Истеъфои Жээнбековро сарвазири нав Содир Жапаров хостааст. Жапаров як рӯз пеш бо Жээнбеков мулоқот карда буд, аммо Сооронбой Жээнбеков аз тарки вазифа худдорӣ кард.
Прокуратураи генералии ҶТ нисбати Муҳаммадиқболи Садриддин муассиси пойгоҳи интернетии “Ислоҳ”, бо иттиҳоми қаллобӣ парвандаи ҷиноятӣ боз карда, ӯро дар кофтукоб қарор додааст. Дар ин бора дар сомонаи расмии прокуратураи генералӣ хабар дода шудааст.
Муҳаммадиқболи Садриддин, ки феълан дар Аврупо қарор дорад, ба он айбдор мешавад, ки соли 2010 вақте дар Дубай қарор дошт, бо ваъдаи 10%-12% даромад аз Кабутов. Н, Холов С ва Қаюмов Н 430 ҳазор$-ро гирифта дигар барнагардондааст.
Ба навиштаи сомонаи расмии прокуратураи генаралӣ ба ин ниҳод шаҳрвандоне бо номи Неъматулло Кабутов, Сиёвуш Холов ва Носиҳиддин Қаюмов аз “кирдорҳои қаллобии шаҳрванди Ҷумҳурии Тоҷикистон Муҳаммадиқбол Садуридинов, зодаи шаҳри Бохтари вилояти Хатлон, соли таваллудаш 15-уми майи соли 1978” шикоят бурдаанд.
Аммо то ҳол Муҳаммадиқболи Садриддин расман дар ин бора ҷавобе нагардондааст. Муҳаммадиқбол Садриддин яке аз мухолифони Ҳукумати Тоҷикистон ба ҳисоб меравад ва дар ин авохир суханрониҳои худро ба шакли видеоӣ ва онлайнӣ роҳандозӣ кардааст.
Вазорати Энергетикаи Қазоқистон бо дастури як фармон содироти газ аз ин кишварро бо мошинҳо то се соли дигар тамдид кард. Чунин фармон аз ин вазорат соли 2017 барои се сол имзо гардида буд, ки акнун ба поён расид. Ва боз барои се соли дигар тамдид шуд.
Пас аз роҳандозии тадбирҳо дар соли 2017 вазъи таъминоти бозори дохилӣ бо гази моеъ ба эътидол омада, аз мақомоти дахлдор доир ба далелҳои кӯшиши содироти он ба хориҷи кишвар маълумот нарасидааст, омадааст дар хабар.
Ҳамчунин зикр гардидааст, ки “Фармони мазкур ҷиҳати роҳ надодан ба содироти ғайриқонунии гази моеъ ба хориҷи кишвар ва пешгирии камбуди он дар бозори дохилӣ дар робита ба фарқияти зиёди нархҳои тасдиқшудаи содиротӣ ва дохилӣ равона шудааст”.
Тибқи оморҳои интишор гардида, асосан гази моеъ ба Тоҷикистон (ҳудуди 93% аз ҳаҷми умумӣ) аз Қазоқистон варид мегардад, аз Ӯзбекистон (наздики 6%) ва Русия (тақрибан 1%) оварда мешавад.
Дар Тоҷикистон беш аз 60% моликони автомашинаҳо аз ин навъи сӯзишворӣ истифода мекунанд, дар моҳи майи соли равон дар нуқтаҳои сӯзишворӣ нархи гази моеъ 2,50 сомониро ташкил медод, аммо дар миёнаҳои моҳи август якбора ба 4,70 расид.
Моҳи июли соли равон Хадамоти зиддиинҳисории назди ҳукумати Тоҷикистон ба хотири боло рафтани нархи гази моеъ дар ширкатҳои воридкунандаи газ санҷиш гузаронида буд, маълум гардид, ки ширкатҳо бе сабаб нархи газро боло бардоштаанд. Қонуншиканон ба маблағи умумии 1,1 млн сомонӣ ҷарима шуданд, ки аз ҷониби Хадамоти зиддиинҳисорӣ ба буҷети ҷумҳуриявӣ равона шудааст.
Баъд аз гузаронидани санҷиш арзиши гази моеъ ба ҳисоби миёна аз 4,7 сомонӣ (барои 1 литр) дар нимаи моҳи август то ба 4,3 сомонӣ ба аввали моҳи сентябр поин рафт.
Агар ин амалҳо дар маърази ом ё бо истифода аз воситаҳои ахбори омма содир шуда бошанд, ҳаҷми ҷарима аз 50 то 100 нишондиҳандаи ҳисоб (1 нишондиҳанда – 58 сомонӣ) ва муҳлати ҳабси маъмурӣ аз 5 то 10 шабонарӯзро ташкил медиҳад, гуфтааст, вазири Адлия.
Пеш аз тайғиру иловаҳо ба кодекси ҳуқувайронкунии маъмурӣ ба шаҳрвандон ҷазои маҳрумият аз озодӣ ба муҳлати то 5 сол таҳдид мекард.
Вазир қайд кард, ки агар шахсоне, ки барои амалҳои дар боло зикршуда ба ҷавобгарии маъмурӣ ҷалб шуда бошанду дар муддати як соли пас аз ҷазо гирифтан такроран онҳоро содир намоянд, ба ҷавобгарии ҷиноятӣ кашида шуда, ба муҳлати аз 2 то 5 сол аз озодӣ маҳрум шуда метавонанд.
Ин дар ҳолест, ки дар Тоҷикистон яке аз мушкилиҳои печидаи то ҳол ҳал нагардида маҳалгароӣ гуфта мешавад, ки ба як вабои бедаво табдил ёфтааст.
Дар ҳамин ҳол Нури Туркел раиси комиссия Иёлоти Муттаҳидаи Амрико дар умури озодиҳои динии байналмиллӣ аз ин тасмими Тоҷикситон истиқбол карда, дар твиттераш чунин навиштааст: “Ман аз тасмими Тоҷикистон дар умури коҳиши муҷозотҳои марбут ба “душманӣ ва адоват” ва “инҳисор”, ки гуфтори мазҳабиро ҷурму ҷиноят талаққӣ мекунад, истиқбол мекунам ва аз Ҳукумат даъват менамоям, ки дар умури озодиҳои динӣ ба ислоҳоти бештаре даст бизанад”.
Аз номи раиси Бонки миллии Фаронса дар Твиттер дар бораи масдуд шудани суратҳисоби бонкии духтари раисҷумуҳри Тоҷикистон Эмомалӣ Раҳмон, роҳбари Дастгоҳи Призеднт Озода Раҳмон хабар нашр шудааст.
Франсуа Вийруа де Гало (François Villeroy de Galhau) рӯзи 4 октябри ҳамин сол дар саҳифаи твиеттериаш навишта, ки “Бо дархости додгоҳи Дезано, суратҳисоби бонкии Озода Раҳмон, раҳбари Дастгоҳ ва духтари президенти Тоҷикистон, ба иттиҳоми пулшӯӣ масдуд шуд. Дар нишондоди бонк омада, ки аз соли 2019 то 2020 ба суратҳисоби ӯ зиёда аз 5 миллиард доллар ворид ва хориҷ мешавад”.
Таҳқиқи “Аздо ТВ” нишон дод, ки дар ҳақиқат François Villeroy de Galhau Раиси бонки миллии Фаронса мебошад. Ҳисобе, ки бо номи ӯ дар Твиттер мавҷуд аст ҳанӯз аз соли 2013 боз шуда, вале аз 31 август фаъол будааст. Дар он аз фаъолятҳои ҷаноби Франсис 38 мароиба матлабҳо нашр шудааст. Аммо маълум нест, ки ин Твиттер ҳақиқӣ аст ё ҷаълӣ. Таҳқиқи “Аздо ТВ” барои дурустсанҷии ин хабар идома дорад. Масъулони ин бонк дар тамоси телефонӣ ба “Аздо ТВ” гуфтанд, ки наметавонанд дар ин бора телефонӣ маълумоти бештаре бидиҳанд ва гуфтанд, ба сухангӯи бонк муроҷиат кунед.
A la demande de Desagneaux,huissier de justice,le compte bancaire d’Ozoda Rahmon,chef d'Etat-Majeur et fille du président tadjik,a été bloqué suite au blanchiment d’argent. Un relevé bancaire montre que plus de 5 milliards dollars entrent et sortent de son compte de 2019 à 2020. pic.twitter.com/K431cM0XCG
— François Villeroy de Galhau (@FrancoisGalhau) October 4, 2020
Ҳамзамон мо ба уновони котиби матбуотии Президенти Тоҷикистон Шарифзода Абдуфаттоҳ мактуб фиристодем. Дар сурати посухи сухангӯи ин бонк ба мактуби мо, онро ҳатман нашр хоҳем кард. Ин ҳисоби твиттериро бештар аз 600 нафар думболагирӣ мекунад. Додгоҳи Дезано дар шаҳри Порис мавҷуд аст. Аммо ин хабар дар ҷои дигаре ғайр аз ҳамин ҳисоби твиттерӣ пайдо нашуд.
