ВКД 100 ҳазор сомонӣ мукофот медиҳад

Аз ҷониби

-

16/07/2024

Вазорати корҳои дохилии Тоҷикистон барои пайдо кардани як нафар гумонбар ба ҷиноят дар пойтахт аз мардум кумак хостааст.

Бино ба иттилои расмӣ, Вазорати корҳои дохилии Тоҷикистон барои пайдо кардани як нафар гумонбаре, ки моҳи январи соли 2024 Беков Зиёвуддин, ронандаи таксиеро дар шаҳри Душанбе зада маҷрӯҳ карда буд, эълони мукофот кардааст.

Ба қавли манбаъ, Раёсати Вазорати корҳои дохилӣ дар шаҳри Душанбе таъкид кардааст, ки “барои муайян ва дастгир намудани гумонбари ҷинояти қасдан расонидани зарари вазнин ба саломатӣ, ки 15-уми январи соли 2024 дар кӯчаи Яккачинори шаҳри Душанбе содир шуда, боиси ҷароҳат бардоштани ронандаи таксӣ-Беков Зиёвиддин радид, ба шахси ба мақомоти милитсия мусоидаткунанда, 100 ҳазор сомонӣ мукофотпулӣ дода мешавад”.

Гуфта мешавад, ин кумакхоҳии Вазорати корҳои дохилии Тоҷикистон дар ҳоле садо медиҳад, ки тайи чанд соли ахир мақомоти корҳои дохилӣ бо иттиҳомоти дурӯғин ва фактҳои ғайривоқеӣ алайҳи ҳазорҳо нафар аз шаҳрвандони кишвар парванда сохта, дар ҳамкорӣ бо судҳо онҳоро ба муддатҳои тӯлонӣ равонаи зиндон кардаанд. Эътимоди мардум ба милисаро дар Тоҷикистон ҳам ана ҳамин хел парвандасозиҳои дурӯғин кам кардааст.

ҲИИТ: Баргузории анҷумани ғайринавбатӣ

Аз ҷониби

AZDA TV-2

-

16/07/2024

0

Ҳизби ислоҳоти иқтисодии Тоҷикистон (ҲИИТ) баргузории аҷумани ғайринавбатии худро эълон кардааст.

Бино ба иттилои расмӣ, 20-уми июли соли 2024, Ҳизби ислоҳоти иқтисодии Тоҷикистон анҷумани ғайринавбатии худро дар шаҳри Душанбе баргузор мекунад.

Ба қавли манбаъ, анҷумани ин ҳизб дар маҷлисгоҳи бинои марказии Донишгоҳи слвянии Русияву Тоҷикистон гузаронида мешавад. Бо вуҷуди он, ки пештар раҳбарони ҲИИТ ба расонаҳо гуфта буданд, ки масъалаи барканории раис дар ин ҷаласа матраҳ нест, аммо бархе коршиносон мегӯянд, ҳанӯз маълум нест, кӣ аз раёсати ин ҳизб мераваду киҳо мемонанд.

Ҳамзамон дар назар аст, ки дар рафти ин анҷуман ҳисоботи солонаи раиси фраксияи Ҳизб дар Маҷлиси намояндагони Маҷлиси Олии Ҷумҳурии Тоҷикистон, ҳисоботи роҳбарони минтақавии ҳизб ва дигар масъалаҳо барсӣ шавад.

Инчунин, дирӯз Ҳизби Сотсиалитии Тоҷикистон низ аз баргузории анҷумани ғайри навбати худ хабар дода буд. Як манбаъ ба “Азия-Плюс” гуфта аст, ки раиси ин Ҳизб Абдуҳалим Ғаффоров ва муовинаш аз мақоми худ барканор карда мешавад.

Анҷумани ғайринавбатии ин ҳизбҳо, ки маъруф ба ҳибҳои кисагӣ ҳастанд, дар ҳоле баргузор мешаванд, ки ду моҳ пеш аз ин гурӯҳе аз дохили Ҳизби демократи Тоҷикистон бо баргузории як анҷуман собиқ раиси ин ҳизбро аз вазифа барканор карда буд.

Сайҷаъфар Усмонзода, раиси пешини демократҳои Тоҷикистон он Анҷуманро “ғайриқонунӣ” номида буд. Аммо, касе дар Вазорати адлия гапи ӯро гӯш накард. Сипас Юсуф Раҳмон, Прокурори генералӣ ӯро бо иттиҳоми қасди табаддулоти давлатӣ боздошт ва зиндонӣ кард.

Аксари коршиносони масоили сиёси боздошти Сайҷаъфар Усмонзода ва баргузори анҷуманҳои ғайринавбати ҳизбҳои “кисагӣ”-ро нишонаҳое аз наздик шудани интиқоли қудрат аз падар ба писар унвон мекунанд.

Изҳори сипоси Туркия аз Тоҷикистон

Аз ҷониби

AZDA TV-2

-

16/07/2024

0

Сафири Туркия барои пароканда кардани пайравони Фатулло Гюлен, ҷараёни мухолифи Раҷаб Таййиб Ардуғон дар Тоҷикистон аз мақомоти кишвар сипосгузорӣ кардааст.

15-уми июли соли 2024, Умут Аҷар, сафири Туркия дар Тоҷикистон бо нашри як матлаби муфассал дар бораи ҳодисаҳои хунини Туркия дар соли 2016 ва пароканда кардани ҷонибдорони аршади Фатулло Гюлен, раҳбари ФЕТО дар Тоҷикистон аз мақомоти Душанбе сипосгузорӣ кардааст.

Сафири Туркия таъкид кардааст: “Мехоҳам ба Президент Раҳмон ва давлати Тоҷикистон барои ҳамкорӣ ва ҳамбастагии Тоҷикистон бо кишвари мо дар мубориза бо ФЕТО изҳори сипос намоям.”

Ин изҳори сипоси сафири Туркия аз Эмомалӣ Раҳон ва мақомоти Тоҷикистон дар ҳоле нашр шуда, ки чанд соат пештар аз нашри ин матлаб, субҳи дирӯз, муовини якуми вазири корҳои хориҷии Тоҷикистон ӯро ба ҳузур пазируфта, дар бораи ҳамкориҳои ду кишвар “дар доираи созмонҳои байналмилалӣ ва минтақавӣ” суҳбат карда буд.

Ин дар ҳолест, ки чанд рӯз қабл як гурӯҳ аз мусалмонони турк дар назди консулгарии Тоҷикистон дар Истанбул тазоҳурот карда буданд. Дар видеое, ки нашр шуда буд, дида мешуд як гурӯҳ аз шаҳрвандони турк зоҳиран дар назди консулгарии Тоҷикистон чамъ шуда, ва шиорхои “УМАТИ ИСЛОМ ЗАЛОЛАТРО ҚАБУЛ НАДОРАД”, ва “ҲАРАКАТИ ИСЛОМӢ МАНЪ КАРДА НАМЕШАВАД” шунида мешуд.

Инчунин Анҷумани олимони мусалмон (мақарраш дар Истанбул), бо нашри як изҳороти расмӣ манъи ҳиҷоби бонувон дар Тоҷикистонро маҳкум ва қарори ҳукумати Тоҷикистонро дар ин робита “мухолафати сареҳ бо шариати исломӣ” дониста, таъкид карда буд, ки мақомоти тоҷик бояд ин қарори худро бекор кунанд.

Гуфта мешавад, сарони Туркия ва Тоҷикистон мисли хеле аз кишварҳои дигари дунё, ҳар ду бархе мухолифони худро “террорист” эълон карда, бо тамоми талош алайҳи онҳо мубориза бурда, онҳоро ба халалдор кардани суботи ҷомеа ва амнияти шаҳрвандон айбдор мекунанд.

Аз сӯи дигар, мухолифони онҳо ҳам Раҷаб Таййиб Ардуғон ва ҳам Эмомалӣ Раҳмонро, яке зиёда аз 20 сол ва дуввумӣ беш аз седаҳсола сари қудрат ҳастанд, раҳбарони золим ва “диктатор” дониста, барои барканории онҳо аз қудрат талош доранд.

Ихроҷи беш аз 110 ҳазор муҳоҷир аз Русия

Аз ҷониби

AZDA TV-2

-

16/07/2024

0

Вазорати корҳои дохилии Русия гуфтааст, ки соли гузашта зиёда аз 110 ҳазор нафар бо сабаби қоидавайрокуниҳои гуногун аз ин кишвар ихроҷ шудаанд.

Бино ба иттилои расонаҳои Русия, мақомоти ин кишвар соли гузашта 110 ҳазор нафар аз шаҳрвандони хориҷиро барои вайрон кардани қоидаҳо аз ин кишвар ихроҷ кардаанд. Ин рақам нисбат ба солҳои гузашта қариб ду баробар зиёдтар аст.

Ирина Волк, намояндаи расмии Вазорати корҳои дохилии Русия гуфтааст, ки дар ин давраи ҳисоботӣ шумораи муҳоҷироне, ки ҷиноят содир кардаанд, 3,7 фоиз камтар шуда буд. Аммо, агар дар соли 2023 дар умум беш аз 2 миллион протоколҳои маъмурӣ нисбат ба қоидавайрокуниҳои муҳоҷирон сабт шуда бошад, дар нимаи аввали соли ҷорӣ алакай ин рақам ба 1,7 миллон адад расидааст.

Ба гуфтаи ӯ, “дар ҷараёни чорабиниҳои санҷишии ВКД Русия зиёда аз 6 ҳазор нафар ошкор гардиданд, ки дар муҳлати муқарраршуда сабти дактилоскопӣ, аксбардорӣ ва муоинаи тиббиро нагузаштаанд, нисбати онҳо чораҳое андешида шуданд, ки ба хориҷ кардани онҳо аз ҳудуди Федератсияи Русия нигаронида шудаанд”.

Гуфта мешавад, дар соли 2023 тибқи дархостҳои шаҳрвандони Озарбойҷон, Молдова, Тоҷикистон ва Ӯзбекистон зиёда аз 2 миллион патент барои кор, 120 ҳазор иҷозатнома барои кор ба шаҳрвандоне, ки бо раводид омадаанд, инчунин ба ҳисобгирии муваққатии 1,3 миллион шаҳрвандони Арманистон, Белоруссия, Қазоқистон ва Қирғизистон, ки барои кор омадаанд, расман сабт шудааст.

Ин дар ҳолест, ки Думаи давлатии Русия лоиҳаи тағйиру иловаҳо ба қонунгузорӣ дар бахши муҳоҷиратро низ айни замон рӯи даст дорад, ки агар ин ҳама тағйиру иловаҳои нав пазируфта шаванд, шароити буду бош дар Русия барои муҳоҷирон душвортар ва ҷазо барои касоне, ки даст ба қонуншиканӣ ва ё қоидавайрокунӣ мезананд, низ сахтар мешавад.

Даргузашти генерал Ғайрат Адҳамов

Аз ҷониби

AZDA TV-2

-

15/07/2024

0

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Имрӯз, 15-уми июли соли 2024 генерал Ғайрат Адҳамов, собиқ муовини якуми вазири мудофиаи Тоҷикистон дар бистари беморӣ аз олам чашм пӯшидааст.

Генерал Ғайрат Адҳамов, ки яке аз қумондонҳои Иттиҳоди нерӯҳои оппозитсиюни тоҷик ва аз дӯстони раиси Ҳизби наҳзати исломии Тоҷикистон Муҳиддин Кабирӣ буд, даргузашти ӯро ҳамчун як ҷавонмарди пойбанд ба аҳду паймон ва арзишҳои худ тасаллият гуфтааст.

Муҳиддин Кабирӣ, раҳбари Паймони Миллии Тоҷикистон дар як паёми савтӣ, даргузашти ӯро ба ҳама фаъолони мухолифони ҳукумати Эмомалӣ Раҳмон, аҳли оила, фарзандон ва наздикону пайвандонаш тасаллият гуфта, таъкид кардааст, “вай як фарзанди асили миллат ва муҷоҳиди воқеӣ” буд.

Гуфта мешавад, генерал Ғайрат Адҳамов пас аз имзои Созишномаи умумии истиқрори сулҳ ва ризоиятӣ миллӣ дар соли 1999 аз ҳисоби афроди 30%-и Иттиҳоди нерӯҳои оппозитсиюни тоҷик дар ҳукумати Эмомалӣ Раҳмон ба вазифаи муовини якуми вазири мудофиаи Тоҷикистон таъйин карда шуд.

Вай дар соли 2006 як зина аз мақоми худ пойинтар рафта, дар вазифаи муовини вазири дифоъ ба муддати 8 соли дигар дар ин вазорат кор карда буд. Соли 2014 бо сабаби ба синни нафақа расидан аз вазифа барканор ва бознишаста шуд.

Шикасти Инглистон дар муқобили Испониё

Аз ҷониби

AZDA TV-2

-

15/07/2024

0

Мунтахаби миллии футболи Испониё дар муқобили тими миллии Инглистон пирӯз шуд.

Шоми 14-уми июни соли 2024 дар даври ниҳоии Ҷоми Аврупо-2024 дастаи мунтахаби миллии футболи Испониё бо ҳисоби 2:1 тими миллии Инглистонро шикаст дод.

Ин бозӣ бо ҳузури даҳҳо ҳазор тамошобин дар яке аз бугузургтарин варзишгоҳҳои Олмон дар шаҳри Берлин баргузор шуд. Бархе мақомоти олии кишварҳои аврпоӣ аз ҷамъи тамошобинони асосии ин бозӣ буданд.

Испониё тавонист дар нимаи аввали ин бозӣ голи нахустро ба дарвозаи мунтахаби миллии футболи ҳарифи худ-Инглистон ворид кунад. Сипас дар оғози нимаи дувум Инглистон ҳам муваффақ шуд, ки 1 гол бизанад.

Гуфта мешавад, бозӣ замоне ҷолиб ва бештар диданӣ шуд, ки хелеҳо интизор надоштанд Испониё метавонад, ки як бори дигар ҳам дарвозаи ҳарифро рахна карда, тӯпи дуюмро ворид мекунад ва соҳиби Ҷоми Евро-2024 мегардад.

Раиси Ҳизби сотсиалистиро ҳам аз вазифа барканор кардан мехоҳанд

Аз ҷониби

AZDA TV-2

-

15/07/2024

0

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани ғайринавбатии ин ҳизб раис ва муовинонаш аз мансаб барканор хоҳанд шуд.

Бино ба иттилои хабаргузории Азия-Плюс, 23-уми июли соли 2024 Анҷумани ғайринавбатии Ҳизби сотсиалистии Тоҷикистон дар шаҳри Душанбе баргузор карда мешавад.

Ба қавли манбаъ, собиқ номзад ба мақоми президентӣ Абдуҳалим Ғаффоров, раиси Ҳизби сотсиалистии Тоҷикистон хабари барканор шуданаши худро дар ин Анҷуман тасдиқ кардааст.

Анҷумани ғайринавбатии Ҳизби сотсиалистии Тоҷикистон дар ҳоле баргузор мешавад, ки ду моҳ пеш аз ин гурӯҳе аз дохили Ҳизби демократи Тоҷикистон бо баргузории як анҷуман собиқ раиси ин ҳизбро аз вазифа барканор карда буданд. Сайҷаъфар Усмонзода, раиси пешини демократҳои Тоҷикистон он Анҷуманро “ғайриқонунӣ” номида буд. Аммо, касе дар Вазорати адлия гапи ӯро гӯш накард. Сипас Юсуф Раҳмон, Прокурори генералӣ ӯро бо иттиҳоми қасди табаддулоти давлатӣ боздошт ва зиндонӣ кард.

Гуфта мешавад, Абдуҳалим Ғаффорови 73-сола дар се давра, соли 2006, 2013 ва 2020 номзад ба мақоми президентӣ аз аз Ҳизби сотсиалистии Тоҷикистон буд. Аксар коршиносон, сиёсатмадорон ва фаъолони мадании тоҷик Ҳизби сотсиалистии Тоҷикистон бо раҳбарии Абдуҳалим Ғаффоровро як ҳизби “кисагӣ”-и ҳукумати Эмомалӣ Раҳмон медонанд. Аммо ҳоло, ин суол хеле аз коршиносони тоҷикро беқарор кардааст, ки чӣ сарнавиште пас аз барканор аз мақоми раисӣ ӯро интизор хоҳад буд?

Эълони мукофотҳо барои иштирокчиёни бозиҳои олимпӣ

Аз ҷониби

AZDA TV-2

-

15/07/2024

0

Дар бозиҳои тобистонаи олимпӣ-2024 дар шаҳри Парижи Фаронса 14 нафар аз Тоҷикистон иштирок мекунад.

Бино ба иттилои расонаҳо, мақомоти расмӣ дар Тоҷикистон эълон кардаанд, ки барои ҳар як нафар аз медаловарони бозиҳои тобистонаи олимпӣ дар шаҳри Парижи Фаронса то 300 ҳазор сомонӣ ва як хона дар биноҳои баландошёна дар шаҳри Душанбе тақдим карда мешавад.

Ба ин тартиб барои шахсоне, ки дар ин бозиҳо ғолиб омада, медали тило ба Тоҷикистон меоранд, 300 ҳазор сомонӣ ва як хонаи сеҳуҷрагӣ, барои касоне, ки соҳиби медали нуқра мешаванд, 250 ҳазор сомонӣ ва як хонаи дуҳуҷрагӣ ва барои онҳое, ки сазовори ҷои сеюм шуда, соҳиби медали биринҷӣ мешаванд, 200 ҳазор сомонӣ ва як хонаи якҳуҷрагӣ тақдим карда мешавад.

Имсол дар бозиҳои тобистонаи олимпӣ дар шаҳри Париж Темур Раҳимов, варзишгари шинохтаи кишвар парчамбардори ҳайъати варзишгарони Тоҷикистон интихоб шудааст. Ин ҳайъат аз 14 нафар иборат буда, 6 нафар ҷудокор, 3 муштзан, 2 шиновар, ва боқӣ 1 нафар дар риштаи теквондо, 1 нафар гӯштии озод ва 1 каси дигар щам дар риштаи давидан бо ҳамтоёни худ рақобат мекунанд.

Гуфта мешавад, бозиҳои тобистонаи олимпӣ ба муддати 2 ҳафта, аз 26-уми июл то 11-уми августи соли ҷорӣ дар шаҳри Париж, пойтахти Фаронса баргузор мешаванд. Дар назар аст, ки дар ин бозиҳо 10 ҳазору 500 нафар варзишкор аз 206 кишвари дунё ширкат кунанд.

Баррасии ҳамкориҳои Тоҷикистон ва Туркия

Аз ҷониби

AZDA TV-2

-

15/07/2024

0

Мақомоти олии Тоҷикистон ва Туркия дар бораи наҳваи ҳамкориҳои худ суҳбат карданд.

Бино ба иттилои расмӣ, имрӯз, 15-уми июли соли 2024 Исматулло Насредин, муовини якуми вазири корҳои хориҷии Тоҷикистон бо Умумт Аҷар, сафири фавқулода ва мухтори Туркия дар Тоҷикистон мулоқот кардааст.

Вазорати корҳои хориҷии Тоҷикистон бидуни ироаи ҷузъиёти ин мулоқот гуфтааст, ки ҷонибҳо дар вақти ин дидор дар бораи “муносибатҳои Тоҷикистону Туркия дар доираи созмонҳои байналмилалӣ ва минтақавӣ” гап заданд.

Мулоқоти сафири Туркия бо муовини якуми вазири корҳои хориҷии Тоҷикистон дар шаҳри Душанбе дар ҳоле баргузор шудааст, ки ахиран садоҳои эътирозӣ алайҳи сиёсатҳои ҳукумати Тоҷикистон дар робита бо маҳдуд кардани озодиҳои динӣ алайҳи мусалмонон, ва бахусус манъ кардани пӯшишҳои мазҳабӣ, хариду фурӯш, воридоту содирот ва ҳар гуна таблиғи онҳо дар дохили кишвар манъ шуда, ин амр вокунишҳои мухталиферо низ аз Туркия алайҳи Тоҷикистон ба бор овардааст. Коре, ки мақомоти Тоҷикистонро хеле нороҳат кардааст.

Гуфта мешавад, чанд рӯз қабл як гурӯҳ аз мусалмонони турк дар назди консулгарии Тоҷикистон дар Истанбул тазоҳурот карда буданд. Дар видеое, ки нашр шуда буд, дида мешуд як гурӯҳ аз шаҳрвандони турк зоҳиран дар назди консулгарии Тоҷикистон чамъ шуда, ва шиорхои “УМАТИ ИСЛОМ ЗАЛОЛАТРО ҚАБУЛ НАДОРАД”, ва “ҲАРАКАТИ ИСЛОМӢ МАНЪ КАРДА НАМЕШАВАД” шунида мешуд.

Инчунин Анҷумани олимони мусалмон (мақарраш дар Истанбул), бо нашри як изҳороти расмӣ манъи ҳиҷоби бонувон дар Тоҷикистонро маҳкум ва қарори ҳукумати Тоҷикистонро дар ин робита “мухолафати сареҳ бо шариати исломӣ” дониста, таъкид карда буд, ки мақомоти тоҷик бояд ин қарори худро бекор кунанд.

Чин дар Тоҷикистон нерӯгоҳи офтобӣ сохтанист

Аз ҷониби

AZDA TV-2

-

15/07/2024

0

Як ширкати чинӣ гуфта, ки қасд дорад барои тавлиди нерӯи барқ дар вилояти Суғд нерӯгоҳи офтобӣ бисозад.

Бино ба иттилои расмӣ, 15-уми июли соли 2024, раҳбари минтақавии ширкати “Чайна Датанг” (China Datang) эълон кардааст, ки ин ширкат қасд дорад дар вилояти Суғди Тоҷикистон нерӯгоҳи бақии офтобӣ бисозад.

Ба қавли манбаъ, Раиси вилояти Суғд Раҷаббой Аҳмадзода ва директори генералии корпоратсияи чинии «China Datang» дар Осиёи Марказӣ Ван Хао дар шаҳри Хуҷанд мулоқот карда, ҷонибҳо дар бораи ба роҳ мондани ҳамкориҳои худ суҳбат кардаанд.

Дар рафти мулоқот раҳбари ин ширкати чинӣ гуфта, дар Узбекистон нерӯгоҳи офтобӣ сохтаанд ва ҳоло ширкат “нақша дорад, ки дар вилояти Суғд низ неругоҳи офтобиро ташкил карда, то 500 мегаватт неруи барқ истеҳсол намояд.”

Пеш аз ин масъулини ин ширкат дар мулоқот бо раиси вилояти Хатлон низ гуфта буданд, ин ширкат “нақша дорад, ки дар вилояти Хатлон корхонаи саноатии батареяҳои офтобиро, ки энергияи тоза истеҳсол мекунанд, таъсис диҳад.”

Гуфта мешавад, ширкати «China Datang» соли 2002 таъсис ёфта, дар ҳоли ҳозир яке аз бузургтарин таъминкунандагони неруи барқ дар Чин аст. Намояндагиҳои ин ширкат дар беш аз 10 кишвар, аз ҷумла Камбоҷа, Лаос, Сингапур, Индонезия ва Узбекистон ҳам фаъолият мекунанд.

ШАБАКАИ ХАБАРРАСОНӢ ВА ТАҲЛИЛӢ

ВКД 100 ҳазор сомонӣ мукофот медиҳад

ҲИИТ: Баргузории анҷумани ғайринавбатӣ

Изҳори сипоси Туркия аз Тоҷикистон

Ихроҷи беш аз 110 ҳазор муҳоҷир аз Русия

Даргузашти генерал Ғайрат Адҳамов

Шикасти Инглистон дар муқобили Испониё

Раиси Ҳизби сотсиалистиро ҳам аз вазифа барканор кардан мехоҳанд

Эълони мукофотҳо барои иштирокчиёни бозиҳои олимпӣ

Баррасии ҳамкориҳои Тоҷикистон ва Туркия

Чин дар Тоҷикистон нерӯгоҳи офтобӣ сохтанист

Дар бораи мо

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

<img class="tdb-logo-img td-retina-data" data-retina="https://azda.tv/wp-content/uploads/2023/05/AzdaTV_logo-RGB-PNG-transparent.png" src="//azda.tv/wp-content/uploads/2023/05/AzdaTV_logo-RGB-PNG-transparent.png" alt="Logo" title="" width="2237" height="450" />

Дар бораи мо