 ҳазор тонна бензини навъҳои гуногун ба маблағи тақрибан 100 миллион доллар ворид карда шудааст, ки 59 дарсади он ба ширкати “Газпромнефт-Тоҷикистон” рост меояд.

Маҳсулоти нафтии Тоҷикистон асосан аз Федератсияи Русия (85,4%), Қазоқистон (5,1%), Туркманистон (4,4%), Узбекистон (2,6%) ва дигар кишварҳо (2,5%) ворид мешавад.

Аммо гази моеъ асосан аз Қазоқистон (73,5%) ва Русия (тақрибан 24,7%) ворид карда мешавад ва дар нимсолаи аввали соли 2023 14 ширкат ҳудуди 170 ҳазор тонна гази моеъ ба Тоҷикистон ба маблағи беш аз 66 миллион доллар ворид кардаанд.

Раҳмон ба Русия меравад

Аз ҷониби
AZDA-TV
-
0

Раисҷумҳури Тоҷикистон Эмомалӣ Раҳмон рӯзҳои 21 – 22-уми ноябри соли ҷорӣ бо як сафари расмӣ ба Русия меравад.

“Азия-Плюс” дар истинод ба сухангӯи президент Абдуфаттоҳ Шарифзода хабар додааст, ки Раҳмон дар доираи ин сафараш бо президент ва сарвазири Русия Владимир Путин ва Михаил Мишустин мулоқот хоҳад кард.

Гуфта мешавад, Раҳмон зимни ин сафараш бо раҳбарони Русия чанд “ҳуҷҷатҳои ҳамкорӣ ва муҳим”-ро ба имзо хоҳад расонад, аммо аз ҷузъиёти он чизе гуфта нашудааст.

Бори охир Эмомалӣ Раҳмон ва Владимир Путин моҳи октябри соли ҷорӣ дар шаҳри Бишкеки Қирғизистон пеш аз нишасти Шӯрои сарони кишварҳои ИДМ мулоқот карда буданд.

Эълони сафари Раҳмон ба Русия дар ҳоле расонаӣ мешавад, ки дар ин кишвар фазои муҳоҷирбадбинӣ, ки миёни онҳо беш аз 1 миллион муҳоҷири кории тоҷикистонӣ вуҷуд дорад, авҷ гирифтааст ва вакилони рус талош доранд фаъолияти ин муҳоҷиронро дар хоки Русия маҳдудтар кунанд.

Русия шарики стратегии Тоҷикистон маҳсуб мешавад ва ин кишвар дар Душанбе бузургтарин пойгоҳи низомиро дорад. Корбарони шабакаҳои иҷтимоии тоҷик борҳо талаб карда буданд, ки ба хотири поймол шудани ҳуқуқи муҳоҷирон дар Русия ин пойгоҳ баста шавад, вале ба гуфтаи коршиносон, Эмомалӣ Раҳмон ҳечгоҳ ин ҷуръатро надорад, ки барои дифоъ аз шаҳрвандонаш масъалаи бастани пойгоҳи низомии Русияро матраҳ кунад.

Сафари Рустами Эмомалӣ ба Қирғизистон

Аз ҷониби
AZDA-TV
-
0

Имрӯз, 16-уми ноябри соли 2023 Рустами Эмомалӣ, раиси шаҳри Душанбе ва Маҷлиси миллии Маҷлиси Олӣ ва писари раисҷумҳури Тоҷикистон Эмомалӣ Раҳмон ба шаҳри Бишкеки Қирғизистон сафар кард.

Бино ба иттилои сомонаи расмии Маҷлиси миллии Маҷлиси Олӣ, сафари Рустами Эмомалӣ ба ин кишвар барои иштирок дар ҷаласаи навбатии Шӯро ва ҷаласаи 56-уми Ассамблеяи Байнипарламентии давлатҳои иштирокчии ИДМ сурат гирифтааст.

Инчунин писари раисҷумҳур дар Конференсияи байналмилалӣ бахшида ба 85-умин солгарди таъсисёбии Жокоргу Кенеши Қирғизистон иштироку суханронӣ кардааст.

Рустами Эмомалӣ зимни суханронияш аз парлумони Қирғизистон таърифу тавсиф карда гуфтааст, ки он “дар муайянсозии роҳҳои рушди минбаъдаи демократияи намояндагӣ, ташаккули заминаҳои мусоиди ҳуқуқӣ барои гузаронидани ислоҳот фаъолона иштирок намуда, дар таъмини рушди устувори Ҷумҳурии Қирғизистон ҳамчун давлати соҳибихтиёр, нақши муассир дорад”.

Ҳамзамон, Рустам дар ҳошияи ин ҷаласаҳо бо Валентина Матвиенко, раиси Шӯрои Федератсияи Маҷлиси Федералии Русия мулоқот намуда, аз густариши ҳамкориҳои дуҷониба дар самтҳои тиҷоратию иқтисодӣ ва фарҳангию гуманитарӣ гуфтаанд.

Сафир аз Кувайт омаду прзедидент нарафт

Аз ҷониби
AZDA TV-2
-
0

Сафири Тоҷикистон дар Кувайт ба зодгоҳаш дар ноҳияи Айнӣ омад, то президент мактаби сохтаашро ифтитоҳ кунад, вале ба он ҷо Эмомалӣ Раҳмон нарафт.

Бино ба иттилои расмӣ, 15-уми ноябри соли 2023 дар доираи сафари кории Эмомалӣ Раҳмон ба вилояти Суғд “дар деҳаи Каздони Ҷамоати деҳоти Шамтучи ноҳияи Айнӣ бинои нави Муассисаи таҳсилоти миёнаи умумии №48 мавриди истифода қарор дода шуд.”

Дар рафти ифтитоҳи бинои ин мактаб раиси вилояти Суғд ҳамроҳ бо вазири маориф ва илм ва сафири Тоҷикистон дар давати Кувайт Зубайдулло Зубайдов ва дигарон ширкат карданд, вале худи Эмомалӣ Раҳмон ба он ҷо нарафт.

Ба қавли Суғднюс, бинои нави Муассисаи таҳсилоти миёнаи умумии №48-и деҳаи Каздони Ҷамоати деҳоти Шамтучи ноҳияи Айниро барои 320 хонанда дар як баст зодаи ин деҳа Зубайдулло Зубайдов (Зубайдзода), сафири кабири Тоҷикистон дар кишварҳои Кувайт, Сурия ва Ироқ сохтааст.

Аммо Хадамоти матбуоти вилояти Суғд 15-уми ноябр ин масъаларо каме зиёдтар шарҳ дода гуфтааст, ки бинои ин мактабро “фарзанди ҳамин диёр Зубайдулло Зубайдзода бо аҳли пайвандонаш тасмим гирифт, ки дар деҳаи Каздон бинои таълимии замонавӣ сохта, ба истифода диҳад.”

Бинои ин мактаб бо маблағи 6 миллиону 400 ҳазор сомонӣ сохта шудааст. 23-уми сенябри соли ҷорӣ низ раиси вилояти Суғд ҳамроҳ бо дигар мақомоти расмӣ тавассути чархбол барои боздид аз рафти корҳои сохтмонӣ дар деҳаҳои Каздон ва Дарғ ба ноҳияи Айнӣ рафта буд.

Он замон гуфта мешуд, майдончае, ки чархболи ҳомили раиси вилоят ба он нишаст, барои чархболи Эмомалӣ Раҳмон ва дигар мақомоти расмӣ ва ҳайъатҳое, ки ҳамроҳӣ ӯ ба он ҷо сафар мекунанд ва маросиме, ки барои пазироӣ аз он сурат мегирад, тангӣ мекунад. Ба ҳамин хотир, дастур шуда буд, ки майдонча ва ё ба қавли мардуми деҳа “фурӯдгоҳи чархболҳо”-ро аз ҳисоби заминҳои корами мардум васеътар карда буданд.

Аммо бо вуҷуди он ки “фурӯдгоҳи чархболҳо“-ро аз ҳисоби заминҳои корами мардум васеътар карданд, ва сафири Тоҷикистон дар давлати Кувайт ҳам умедвор буд, ки мактаби сохтаашро худи Эмомалӣ Раҳмон рафта бо дасти худаш мавриди баҳрабардорӣ қарор медиҳад, ва сипас ба нафақа меравад, аммо ин кор нашуд.

Сокинони ин деҳа дар шабакаҳои иҷтимоӣ нисбатан хеле фаъол ҳам ҳастанд. Матолиби зиёде ҳам дар бораи муаррифии ин марзу буми кишвар нашр мекунанд, ки ҷои таҳсин аст. Замоне бархе аз онҳо бо ифтихор ҳам мегуфтанд, Зубайдулло Зубайдов “маблағҳои бо арақи ҷабин ҷамъовардаи худро барои сохтумони ин муассиса масраф мекунанд”.

5-уми октябри соли ҷорӣ вақте дар ин бора зери унвони “Ғасби заминҳои корам дар Каздон” матлаберо нашр карда буд, ки чандин паёме аз мардуми маҳал дарёфт карда будам. Чанд нафари онҳо хулосаи гапашон ин буд, ки “чиро намегузоред, ки як гӯшаи диёр обод шавад?

Аммо акнун суол ин ҷост, як дипломати тоҷик, ки аз соли 1993 то 2006 корманди Вазорати корҳои хориҷӣ дар Тоҷикистон ва аз соли 2006 то ҳол ба ҳайси дипломат дар кишварҳои Русия, Покистон ва инак тайи даҳ соли ахир бо иқомати Кувайт сафири Тоҷикистон дар Ироқ ва Сурия низ мебошад, моҳона чӣ қадар ҳуқуқ мегирад, ки метавонанд мактабе бо қимати 6 миллону 400 ҳазор сомонӣ бисозанд?”

Аммо дирӯз, яке аз сокинони ин деҳа, ки пештар аз нашри он матлаб гила карда буд, аз тариқи паёмрасонҳои хусусӣ бори дигар гуфт, “кори хубе накардӣ?” Гуфтам, чиро? Посух дод, ки “мардум барои омадани президент Эмомалӣ Раҳмон хеле заҳмат кашида, тайёрӣ дида буданд, вале он кас наомад.”

Ҳангоми бо ҳам суҳбат карданамон аз сӯи ин бародар далилҳое бароям ошкор шуд, ки ба иҷозати худи ӯ, мухтасар онҳоро ин ҷо меоварам.

Ба суоли ман, ки чиро раисҷумҳур дар ифтитоҳи мактаб наомад ӯ навишт (айнан):

-: “Ун кас меомаданд ягон хел праблема набуд, аммо бахилию ҳасудии дарғиҳо кори худро кард…”

-: “Ба дарғиҳо чӣ дахл дорад омадану наомадани президент?”

-: “Дахл дорад буродар, дахли калон дорад! Агар инҳо ба кору бори мо шарик намешудан ҷаноб меомад! Ун кас Зубайдуфро нағз ҳурмат мекунан. Зубайдуф анча манча одам не хеле президентба дасташон расидагӣ, лекин инҳо ба ходҳои худашон зарар ба деҳаи мо расондан…”

-: “То ҷое медонам мардуми ҳарду деҳа бо ҳам хешу таборанд…”

-: “Бале хешу таборем, аммо онҳо аз калонгарии худ намемонан… Зубайдуф ҳам фарзанди ҳарду деҳа…”

-: “Пас чи мушкил доред?”

-: “Росташ мардуми оддӣ шахсан худи ман ягон грам мушкил ба дарғиҳо надорам. Мушкил дар калонҳомон. Ҳар бор бо ягон баҳона қишлоқҳоро ба зиди ҳам мекунанду кори худро кард…”

-: “Масалан чӣ корро?”

-: “Шумо буродар фикр мекунед ҷанҷоли деҳаҳо бемаслиҳату дахолати калонҳо мешавад? Ҳайҳот ин ҳамаш барои онҳо фоида ҳаст. Ба ин баҳона замину молу мулки ҷамъиятиро шахсӣ кардан. Ҳамун чойхунаи дарғ, ки нав Ҷалолудин Шарифов сохт, моли ҷамъиятӣ буд. Ба баҳонаи навсозӣ шахсӣ шуд. “

-: “Ҷалолудин Шарифов дарғист?”

-: “Дарғӣ сад фоиз! Бо Зубайдулло набераи як бобо мешан.”

“Хайр набераҳои як бобо ободгарӣ кардаанд, магар бад аст?”

-: “Фарқаш ҳаст дия. Зубайдуф мактаби шахсӣ насохт чойхонаи Ҷалол шахсӣ шуд. Шумо буродар навистед, ки Зубайдуф аз куҷо маблағро ёфту мактаб сохт. турӣ? ҳамин хел навистед?”

-: “Ҳа ман ҳамин хел суол додам.”

-: “Чиба намепурсед, ки Ҷалолудин Шарифов аз куҷо маблағи сохтмони чойхонаи сеэтажаро ёфт?”

-: “Намедонам, ӯро аз куҷо пурсам? Ман корманди давлатро, дипломат ва сафирро пурсидам, ки маошаш чӣ қадар аст, ки тавониста бо 6 милёну 400 ҳазор сомонӣ мактаб созад. Ҷалол мумкин соҳибкор аст…”

-: “Не дия! Ҷалол корманди барқи тоҷик аст. Корманди барқи тоҷик чи қадар маош дорад? як гапа гум шумоба. аз хонаи ҳамин ҷалол 11 кило тилло қатии 1 милён доллар гум шуд!”

-: “Оҳҳо! Дуздро ёфтанд?”

-: “Аз куҷо меёбанд? Зубайдуф дахолат намекард ҷаррасташа мебаровардан. Ба замини Худо ин бача раҳ намерад. Аз номи худи калон гап мезанад гӯё ба ҳоҷи амон додараруси ҷаноб қудо мешудас оянда ба. Худи ҳоҷӣ пуштибонаш будас, ки аз номи ҳамонҳо калонгари мекунад дари вазири мадро ба лагад зада медаромадас…”

-: “Хайр бо сафир набераи як бобо ки бошад…”

-: “Сад фоиз набераи як бобо ҳастан. Аслаш ҳамин авлод ду қишлоқро доим кишкиш мекунан. Зубайдуф одами дасткушод, лекин авлоду хешу таборошун… ҳайфи ҳамин хел одам буродар. Зани бегона бачаҳо худашонба нарафтан…”

-: “Бачаҳои Зубайдов мансабдор будагистанд?”

-: “Рустам дар банки Ҳасан кор мекард, неки ҳоли гуреза…”

-: “Чи хел гуреза?”

-: “Ина гапаш зиёд буродар мегун 200 милён пули банка хурдиян ҳоли Америкаба хай ин гапҳо лозим не моба. Проста ҳамин мардак ҳайф дар байни ин авлод. Ҷаноб меомад кори кардагии ин марда медид боз як обруи калон буд…”

Амруллоҳи Низом, махсус барои Аздо тв

1...249250251...786саҳифаи 250 аз 786