30.9 C
Dushanbe

Муҳаммади Султон ба “тундгароӣ” гумонбар шуд

Рӯзноманигор Мамадсултон Мавлоназарови 72-сола, ки дар боздоштгоҳи муваққатии Вазорати корҳои дохилӣ нигаҳдорӣ мешавад, ба “тундгароӣ” муттаҳам шудааст.

Имрӯз, 20-уми июни соли 2022, пайвандони Мамадсултон Мавлоназаров маъруф ба Муҳаммади Султон дар суҳбат бо Радиои Озодӣ гуфтаанд, ки пас аз талошҳои зиёд маълум кардаанд, ки ӯ дар боздоштгоҳи муваққатии Вазорати корҳои дохилӣ нигаҳ дошта мешавад.

Мақомоти корҳои дохилӣ, ки субҳи барвақти 16-уми июни соли ҷорӣ ӯро аз манзили зисташ сари лӯч ва пои бараҳна аз ҷои хобаш хезонда, ба самти номаълуме бо худ бурда буданд, то ҳол ба таври расмӣ сабаби боздошти ӯро шарҳ надодаанд, аммо пайвандонаш гуфтаанд, ки мақомот Муҳаммади Султонро ба “тундгароӣ” муттаҳам кардан мехоҳанд.

Ҳамсуҳбати Радиои Озодӣ гуфтааст, ки  рӯзи якшанбе ду маротиба ба ӯ ғизову либос бурдаанд, вале иҷозаи мулоқот нагирифтаанд ва маълум нест, ки ӯ вакили дифоъ дорад, ё не?

Мамадсултон Мавлоназаров, зодаи Вилояти Мухтори Кӯҳистони Бадахшон аст.

Ин рӯзноманигор дар солҳои 70-ум асри гузашта дар рӯзномаи “Комсомоли Тоҷикистон” кор кардаааст. Сипас ба кор дар Кумитаи давлатии амнияти миллӣ ҷалб шуда, онҷо 25 сол адои вазифа карда, рутбаи полковникро дарёфт кардааст.

Мамадсултон Мавлоназаров бо вуҷуди он, ки дар ҳоли бознишастагӣ қарор дошт, яке аз корбарони фаоли шабакаҳои иҷтимоӣ буд ва пайваста хеле аз рафторҳои ноҷои мақомотро танқид мекард ва дар бораи ҳодисаҳои Бадахшон низ менавишт.

Гуфта мешавад, вай дар давоми шаш моҳи мохир чанд бор эълон карда буд, ки мавриди фишор ва бозҷӯӣ қарор гирифтааст. Ӯ яке аз касоне, ки буд дар дохили кишвар ошкоро аз Саймуъмин Ятимов, раиси КДАМ низ танқид мекард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.

ВКД 100 ҳазор сомонӣ мукофот медиҳад

Вазорати корҳои дохилии Тоҷикистон барои пайдо кардани як нафар гумонбар ба ҷиноят дар пойтахт аз мардум кумак хостааст.