27.9 C
Dushanbe

Мулоқоти Илҳом Алиев бо Эмомалӣ Раҳмон дар Тоҷикистон

Қарор аст фардо, 5-уми апрели соли ҷорӣ Илҳом Алиев, раисҷумҳури Озарбойҷон бо сафари корӣ вориди Тоҷикистон бишавад.

Илҳом Алиев дар ин сафараш бо раисҷумҳури Тоҷикистон Эмомалӣ Раҳмон дурнамои ҳамкориҳои дуҷонибаро дар самтҳои гуногун баррасӣ намуда, санадҳои ҳамкориро ба имзо мерасонанд.

Гуфта мешавад, Раҳмон ва Алиев дар шаҳри Душанбе аввал бо ҳамдигар вохӯрда, сипас ҳайатҳои ҳар ду кишвар ба онҳо ҳамроҳ мешаванд.

Asia-Plus дар истинод ба Хадамоти матбуоти Президенти Тоҷикистон иттилоъ медиҳад, ки “пас аз анҷоми гуфтушунидҳо сарони кишварҳо бо изҳороти муштарак барои ВАО суханронӣ мекунанд” ва шоми ҳамон рӯз Илҳом Алиев ба Озарбойҷон бармегардад.

Бино ба сафари Илҳом Алиев ба Тоҷикисон имрӯз дар Душанбе форуми сармоягузории Тоҷикистону Озарбойҷон, ки дар он иштироки беш аз 150 нафар аз ҳарду ҷониб дар назар аст, ба кор шурӯъ мекунад.

Гуфта мешавад, дар доираи ин форум байни корхонаву ширкатҳои давлатӣ ва хусусии Тоҷикистону Озарбойҷон санадҳои нави ҳамкорӣ ба имзо расонида мешаванд.

Бино ба иттилои Агентии омори Тоҷикистон, дар соли 2022 ҳаҷми гардиши молу маҳсулот байни Тоҷикистон ва Озарбойҷон 6,2 млн долларро ташкил додааст, ки ҳудуди 95% ба воридоти молу маҳсулот аз Озарбойҷон ба Тоҷикистон рост меояд. Тоҷикистон аз Озарбойҷон асосан маҳсулоти нафтӣ мехарад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.