Ҷустуҷӯ кунед
Ҷустуҷӯ
3.9 C
Dushanbe
Хона блог саҳифа 51

Роҳбандон дар Душанбе

Аз ҷониби
AZDA TV-2
-
0

Вазорати корҳои дохилии аз оғози роҳбандон дар шаҳри Душанбе, пойтахти Тоҷикистон хабар дод.

Бино ба иттилои расмӣ, шуруъ аз имрӯз, 2-юми июли соли 2024 ҳаракати тамоми нақлиёти ҷамъиятӣ ва шахсӣ дар бархе хиёбонҳои марказии пойтахт маҳдуд карда мешавад.

Раёсати корҳои дохилии дар шаҳри Душанбе Тоҷикистон гуфтааст, ки “рӯзҳои 2-юм ва 6-уми июли соли 2024, дар шаҳри Душанбе ташрифи меҳмонони оилиқадр дар назар дошта шудааст.”

Ба қавли манбаъ, бо сабаби ҳузури меҳмонон дар пойтахт, аз имрӯз то рӯзи шанбе “дар кӯчаҳои Мастонгулов (фурӯдгоҳ), Аҳмади Дониш, Садриддин Айнӣ (Садбарг), хиёбони Абуабдуллоҳи Рӯдакӣ то кӯчаи Карамов, хиёбони Сомонӣ то назди беморхонаи «Шифобахш», кӯчаҳои Шириншоҳ Шоҳтемур ва Шероз маҳдудияти муваққатии ҳаракати воситаҳои нақлиёт ҷорӣ карда мешаванд.”

Ба гуфтаи бархе коршиносон, ҳар гуна маҳдудиятҳои ҳаркати нақлиёти шахсӣ ва ҷамъиятӣ, тез-тез бо баҳонаҳои мухталиф дар пойтахти кишвар ҷорӣ карда мешаванд, ки ин кор ҳам ба кисаи мардум зарба мезанад ва ҳам ба саломатии равонии онҳо зарар дорад. Бар илова, ин ҳама боиси танбашавии нақлиёти шахсӣ ва ҷамъиятӣ дар роҳҳо гардида, аз нигоҳи экологӣ низ таъсири бади худро ба муҳити зист ва ҷомеа мерасонад.

Гуфта мешавад, имрӯз, Сарвазири Покистон Муҳаммад Шаҳбоз Шариф ба Тоҷикистон сафар кардааст ва дар назар аст, ки рӯзҳои 5-6-уми моҳи ҷорӣ Си Ҷинпин, Президенти Чин бо даъвати Эмомалӣ Раҳмон барои иштирок дар маросими ифтитоҳи биноҳи ҳукумат ва парлумони Тоҷикистон бо маблағгузории Чин сохта шудаанд, вориди Душанбе шавад.

Сафари Сарвазири Покистон ба Тоҷикистон

Аз ҷониби
AZDA.TV
-
0

Сарвазири Ҷумҳурии исломии Покистон Шаҳбоз Шариф рӯзи 2-уми июл бо сафари расмӣ вориди Тоҷикистон шуд.

Ба иттилои дафтари матбуоти Президент, меҳмонро дар Фурудгоҳи байналмилалии шаҳри Душанбе Сарвазири Ҷумҳурии Тоҷикистон Қоҳир Расулзода ва дигар масъулони расмӣ пешвоз гирифтанд.

Сарвазири Покистон сафари расмиашро ба Душанбе бо гузоштани гулчанбар, бар пояи муҷассамаи Исмоили Сомонӣ дар майдони “Дӯстӣ”-и шаҳри Душанбе оғоз кард. Аммо маросими истиқболи расмии меҳмон дар майдони Қасри миллат бо ҳузури Эмомалӣ Раҳмон сурат гирифт.

Гуфта мешавад, зимни ин сафари расмӣ Шаҳбоз Шариф бо намояндагони давлатии кишвар, аз ҷумла бо раисҷумҳур Эмомалӣ Раҳмон, Сарвазир ва Раиси парлумони Тоҷикистон мулоқот намуда, ба имзо расидани санадҳои муҳими ҳамкории дуҷониба дар бахшҳои гуногун байни Тоҷикистон ва Покистон низ дар назар аст.

Тазоҳурот дар назди консулгарии Тоҷикистон дар Туркия

Аз ҷониби
AZDA-TV
-
0

Як зани тоҷикро барои доштани ҳиҷоб ба бинои консулгарии Тоҷикистон дар шаҳри Истамбули Туркия роҳ надодаанд.

Бино ба иттилои расонаҳои Туркия, ин зан шаҳрванди Тоҷикистон будааст, вале аз ӯ ном бурда нашудааст. Шоҳидони айнӣ гуфтаанд, ки дидаанд ин зан дар дохили масҷиде, ки дар назди консулгарии сафорати Тоҷикистон гиря мекард. Дертар маълум шуд, ки ӯро ба хотири ҳиҷоб доштанаш ба консулгарии Тоҷикистон роҳ надоданд.

Тибқи гузориши сомонаи “dailyummah”, ки ин хабарро нашр кардааст, як гурӯҳ аз мусалмонони турк дар назди консулгарии Тоҷикистон дар Истанбул тазоҳурот кардаанд. Дар видеое, ки дар ин сомона нашр шудааст, дида мешавад як гурӯҳ аз шаҳрвандони турк зоҳиран дар назди консулгарии Тоҷикистон чамъ шудаанд ва шиорхои “УМАТИ ИСЛОМ ЗАЛОЛАТРО ҚАБУЛ НАДОРАД” ҲАРАКАТИ ИСЛОМӢ МАНЪ КАРДА НАМЕШАВАД” шунида мешавад.

Ёдовар мешавем, ки пас аз ҷорӣ шудани қонуни манъи ҳиҷоб вокунишҳои зиёде аз дохил ва хориҷи кишвар сурат гирифт. Ахиран Иттиҳоди олимони мусалмон бо ирсоли номаи боз ба Эмомалӣ Раҳмон хостори бекор кардани қонуни зидди ҳиҷоб шуда буд.

Ва қабл аз онҳо низ Анҷумани олимони мусалмон (мақарраш дар Истанбул), дар мавриди манъи ҳиҷоб дар Тоҷикистон изҳорот пахш карда, зимни нашри он, манъи ҳиҷоби занон дар Тоҷикистонро маҳкум ва қарори ҳукумати Тоҷикистонро дар ин робита “мухолафати сареҳ бо шариати исломӣ” донист. Ин Анҷуман дар изҳороташ таъкид карда буд, ки мақомоти тоҷик бояд ин қарори худро бекор кунанд.

Президенти Чин ба Тоҷикистон сафар мекунад

Аз ҷониби
AZDA TV-2
-
0

Президенти Чин дар раъси як ҳайати расмии кишвараш бо сафари дурӯза ба Тоҷикистон меравад.

Бино ба иттилои расмӣ, Си Ҷинпин, Президенти Чин бо даъвати расмии Эмомалӣ Раҳмон, Президенти Тоҷикистон ба шаҳри Дашанбе сафар мекунад.

Вазорати корҳои хориҷии Тоҷикистон гуфтааст, ки Раиси Ҷумҳурии Мардумии Чин Си Ҷинпин бо сафари давлатӣ рӯзҳои 4-6 июли соли 2024 ба Ҷумҳурии Тоҷикистон сафар мекунад. 

Дар рафти ин сафар, мулоқотҳои сарони кишварҳо “дар шакли маҳдуд ва васеъ баргузор хоҳад шуд”. Инчунин дар назар аст, ки дар давоми ин ду рӯз Си Ҷинпин дар барномаҳои дигаре, аз ҷумла ифтитоҳи биноҳои нави парлумон ва Ҳукумати Тоҷикистон ҳам иштирок кунад. Корҳои сохтмонӣ ва барқарор кардани саҳни ҳавлӣ ва гулгаштҳо дар атрофи ин биноҳо ҳамоно идома дорад.

Гуфта мешавад, биноҳои навсохта парлумон ва Ҳукумати Тоҷикистон бо маблағгузории ҷониби Чин сохта шудаанд. Чин дар соли 2017 барои сохтмони ин ду бино ҳудуди 1,5 миллиард юан, муодили 220 миллион доллари амрикоӣ ҷудо карда буд. Ҳар дуи ин биноҳо дар маркази пойтахт сохта шудаанд.

Ҳукми зиндони Муҳаммадиқболи Садриддин ва Шарофиддин Гадоев дар Русия

Аз ҷониби
AZDA-TV
-
0

Додгоҳи Басмании шаҳри Маскав мухолифони тоҷик, Муҳаммадиқбол Садрддинов ва Шарофиддин Гадоевро дар ғайбашон ба зиндон маҳкум кард.

Бино ба иттилои расонаи русии “Mediazona”, мурофиаи додгоҳи ин мухолифони тоҷик дар охирҳои моҳи май баргузор шуда, нисбаташон бо бандҳои “б” ва “г”-и қисми 2 моддаи 207.3 Кодекси ҷиноии Русия, яъне “паҳн кардани маълумоти бардурӯғ дар бораи Қувваҳои мусаллаҳи Федератсияи Русия” парванда боз шудааст.

Сабаби боз шудани парванда нисбати Гадоев ва Садриддинов маълум нест, аммо ҳарду мухолифи режими Раҳмонов дар Русия дар пайгард қарор доранд.

Муҳаммадиқболи Садриддин, мудири пойгоҳи “Ислоҳ” буда, дар Фаронса зиндагӣ мекунад. Додситонии кулли Тоҷикистон нисбати ӯ бо иттҳоми қаллобӣ ба миқдори махсусан калон (қисми 4 моддаи 247 Кодекси ҷиноии Тоҷикистон) парванда боз карда, аз мақомоти Фаронса истирдоди ин мухолифро ба Душанбе талаб карда буд. Аммо Муҳаммадиқболи Садриддин иттиҳомро “беасос” хонда, онро интиқоми мақомоти тоҷик барои фаъолиятҳои сиёсиаш медонад.

Муҳаммадиқболи Садриддин, мудири пойгоҳи “Ислоҳ” дар суҳбат ба Azda.tv гуфт, ки дар бораи қазияи Украина, таҳлили ҷанг ё пешрафти артиши Украина зиёд суҳбат накардааст ва дар боз шудани парванда нисбаташ дар Русия мақомоти Тоҷикистон талош кардаанд ва мехоҳанд муҳоҷирони тоҷики дар Русия буда дигар бо ӯ ҳамкорӣ накунанд.

Мудири пойгоҳи “Ислоҳ” мегӯяд, ки қарори Додгоҳи Басманний ба фаъолияти ӯ таъсире надхоҳад расонд ва ба даъватҳояш барои нафиристодани тоҷикон ба ҷанги Украина идома хоҳад дод.

Аммо Шарофиддин Гадоев раҳбари Ҷунбиши ислоҳот ва рушд дар суҳбат бо Azda.tv гуфт, аз қасди мақомоти Русия барои боз кардани парванда бар зиддаш ҳанӯз моҳи августи соли 2023 хабар ёфта буд. Он замон кормандони Хадамоти амнияти федералии Русия (ФСБ) ҳамроҳ бо корманди шуъбаи маҳаллии Кумитаи давлатии амнияти миллии Тоҷикистон ба манзили Шарофиддин Гадоев дар ноҳияи Фархор рафта, модарашро дар бораи ӯ бозҷӯӣ кардаанд.

Гадоев мегӯяд, ки боз шудани парвандаи ҷиноятӣ алайҳи ӯ дар Русия ба сафараш ба Украина дар моҳи ноябри соли 2022 ва мавқеъгирии сиёсиаш нисбат ба таҷовузи Русия ба хоки Украина рабт дорад.

“Мо ҳамеша таҷовуз ва қатлу кушторҳое, ки Русия дар қаламрави Украина анҷом медиҳад, маҳкум мекунем ва аз мардум, бахусус шаҳрвандони Тоҷикистон даъват кардаем ва мекунем, ки ҳеҷгоҳ бо артиши Русия қарордод набанданд ва шарики ҷиноятҳои зиддибашарӣ нагарданд” – гуфт Гадоев.

Ёдовар мешавем, Шарофиддин Гадоев, ки паноҳандагии Ҳолландро дорад, дар соли 2019 вақти сафар ба Маскав рабуда ва иҷборан ба Душанбе фиристода шуда буд. Ӯ тавонист бо пуштибонии Вазорати хориҷии Ҳолланд ва Вазорати хориҷии Олмон ба Аврупо баргардонида шавад. Баъд аз баргашташ Гадоев ба расонаҳо гуфта буд, ки дар Тоҷикистон ӯро шиканҷаву маҷбур карда буданд, ки дар наворҳои таблиғотии Ҳукумат гап занад.

Бемористонҳо дар Ғазза дар остонаи фурӯпошӣ

Аз ҷониби
AZDA.TV
-
0

Бемористонҳо ва марказҳои табобатӣ дар Навори Ғазза дар ҳоли фурӯпошӣ қарор доранд. Ба иттилои расонаҳо, камбуди шароити табобатӣ вазъи мардумро бадтар кардааст.

Вазорати беҳдошти Фаластин дар Ғазза рӯзи 30-уми июн бо нашри изҳороте эълом кард, ки бемористонҳо ва марказҳои табобатӣ дар Навори Ғазза ба эҳтимоли зиёд давоми 48 соати оянда ба далели камбуди маводи сӯхт пурра аз кор бозмонанд.

Мақомҳои Вазорати беҳдошти Фаластин аз Созмони Милали Муттаҳид ва дигар созмонҳои ҳуқуқи башарӣ хостаанд, то барои таъмини маводи сӯхт ва фаъол кардани генераторҳо ба таври сареъ мудохила кунанд, то ҳарчи зудтар кумакҳо бирасанд, дар акси ҳол мушкилоти мардум вахим хоҳад шуд.

Расонаҳо навиштаанд, ки беморон дар бемористонҳои Ғазза бо даво ва шароити муносиб таъмин нестанд, ҳатто дар чанд бемористони андаке, ки боқӣ мондаанд, дар натиҷаи камбуди таҷҳизоти беҳдоштӣ ва маводи сӯхт беморон ба уфунатҳои гуногун гирифтор шуда, ҷон медиҳанд.

“Дар ҳоле, ки бархе беморон аз инфиҷорҳои вазнине ҷон ба саломат мебаранд, вале чун маҷруҳ мешаванд ва барои табобат дар бемористон бистарӣ мешаванд, дар натиҷаи камбуди лавозими тиббӣ ҷон медиҳанд.”, мегӯяд яке аз масъулини Вазорати беҳдошти ин кишвар.

Маҳдудиятҳои ҷорӣ аз ҷониби артиши Исроил болои мардуми Ғазза бар иловаи камбуди шадиди маводи ғизоӣ камбуди таҷҳизоти пзишкиро дар ин борика бештар кардааст. Табибон гуфтаанд, ҳатто ҳеч маводи заруире барои шикастабандӣ ва ҷобаҷокунии устахонҳои шикаста, ки аксари захмиён бо ҳамин иллат оварда мешаванд, дар бемористонҳо боқӣ намондааст.

Ин ҳам дар ҳолест, ки мақомҳои баландпояи СММ ва дигар созмонҳои ҳуқуқи башарии ҷаҳонӣ аз ин пештар борҳо ҳушдор дода буданд, ки манъи воридоти кумакҳои башардӯстона аз ҷониби Исроил ба Навори Ғазза ин минтақаро ба қаҳтии шадид рӯбарӯ кардааст.

Ёдовар мешавем, ки 269 рӯз мешавад дар Навори Ғазза ҷанг идома дорад. Гуфта мешавад, дар 24 соати гузашта артиши Исроил чандин хонаҳора бомборон кардааст, ки дар натиҷа 43 нафар ҷон бохта, 111 нафари дигар захмӣ шудаанд.

Ба иттилои Вазорати беҳдошти Фаластин, аз оғози ҷанг то имрӯз дар натиҷаи бомборонҳои бевақфаи артиши Исроил болои мардуми Ғазза наздики 38 ҳазор нафар ҷон бохта, беш аз 87 ҳазор нафар дигар захмӣ шудааст.

Пайдо шудани панҷ сокини гумшудаи Язғулом дар боздоштгои Хоруғ

Аз ҷониби
AZDA.TV
-
0

Панҷ сокини Язғулом, ки чанде пеш дар фурӯдгоҳи Кӯлоб нопадид шуда буданд, дар боздошгоҳи шаҳри Хоруғ қарор доранд.

Наздикони яке аз боздоштшудаҳо ба Радио Озодӣ гуфааст, мақомоти Вилояти Мухтори Кӯҳистони Бадахшон ба модари Абдулвосит ва Садриддин Маҳбубшоевҳо – ду нафар аз боздоштшудаҳо хабардода, гуфтаанд, ки рӯзи душанбе 1-куми июл барои мулоқоти фарзандонашон биёянд.

Ин панҷ сокини Язғулом дар рӯзи 14-уми июн дар ошхонаи тоҷикии ЛАЗЗАТ аз тарафи пулиси Маскав боздошт ва рӯзи 19-уми июн тариқи хатсайри МАСКАВ-КӮЛОБ ба Тоҷикистон фиристоданд, аммо дар фурӯдгоҳи Кӯлоб аз онҳо хабаре набуд.

Ҳоло маълум нест, ки ин панҷ нафар ба чӣ гумонбар дониста мешаванд, мақомот расман дар ин бора изҳори назар накардаанд.

Нимаи моҳи майи имсол Вазорати корҳои дохилии Тоҷикистон беш аз 30 сокини Ванҷро бо гумони ҳамкорӣ бо гурӯҳи “Ансоруллоҳ” боздошт кард. Наздикони боздоштшудаҳо ин иттиҳомро рад кардаанд.

Мувофиқи иттилои расонаҳо, дар як моҳи ахир ҳудуди 15 сокини Ванҷ аз Русия ба Тоҷикистон истирдод шудаанд. Гуфта мешавад, аксари боздоштшудаҳо бо ифротгароӣ муттаҳам мешаванд.

Мусодираи хонаи падарии Бобоевҳо

Аз ҷониби
AZDA-TV
-
0

Мақомот хонаи падарии Абдусаттор Бобоев, раиси Кумитаи наҷоти гаравгонҳо ва зиндониёни сиёсӣ ва узви Раёсати олии Ҳизби наҳзати исломии Тоҷикистонро дар ноҳияи Восеъ мусодира намуда, ба як каси дигар додаанд.

Сайидисҳоқ Бобоев, фаъоли сиёсӣ ва бародари Абдусаттор Бобоев дар саҳфаи фейсбукиаш навиштааст, ки “замини наздиҳавлигии моро, ки падару бобоямон ба мо ба ирс гузошта буданд, мақомоти ҳокимияти ноҳияи Восеъ ба зӯр ғасб карда истодаанду аз вазъити ногувору мушкилоти сиёсиамон сӯиистифода намуда, заминҳоямонро ба номи дигарон ҳуҷҷат намуда, фурӯхтаанд”.

Ин хона дар деҳаи Хоҷақайнари ҷамоати Кадӯчии ноҳияи Восеъ ҷойгир буда, модари хонавода қабл аз марг ин хонаро ба фарзандонаш, Абдусаттор Бобоев, Абдушукур Бобоев ва Моҳира Бобоева ба мерос гузошта будааст.

Бино ба гуфтаи Сайидисҳоқ Бобоев, пас аз баста шудани ҲНИТ ва хориҷ шудани бародарону хоҳараш аз кишвар, дар хонаи падариашон писарамакашон зиндагӣ мекардааст, аммо мақомот ахиран ӯро хабардор кардаанд, ки хонаро холӣ кунад, чунки хона ба каси дигар дода мешавад ва соҳиби нави хона ба наздикӣ кӯчида омада, ба сохтмони хонаи худаш дар ин ҷо оғоз мекунад.

То ҳол мақомоти Тоҷикистон сабаби мусодираи хонаи Бобоевҳоро шарҳ надодаанд, аммо Сайидисҳоқ Бобоев мегӯяд, мақомот барои фаъолиятҳои сиёсии ӯ ва бародараш Абдусаттор Бобоев, бахусус дар Кумитаи наҷоти зиндониёни сиёсӣ, бо мусодираи хонаи падариашон аз онҳо интиқом гирифта истодаанд.

Абдусаттор Бобоев дар вокуниш ба ин хабар дар саҳфаи фейсбукиаш аз мақомоти ноҳияи Восеъ хостааст, то хонаводаи онҳоро аз ягона мероси боқимонда аз волидонашон маҳрум накунанд ва аз созмонҳои байналмилалии ҳомии ҳуқуқ хост, то аз ҳаққи онҳо дифоъ кунанд.

Дар ҳоли ҳозир мақомоти Тоҷикистон фишор болои пайвандони мухолифонро бештар кардаанд.

Пештар аз ин мақомоти ноҳияи Зафаробод замини сухангӯи Паймони миллии Тоҷикистон Салим Султонзодаро, ки дар он бародараш хона сохтаасту зиндагӣ мекунад, мусодира карда буданд.

Дар пасманзари ин фишорҳо Кумитаи шаҳрвандии наҷоти гаравгонҳо ва зиндониёни сиёсии Тоҷикистон тасмим гирифтааст, як нома ба роҳбарияти Созмони Амният ва Ҳамкории Аврупо (САҲА) ва Иттиҳодияи Аврупо фиристад ва аз қазияҳои мазкур ҳамчун гаравгон истифода бурдан, фишор ва шиканҷаи наздикони мухолифони сиёсии ҳукумати Тоҷикистон, аз ҷумла мусодираи амволи шахсӣ, қатъи таъмини барқу об, фишор болои хонаводаҳо, бахусус болои пиронсолон ва кӯдакони ноболиғ, мусодираи воситаҳои нақлиёт, биноҳои истиқоматӣ ва дигар моликият аз ҷониби мақомоти расмии Тоҷикистон шикоят фиристад.

Интихоботи зудҳангом дар Эрон

Аз ҷониби
AZDA.TV
-
0

Имрӯз ҷумъа, 28-уми июн дар Эрон интихобот призидентӣ оғоз шуд. Шаш нафар номзадҳо аз тарафи Шӯрои нигаҳбонии ин кишвар барои интихобот сабти ном шудабуданд.

Ду нафар аз номзадҳо, Алиризо Зоконӣ ва Амирҳусейн Қозизода як рӯз қабл аз оғози интихобот номзадии худро пас гирифтанд.

Акнун се номзади усулгаро, Мустафо Пурмуҳаддӣ, Муҳаммадбоқири Қолибов, Сайиди Ҷалилӣ ва як номзади ислоҳталаб Масъуди Пизишкиён миёни ҳам рақобат мекунанд.

Интихоботи пеш аз муҳлати президентӣ дар Эрон баъд аз марги Иброҳим Раисӣ баргузор мешавад.

Ёдовар мешавем ки рӯзи 19-уми майи соли ҷорӣ президенти Эрон Иброҳим Раисӣ ва вазири хориҷаи он Амир Абдуллоҳиён ва дигар ҳамроҳонашон дар садамаи чархбол ба ҳалокат расида буданд.

Муовини Саидҷаъфар Усмонзода низ боздошт шуд

Аз ҷониби
AZDA.TV
-
0

Аҳмадшоҳ Комилзода, рӯзноманигор ва муовини аввали раиси Ҳизби демократи Тоҷикистон Саидҷаъфар Усмонзода боздошт шудааст. Дар ин бора Радиои Озоди бо такия ба манобеи худ рӯзи 27-уми июн хабар дод.

Як манбаъ дар мақомоти интизомии Тоҷикистон ба шарти зикр нашудани номаш рӯзи 27-уми июн ба Радиои Озодӣ гуфтааст, ки Аҳмадшоҳ Комилзода аз 15-уми июн дар Боздоштгоҳи муваққатӣ (СИЗО) нигаҳдорӣ мешавад.

Як манбаи дигар, ки наздик ба Додситонии кулли Тоҷикистон аст хабари боздошти Аҳмадшоҳ Комилзодаро тасдиқ карда, гуфтааст, рӯзи 16-уми июн хонаи Аҳмадшоҳ Комилзодаро кофтуков карда, компиютер, қайдҳо ва телфони дувуми ӯро бо худ бурдаанд.

Гуфта мешавад, бар зидди Аҳмадшоҳ Комилзода парвандаи ҷиноятӣ боз шуддаст, аммо мушаххас нест ӯ бо чӣ ҷурм муттаҳам дониста мешавад.

Боздоши Комилзода дар ҳоле сурат мегирад, ки 12-уми июни соли ҷорӣ Саидҷаъфар Усмонзода, раиси ҲДТ аз ҷониби мақомот бо иттиҳоми “кӯшиши ғасби ҳукумат” боздошт шуда буд.

Дар пайи боздошти Усмонзода мақомот чандин чеҳраҳои сиёсии дигарро низ боздошт кард, аз ҷумла Вазорати корҳои дохилии собиқ вазири корҳои хориҷии Тоҷикистон Ҳамрохон Зарифиро боздошту бозпурсӣ кард. Ва дар пайи ӯ мақомот Акбаршо Искандаровро низ ҳамроҳи ронандаи собиқаш боздошт кардаанд, аммо ронандаи ӯро баъди чанд рӯз ҷавоб додаанд.

Дар бораи сарнавишти худи Искандаров ва ба чӣ гумонбар ё айбдор шудани ӯ иттилои дақиқе дар даст нест, аммо манобеи “Бомдод” гуфтаанд, ки 14-уми июн мақомот хонаи ӯро, ки дар маҳаллаи Ҳаёти Нави шаҳри Душанбе воқеъ аст, кофтуков карда, “он рӯз чизи зиёд бароварда, бо худ бурданд”.

Пештар аз ин Муҳаммадиқболи Садриддин, мудири шабакаи “Ислоҳ” ва Додоҷон Атовуллоев, раҳбари “Ватандор” аз боздошту бозпурсии беш аз 50 нафар собиқадорони Ҳукумат ва мухолифин, аз ҷумла собиқ вазири корҳои дохилӣ Ёқуб Салимов ва собиқ қумондони оппозитсия ва аъзои Ҳукумат Саламшо Муҳаббатов, полковник ва собиқ сардори гурӯҳи зиддитеррористии “Алфа”-и КДАМ ва ғайраҳо хабар дода буданд.

Мақомоти Тоҷикистон то ҳол ин боздошту бозпурсиҳои чеҳраҳои шинохтаи кишварро шарҳ надодаанд.

Аммо ин боздоштҳо дар ҳоле сурат мегиранд, ки Додситони кулли кишвар Юсуф Раҳмон вақте аз парлумон бекор кардани дахлнопазирии вакилии Усмонзодаро дархост мекард, гуфта буд, ки парвандаи ҷиноятӣ бо иттиҳоми “ғасби ҳокимият” ба зидди Саидҷаъфар Усмонзода ва “дигарон” кушода шудааст.

1...505152...636саҳифаи 51 аз 636

Дар бораи мо

АЗДО ТВ бо ҳадафи рушди озодии баён, нашри арзишҳои демократӣ, риояи гуногунандешӣ ва додани минбари озод барои тамоми қишрҳои ҷомеа рӯйи кор омадааст. Тарҳ аз ҷониби Фонди (NED) сармоягузорӣ мешавад. Мо дар фаъолияти расонаии худ пойбанди меъёрҳои байналмилалӣ ва ахлоқи журналистӣ ҳастем. Бознашри матолиби АЗДО ТВ бо зикри манбаъ иҷозат дода мешавад. Шиори мо: Озодии расона зербинои ҷомеаи демократист!

Dushanbe
mist
4.1 ° C
4.1 °
4.1 °
93 %
1kmh
75 %
Wed
4 °
Thu
4 °
Fri
7 °
Sat
10 °
Sun
10 °

© 2023 АЗДО ТВ шабакаи хабаррасонӣ ва таҳлилӣ мебошад - Ҳамаи ҳуқуқ маҳфуз аст