Ҷустуҷӯ кунед
Ҷустуҷӯ
13.9 C
Dushanbe
Хона блог саҳифа 328

Намоишгоҳи байналмилалии “Китоби Душанбе”

Аз ҷониби
amrullokhi
-
0

Тайи ду рӯзи оянда даҳумин Намоишгоҳи байналмилалии “Китоби Душанбе” дар пойтахт баргузор мешавад.

Бино ба иттилои Вазорати фарҳанги Тоҷикистон, рӯзҳои 14  то 16-уми декабри соли 2022 Намоишгоҳи даҳуми байналмилалии “Китоби Душанбе” баргузор мешавад.

Ба қавли манбаъ, “ин намоишгоҳ дар Театри давлатии академии опера ва балети Тоҷикистон ба номи Садриддин Айнӣ дар пойтахт гузаронида мешавад.

Гуфта мешавад, дар Намоишгоҳи байналамилалии “Китоби Душанбе” ноширони дохилӣ ва хориҷӣ иштирок ва китобҳои тозанашри худро ба намоиш ва фурӯш мегузоранд.

Кобул: Омилони ҳамла ба ҳутели чиниҳо тоҷик буданд

Аз ҷониби
amrullokhi
-
0

ДИИШ бо нашри акс ва як навори кӯтоҳе эълон кард, ду нафаре, ки дирӯз ба ҳутели чиниҳо дар Кобул ҳамла карданд, узви ин созмон буданд.

Дирӯз, 12-уми декабри соли 2022 ду нафар аз муҳоҷимон ба ҳутели чиниҳо дар минтақаи шаҳри нави Кобул ҳамла карда, чанд кушта ва захмӣ ба ҷо гузоштанд. ДИИШ ҳам бо нашри навори акс ва як навори “байъат” аз муҳоҷимон масъулияти ин ҳамларо ба уҳда гирифт.

Дар наворе, ки ин созмон нашр кард,

Акс аз манбаъҳои боз

Ин афроде, ки пас аз ҳамлаи дирӯз дар Кобул кушта шуданд, оё дар воқеъ шаҳрвандони Тоҷикистон буданд ва ё тоҷикони дигар кишварҳои ҳамсоя ҳанӯз маълум нест, Вазорати корҳои дохилии Тоҷикистон ва дигар мақомоти кишвар ҳам то замони таҳияи ин хабар дар бораи ҳувияти ин афрод чизе нагуфтаанд

Гуфта мешавад, субҳи дирӯз пас аз чанд таркиш дар ҳутели чиниҳо дар минтақаи шаҳри нави Кобул тирпарронӣ оғоз шуд ва ба қавли расонаҳо дар натиҷаи ин таркишҳо ва тирпарониҳо ҳам дар байни шаҳрвандони хориҷӣ ва дар сафи Толибон чанд нафар кушта ва захмӣ низ вуҷуд дошт, ДИИШ ин теъдодро ҳудуди 30 нафар кушта ва захмӣ эълон кард, вале на ҷониби Толибон ва не ҷониби чиниҳо чунин омореро нашр намекунанд.

Ин дар ҳолест, ки  як рӯз пеш аз ин ҳамла сафири Чин дар Кобул Вонг Ю бо Шермуҳаммад Истонекзай, ёвари сиёсии Вазорати хориҷаи Толибон дидор карда, хостори таваҷҷуҳи бештар ба таъмини амнияти сафорати Чин дар Кобул шуда буд.

Заминларза дар Тоҷикистон

Аз ҷониби
amrullokhi
-
0

Заминларзаи беш аз 3 балие ба миқёси Ҷадвали Рихтер шаҳри Душанбе, пойтахти Тоҷикистон ва шаҳру навоҳии атрофи онро такон дод.

Субҳи имрӯз, 13-уми декабри соли 2022 Институти геология, сохтмони ба заминҷунбӣ тобовар ва сейсмологияи Академияи илмҳои Тоҷикистон ба расонаҳо хабар дод, ки соати 06:50 ба вақти маҳаллӣ дар қаламрави кишвар заминларза ба қайд гирифта шуд.

Гуфта мешавад, маркази ин заминларза дар километри 14-уми ҷануби Душанбе ҷойгир будааст. Тибқи Ҷадвали Рихтер шиддати он дар шаҳри Душанбе 3 баллро ташкил дода, то ҳол ҳеч гуна талафоте дар Тоҷикистон сабт нашудааст.

Таҳдиди ихроҷ ба писари узви аршади ҲНИТ дар Олмон

Аз ҷониби
AZDA TV
-
0

Ба Абдуллоҳи Шамсиддин, писари узви аршади Ҳизби наҳзати исломии Тоҷикистон Шамсиддини Саид ихроҷ аз Олмон таҳдид мекунад.

Дар ин бора Маҳмудҷони Файзраҳмон, масъули бахши равобити хориҷии Паймони миллии Тоҷикистон дар саҳифаи твиттериаш хабар дода, мегӯяд, ки дар ҳоли ихроҷи ин фарзанди узви аршади ҲНИТ ба Тоҷикистон ӯро сарнавишти Шовализода интизор аст, ки номбурда ду соли пеш аз Утриш ба Тоҷикистон ихроҷ шуд ва дар Тоҷикистон мавриди шиканҷа қарор гирифта, ба 20 соли зиндон маҳкум гардид.

Масъули равобити хориҷии ПМТ дар суҳбат бо Azda tv зимни таъйиди ин хабар гуфт: “Абдуллоҳи Шамсиддин, ки худро ба ҳайси паноҳандаи сиёсӣ ба кишвари Олмон супорида буд, ӯро хатари ихроҷ аз ин кишвар таҳдид мекунад. Ва мутаассифона, он сарнавиште, ки Шовализода аз Австрия ихроҷ шуда буд, тақрибан ҳамон вазъиятро дорем мебинем.“

Ӯ дар идома ҳамчунин афзуд: “Айни ҳол созмонҳои байналмилалӣ ва мудофеони ҳуқуқи башар ҳама якҷо барои манъи ихроҷи ӯ аз олмон ба Тоҷикистон кӯшиш доранд.“

Дар ҳамин ҳол, баъзе аз созмонҳои байналмлалии ҳуқуқи башар ва ҳомиёни ҳуқуқ, ба монанди Edward Lemon ва дигарон хоҳонии ихроҷ нашудани Абдуллоҳи Шамсиддин шудаанд.

Гузоришгари СММ: Вазъи ҳомиёни ҳуқуқи башар торафт бадтар мешавад

Аз ҷониби
amrullokhi
-
0

Маркази мубориза бо табъиз мегӯяд, Тоҷикистон бо сӯиистифода аз қонунҳои зидди терроризму экстризм алайҳи рӯзноманигорон ва фаъолони ҷомеаи шаҳрвандӣ мубориза мебарад.

Дирӯз 11-уми декабри соли 2022 Маркази мубориза бо табъиз, мақарраш дар шаҳри Ню-Йорки Амрико гуфта буд, муҳлати будубоши хонум Мэри Лоулор, Намоядаи вежаи Созмони Миллали Муттаҳид барои шиносоӣ бо вазъи ҳуқуқи башар дар Тоҷикистон ба поён мерасад, вале вазъи ҳуқуқи башар дар Тоҷикистон бадтар мешавад.

Маркази мубориза бо табъиз таъкид мекунад: “Қонунҳо дар бораи пешгирии ифротгароӣ ва мубориза бо терроризм барои ҳадаф гирифтан ва муҷозот кардани ҳомиёни ҳуқуқи башар, ки дар ҷамъи онҳо рӯзноманигорони мустақил, блогнависон ва фаъолони ҷомеаи шаҳрвандӣ ва дигар кормандони расонаҳо ҳузур доранд, истифода мешаванд.”

Пеш аз ин Намояндаи вижаи Созмони Миллали Муттаҳид дар Тоҷикистон хонум Мэри Луолор гуфта буд: “Бархе аз мансабдорони Ҳукумати Тоҷикистон талош доранд, ки бо ҳомиёни ҳуқуқи башар робитаи мусбат дошта бошанд”, аммо “вазъи ҳомиёни ҳуқуқи башар торафт бадтар мешавад.”

Инчунин Гурӯҳи байналмилалии ҳуқуқи ақалиятҳо бо интишори баёнияе дар робита ба маҳкум ба зиндон кардани бону Улфатхоним Мамадшоева гуфта буд: Ба зиндон маҳкум кардани раҳбарони ҷомеаи маданӣ дар Вилояти Мухтори Кӯҳистони Бадахшонро маҳкум мекунад. Дар байни онҳо рӯзноманигор Улфатхоним Мамадшоева низ ҳузур дорад, ки ба 21 соли зиндон маҳкум шуд. Ин ҳукм (дар байни ҳукмҳои дигар нисбат рӯзноманигороне, ки дар як соли ахир боздошт ва зиндонӣ шудаанд,) тӯлонитарин ҳукм дониста мешавад.

Гуфта мешавад, мақомоти Тоҷикистон дар камтар аз 8 моҳи ахир дасти кам 8 нафар аз рӯзноманигорон ва блогнависони шинохтаи кишварро боздошт ва бо иттиҳомоти сохта ва бофта, ки қариб ҳамаи ин иттиҳомотро онҳо рад карданд, ба муддатҳои тӯлонӣ равонаи зиндон карданд.

Инчунин дар қатори онҳо даҳҳо нафар аз фаъолони ҷомеаи шаҳрвандӣ, ки зодаи Вилояти Мухтори Кӯҳистони Бадахшон ҳастанд ва дар дохили Тоҷикистон ва хориҷ аз он, ба хусус дар Русия зиндагӣ мекарданд, боздошт ва ба ватан истирдод карда ва бо иттиҳомоти мухталифе, ки додгоҳи ҳамаи онҳо пушти дарҳои баста дар боздоштгоҳҳо сурат гирифт, ба муддатҳои тӯлонӣ ва ҳатто ҳукми абад маҳкум карданд.

Бар илова, дар ин сол мақомоти Тоҷикистон дар чанд давра аз иқдомоти худ дасти кам се маротиба дар Вилояти Мухтори Кӯҳистон Бадахшон ба ҷиноятҳои комилан вазнин, қатлҳои оммавӣ даст заданд. Ин амрҳо вокунишҳои мухталиферо дар дохил ва хориҷи кишвар ба вуҷуд оварад ва боис шуд, ки ҷомеаи ҷаҳонӣ низ ба вазъи ҳуқуқи башар дар Тоҷикистон зиёдтар таваҷҷуҳ кунад.

Ҳутели чиниҳо дар Кобул мавриди ҳамла қарор гирифт

Аз ҷониби
AZDA TV
-
0

Дар минтақаи шаҳри нави Кобули Афғонистон баъд аз зуҳри имрӯз, 12-уми декабр дар ҳутели баландошёнае таркиш рух дода, пас аз он садои тирпаронӣ низ шунида шудааст.

Бино ба иттилои расонаҳои афғонистонӣ, нафарони номаълум дар шаҳри Кобул ба як ҳутеле, ки шаҳрвандони чинӣ онҷо зиндагӣ мекардаанд, юриш бурдаанд.

То ҳол аз талафоти ҷонӣ ва захмӣ шудани шаҳрвандони чинӣ ва ё афғонистонӣ иттилооте нашр нашудааст. Аммо Холид Зидрон, сухангӯи пулиси Кобул ба расонаҳо ҳамларо ба ин ҳутел таъйид карда, аммо аз ҷониби кӣ ва кадом гурӯҳ сурат гирифтани ин ҳамла тафсилоте надодааст.

Ин ҳамла дар ҳоле сурат мегирад, ки чанд рӯзи ахир шаҳрвандон ва дипломотҳои чинӣ аз набудани амният эҳсоси хатар карда буданд.

Гуфта мешавад, рӯзи гузашта сафири Чин дар Кобул Вонг Ю бо Шермуҳаммад Истонекзай, ёвари сиёсии Вазорати хориҷаи Толибон дидор карда, хостори таваҷҷуҳи бештар ба таъмини амнияти сафорати Чин дар Кобул шуд.

Далери Имомалӣ ба зиндон интиқол ёфт

Аз ҷониби
firuzihait
-
0

Мақомоти зиндонҳо рӯзноманигор ва блогери шинохтаи тоҷик Далери Имомалиро аз боздоштгоҳи муваққатӣ ба зиндони маъруф ба “1-ум Советский” интиқол додаанд.

Пайвандони Далери Имомалӣ дар суҳбат бо “Asia-Plus” гуфтаанд, ки ин рӯзноманигори зиндонӣ рӯзи 10-уми октябр аз СИЗО ба Муассисаи ислоҳии №4, воқеъ дар маҳаллаи “1-ум Советский”-и шаҳри Душанбе интиқол ёфтааст ва онҳо аз ин кор огоҳ набудаанд. Ин дар ҳолест, ки тибқи қонунҳои мавҷуда вақте зиндонӣ ба дигар муассиса интиқол меёбад, бояд ба наздиконаш хабар дода шавад.

Наздикони Далери Имомалӣ гуфтаанд, ки “Ҳоло дар роҳем, баъзе лавозимоти заруриро барои эҳтиёҷаш мебарем. Умедворем, ки бо ӯ вохӯрда метавонем”.

Интиқоли ин рӯзноманигори тоҷик ба зиндон дар ҳолест, ки ҳафтаи пеш Додгоҳи шаҳри Душанбе ҳукми Додгоҳи ноҳияи Шоҳмансури пойтахтро, ки 17-уми октябри соли ҷорӣ Далери Имомалиро ба 10 сол маҳкум карда буд, бетағйир гузошт.

Пеш аз ин Далери Имомалӣ бо фиристодани номае аз зиндон ба унвони Эмомалӣ Рамҳон ҳукми додгоҳро эътироф накарда, гуфта буд, ки тафтиши парвандаи ӯ “пур аз дурӯғу буҳтон ва духӯрагиҳо” аст. Ҳамчунин ҳамсараш ба Эмомалӣ Раҳмон нома навишта, озодии ин рӯзноманигорро хоста буд.

Инчунин мақомоти Тоҷикистон Далери Имомалиро барои як суҳбати кӯтоҳаш бо яке аз аъзои ҳаракати сиёсии “Гурӯҳи -24” муттаҳам карданд, ки ҳам худи Далер ва ҳам ин ҳаракати сиёсӣ иддаои мақомотро рад карданд.

Гуфта мешавад, мақомоти додгоҳӣ ҳар ду мурофиаҳоро пушти дарҳои баста дар Боздоштгоҳи муваққатии шаҳри Душанбе (СИЗО) баргузор карданд ва нагузоштанд, ки назидкону пайвандони ин журналист дар ҷаласаҳои додгоҳӣ ширкат кунанд.

Ёдовар мешавем, ки мақомоти қудратии Тоҷикистон дар пайи як амалиёти махсус Далери Имомалӣ ва чанд тан аз рӯзноманигорон ва блогероне, ки каму беш аз мушкилоти мардум мегуфтанд ва камбуди фаъолияти масъулонро фош мекарданд, боздошту бо баҳонаҳои сохта барои солҳои тӯлонӣ равонаи зиндон карданд.

Дар пайи зиндонӣ кардани рӯзноманигорони тоҷик аксари созмонҳои ҳуқуқи башарӣ ва ҳомиёни рӯзноманигорон, аз ҷумла Мэри Лоулор, ки бо сафари корӣ дар Тоҷикистон қарор дошт, садо баланд карда, озодии онҳоро аз мақомоти кишвар талаб карданд. Аммо мақомот ин гуфтаҳои созмонҳоро мисли ҳамеша нодида гирифт.

Баргузории Анҷумани Ҳизби демократи Тоҷикистон

Аз ҷониби
amrullokhi
-
0

Анҷумани навбатии Ҳизби демократи Тоҷикистон бо ҳузури вакилони ин ҳизб, меҳмонони дохилӣ ва намояндаҳои корпусҳои дипломатӣ дар шаҳри Душанбе баргузор шуд.

Бино ба иттилои Саидҷаъфар Усмонзода, раиси Ҳизби демократи Тоҷикистон 10-уми декабри соли 2022 дар бинои Кохи афсарони шаҳри Душанбе Анҷумани XVII ин ҳизб баргузор шуд.

Дар кори ин анҷуман аз 100 вакили даъватшуда, 74 нафари онҳо, яъне аз 4/3 ҳиссаи вакилон иштирок намуда, 70 нафари онҳо ҳангоми раъйдиҳӣ дар вақти интихоби раиси ин ҳизб ба тарафдории ҷаноби Саидҷаъфар Усмонзода овоз доданд ва ин маротиба низ ӯ раиси демократҳои Тоҷикистон интихоб шуд.

Ҳизби демокрти Тоҷикистон соли 1990 таъсис ёфтааст. Собиқ раиси ин ҳизб Маҳмадрӯзӣ Искандаров, ки аз мухолифони ҳукумати Эмомалӣ Раҳмон ва мехост ба сурати ҷиддитар вориди сиёсат шавад, парвандсозии мақомоти Тоҷикистон алайҳи он оғоз шуд.

Вай декабри соли 2003 аввал дар Маскав боздошт шуд. Аввалҳои апрели соли 2004 озод шуд. Аммо 15 апрел ӯро боздошт ва 16-уми апрел рабуда ба Тоҷикисон оварданд. Сипас мақомот ӯро бо иттиҳомоте сохта ба муддати 23 сол аз озодӣ маҳрум карданд.

Саидҷаъфар Усмонзодаи 62-сола, аз соли 2012 ба ин сӯ раҳбари Ҳизби демократи Тоҷикистон аст. Вай номзади илмҳои иқтисодӣ буда, айни замон вакили ин ҳизб дар парлумони Тоҷикистон аст.

Ҷанозаи додарарӯси Эмомалӣ Раҳмон

Аз ҷониби
amrullokhi
-
0

Ҷанозаи додарарӯси Эмомалӣ Раҳмон, ки бар асари беморӣ вафот карда буд, дар зодгоҳаш дар вилояти Хатлон ба хок супорида шуд.

Имрӯз, 12-уми декабри соли 2022, ҷанозаи Ҳусейн Асадуллозода, додари ҳамсари Президенти Тоҷикистон дар зодгоҳаш, дар маҳаллаи Чапаеви ноҳияи Ҷалолиддини Балхӣ дар вилояти Хатлон ба хок супорида шуд.

Ҳар чанд Ҳусейн Асадуллозода, мисли бародари дугоникаш Ҳасан Асадуллозода шинохта шуда набуд, вале ҷанозаи ӯ бо ҳузури хеле аз афроди калидии оилаи ҳукмрон, кормандони давлатӣ ва мақомоти расмӣ дар Тоҷикистон баргузор шуд.

Ин бародари хонум Азизмо Асадуллоева, ҳамсари Эмомалӣ Раҳмон ба мисли дигар бародаронаш низ ба тиҷорат машғул буд ва ӯ раҳбари ширкати “Нафтарасон”, яке аз ширкатҳои таъминкунандаи фаровардаҳои нафтӣ дар Тоҷикистон буд, ки ба хариду фурӯши маҳсулоти нафтӣ машғул аст.

Гуфта мешавад, Ҳусейн Асадуллозода, чанд муддат инҷониб дар бемористоне дар Теҳрон, пойтахти Ҷумҳурии исломии Эрон бистарӣ буд ва аз бемории қалб ранҷ мебурд, ва ба қавли “Радиои Озодӣ” вай шаби 11-уми декабри соли ҷорӣ дар бистари беморӣ вафот карда буд. Ҷасади ӯро дирӯз ба Тоҷикистон интиқол дода, субҳи имрӯз ба хок супориданд.

Афзоиши 40% гардиши молу тиҷорат байни Тоҷикистону Швейтсария

Аз ҷониби
AZDA TV
-
0

Дар Душанбе вазири рушди иқтисод ва савдои кишвар бо намояндагони Швейтсария масъалаи ҳамкории тиҷоратӣ байни ду кишварро баррасӣ карданд.

Ба иттилои Вазорати рушди иқтисод ва савдои Тоҷикистон хабар медиҳад, рӯзи 9-уми декабри соли ҷорӣ Завқӣ Завқизода вазири ин ниҳод бо Сафири Швейтсария дар Тоҷикистон, ки қароргоҳаш дар Остона аст, Давид Грихтинг мулоқот кард.

Гуфта мешавад, дар 10 моҳи соли 2022 ҳаҷми тиҷорати молу коло байни кишварҳои Тоҷикистону Швейтсария ба 285, 4 млн доллар расидааст, ки ин нишондиҳанда соли 2021 39,5 фоиз афзоиш ёфтааст.

“Ҷонибҳо ҳамчунин масъалаҳои муҳими низоми тиҷорат ва иқтисоди ҳарду кишвар, бахусус бамаротиб зиёд кардани гардиши савдо миёни Ҷумҳурии Тоҷикистон ва Конфедератсияи Швейтсария ва дигар масъалаҳои муҳими ҳамкории тиҷоративу иқтисодӣ ва сармоягузориро муҳокима карданд.”, омадааст дар хабар.

Ҳамзамон дар ин нишаст ҷониби Тоҷикистон ба ҷониби Швейтсария пешниҳод намуда, ки ба лоиҳаҳои бузург ва стратегии Тоҷикистон, аз ҷумла “таъсиси корхонаҳои муштараки нассоҷӣ, истеҳсоли маҳсулот аз алюминий, коркарди маҳсулоти кишоварзӣ” сармоягузорӣ кунанд.

Ҳамзамон худи ҳамон рӯз Вазорати рушди иқтисод ва савдои Тоҷикистон хабар дод, ки мулоқоти Завқизода Завқӣ Амин бо Роҳбари ҳайти расмии Иттиҳоди Аврупо, Мушовири Директори генералии Комиссияи Иттиҳоди Аврупо оид ба савдо хонум Эва Синоветс баргузор гардид.

Дар мулоқот бо намояндаи Аврпуо низ таъкид шуда, ки тиҷорати Тоҷикистон бо ИА дар 10 моҳи соли 2022 14,1 % афзоиш ёфт. Иттиҳоди Аврупо барои иҷрои ҳадафҳои рушди Тоҷикистон лоиҳаҳоро дар соҳаҳои иқтисодию иҷтимоӣ дастгирӣ менамояд.

Дар ин мулоқот хонум Эва Синоветс иброз дошта, ки масъалаи “яктарафа озод намудани пардохти боҷҳои гумрукӣ нисбати молу маҳсулоти истеҳсолнамудаи Тоҷикистон”-ро муҳокимаҳо хоҳад кард.

1...327328329...743саҳифаи 328 аз 743

Дар бораи мо

АЗДО ТВ бо ҳадафи рушди озодии баён, нашри арзишҳои демократӣ, риояи гуногунандешӣ ва додани минбари озод барои тамоми қишрҳои ҷомеа рӯйи кор омадааст. Тарҳ аз ҷониби Фонди (NED) сармоягузорӣ мешавад. Мо дар фаъолияти расонаии худ пойбанди меъёрҳои байналмилалӣ ва ахлоқи журналистӣ ҳастем. Бознашри матолиби АЗДО ТВ бо зикри манбаъ иҷозат дода мешавад. Шиори мо: Озодии расона зербинои ҷомеаи демократист!

Dushanbe
overcast clouds
14.1 ° C
14.1 °
14.1 °
88 %
3kmh
100 %
Thu
14 °
Fri
15 °
Sat
19 °
Sun
23 °
Mon
26 °

© 2023 АЗДО ТВ шабакаи хабаррасонӣ ва таҳлилӣ мебошад - Ҳамаи ҳуқуқ маҳфуз аст