Иброҳим Раисӣ, раиси ҷумҳури Эрон ҳамчун президент нахустин сафари хориҷии худро аз дидани Тоҷикистон оғоз мекунад.

Хатибзода, сухангӯи Вазорати хориҷаи Эрон хабар додааст, ки Иброҳим Раисӣ, президенти ин кишвар барои ширкат дар нишасти Шӯрои сарони кишварҳои Созмони ҳамкориҳои Шанхай ба Душанбе сафар мекунад.

Дар назар нишасти Шӯрои сарони кишварҳои Созмони ҳамкориҳои Шанхай бо ҳузури сарони кишварҳои Осиёи Марказӣ, Беларус, Русия ва сарвазири Покистон Имрон Хон баргузор шавад. Намояндаи Чин, нахуствазири Ҳиндустон ва президенти Манголия ба таври он-лайн ширкат хоҳанд кард. Аммо Азияплюс дар такия ба “ТАСС” иттилоъ дода, ки дар ин нишаст аз Афғонистон, ки узви нозири Созмони ҳамкориҳои Шанхай мебошад, касе ширкат намекунад.

Нишасти Шӯрои сарони кишварҳои Созмони ҳамкориҳои Шанхай рӯзҳои 16-17-уми сентябри соли ҷорӣ дар шаҳри Душанбе баргузор мешавад.

Сироҷиддин Аслов, вазири корҳои хориҷии Тоҷикистон мегӯяд, Толибон дар ҳамла ба Панҷшер аз кишварҳои сеюм кумак гирифтаанд.

Ба иттилои Спутник-Тоҷикистон, вазири корҳои хориҷии кишвар таъкид мекунад: “Толибон ҳавопаймоҳоро бо мусоидати кишварҳои сеюм зимни ҳамлаҳо ба Панҷшер истифода мебаранд, ки боиси кушта шудани теъдоди зиёди мардуми бумӣ, яъне тоҷикон мегардад.”

Дар рӯзҳои гузашта мавҷе аз тазоҳуроти оммавӣ дар шаҳру вилоятҳои мухталифи Афғонистон сурат гирифт ва эътирозгарон иддаъо доштанд, ки Толибон дар ҳамла ба Панҷшер аз Покистон кумак гирифтаанд ва нерӯҳои муқовамат тавассути бесарнишинҳои покистонӣ мавриди ҳамла қарор гирифтаанд.

Аммо сӯхангуи Толибон дар Кобул Омуллоҳи Самангонӣ дар мусоҳиба бо хабаргузории ББС хабари кӯмаки Покистон дар ҳамала ба Панҷшерро рад карда мегӯяд, “дар ҳоле ки Кобул дар дасти мо буд ва ҳамчунин 33 вилояти дигари Афғонистон ва Панҷшер дар муҳосираи мо буд, мо ҳеҷ ниёзе ба кӯмаки Покистон надоштем.

Вазорати умури хориҷаи Эрон низ пас аз расонаӣ шудани хабари ҳамлаи ҳавопаймоҳои бидуни сарнишини покистонӣ ба Панҷшер онро маҳкум карда, гуфта буд, ки мавзӯъро таҳқиқ мекунанд.

30-юмин солгарди Истиқлоли давлатии Тоҷикистони азизро ба тамоми тоҷикистониҳо ва тоҷикони дунё самимона табрик мегӯем.

Тоҷикистон 9-уми сентябри соли 1991 истиқлолияти давлатии худро аз ҳайъати собиқ Иттиҳоди ҷамоҳири Шӯрав расман эълон кард.

Марҳум Тоҳири Абдуҷаббор, раҳбари Ҷунбиши мармудии “Растохез” дар соли 1990 эъломияи Истиқлоли давлатии Тоҷикистонро таҳия намуда, ба парламент пешниҳод кард ва як сол баъд аз он рӯзи 9-уми сентябри соли 1991 раиси Шӯрои олии он вақтаи Тоҷикистон Қадриддин Аслонов Истиқлоли давлатии Тоҷикистонро эълон кард.

Ҳамзамон аз ин фурсати муносиб истифода бурда, ба тамоми азизоне, ки дар расидан ба истиқлоли давлатии Тоҷикистон саҳмгузорӣ карданд, ва он бузурвороне, ки дар ин роҳ ҷони худро қурбон карданд, дуруд мефиристем.

Эмомалӣ Раҳмон аз созмонҳои байналмилалӣ, кишварҳои минтақа ва ҷаҳон интиқод кард ва гуфт, ки 20 сол мешавад ки ба талабҳои ӯ дар ҳалли масъалаҳо  беэътиноӣ зоҳир мекунанд.

Раҳмон мегуяд: “зиёда аз бист соли охир ман аз минбарҳои ташкилоту созмонҳои байналмилалӣ ва дигар ҳамоишҳои байналхалқӣ ҳалли масъалаи Афғонистонро ба ҷомеаи ҷаҳонӣ даҳҳо бор иброз дошта, таъкид намудам, ки қазияи Афғонистон роҳи ҳалли низомӣ надорад ва бояд танҳо бо роҳи музокирот ҳаллу фасл карда шавад. Вале ҷомеаи ҷаҳонӣ, аз ҷумла доираҳои манфиатдору дахлдор ба ҳалли ин масъала то андозае бетафовутӣ зоҳир карданд”.

Раҳмон дар ин бора зимни Суханронияш дар ҷаласаи ботантана ба муносибати 30 – солагии истиқлолияти давлатӣ сӯҳбат кардааст. Расиҷумуҳури Тоҷикистон Эмомалӣ Раҳмон ҳамзамон дар ин сӯҳбаташ бори дигар таъкид карда, ки дар Афғонистон ташкили ҳукумати фарогир ва бо дарназардошти манфиатҳои ҳамаи қавму миллатҳои сокини он, раъйи тамоми мардуми мамлакат, эҳтирому риояи ҳуқуқи шаҳрвандон дар доираи меъёрҳои аз ҷониби ҷомеаи ҷаҳон пазируфташуда ва нақши калидии Созмони Милали Муттаҳид дар пешбурди ин равандро мехоҳад.

Эмомлӣ Раҳмон дар идомаи сӯҳбаташ вобаста ба вазъи ногуфвори Афғонистон гуфт, ки барои ба миён омадани чунин вазъи фоҷиабор мардуми Афғонистон гуноҳ надоранд, ва дар ноамнӣ ва бадбахтие, ки ба сари мардуми ин кишвар омадааст, натиҷаи дахолати кишварҳои хориҷиро калидӣ донист.

Аммо дар айни ҳол ӯ аз кишварҳои хориҷӣ талаб кард, ки дар чунин вазъ мардуми Ағонистонро танҳо нагузоранд.

“Ҳамчунин, мехоҳам боз як нуктаи муҳимро таъкид намоям, ки ҷомеаи ҷаҳон, аз ҷумла кишварҳои манфиатдор ҳуқуқи маънавӣ надоранд, ки мардуми Афғонистонро бо мушкилоти бавуҷудомада танҳо гузоранд”.

Раҳмон мегуяд: Ман дар ҳайратам, ки тамоми ниҳодҳои байналмилалӣ оид ба ҳуқуқи башар хомӯширо ихтиёр кардаанд ва дар мавриди пуштибонӣ аз ҳуқуқи мардуми Афғонистон ҳеҷ гуна ташаббус нишон намедиҳанд.

Сӯханҳои ғамхоронаи Раҳмон аз мардуми Афғонистон дар ҳоле садо медиҳад, ки пештар вазири корҳои дохилии Тоҷикистон Рамазон Раҳимзода эълон карда буд, ки дар марзи Афғонистон бо Тоҷикистон 80 оилаи муҳоҷир ҳузур дорад ва Тоҷикистон ба сабаби надошти зерсохторҳои қабули муҳоҷирон наметавонад аз онҳо пазироӣ кунад.

Инчунин телевизиони Эронинтернешнал наворе нашр кард, ки дар он 80 паноҳҷӯи Афғонистон иддаъо мекарданд, ки пас аз ворид шудан ба хоки Тоҷикистон мақомоти тоҷик онҳоро фиреб дода, ба нимҷазирае дар байни Омӯдарё оварда бесаробон гузоштанд.

Дар навор ин муҳоҷирон аз надоштани сарпаноҳ, ба охир расидани маводҳои хӯрака ва авҷ гирифтани беморӣ дар байни онҳо шикоят карда, аз созмонҳои байналмилалӣ талаби кумак мекарданд.

Аз ҷониби дигар Ҳукумати Эмомалӣ Раҳмон, ки амалан ба як низоми ҳукумати хонаводагӣ ва гурӯҳӣ табдил шудааст, дар умри 30-солааш ягон маротиба интихоботи озод ва ҳукумати ҳамашумул, ки дар он тамоми нерӯҳои сиёсии Тоҷикистон мақоми шоистаи худро дошта бошанд, ташкил накардааст.