18.9 C
Dushanbe

Мулоқоти сафири Тоҷикистон бо ректори Донишгоҳи Анқара

Сафири Тоҷикистон дар Туркия барои фароҳамсозии пешзаминаи сафари Эмомалӣ Раҳмон бо ректори Донишгоҳи Анқара мулоқот кардааст?

8-уми июни соли 2022, Ашрафҷон Гулов, домоди Президенти Тоҷикистон ва сафири кишварамон дар Тукрия бо ректори Донишгоҳи Анқара профессор, доктор Неҷдет Унувар дидор кард.

Ба гуфтаи Вазорати корҳои хориҷии Тоҷикистон дар рафти ин мулоқот “ҷонибҳо оид ба масоили таҳсили донишҷӯёни тоҷик дар муассисаи мазкур, алалхсус вазъи таҳсил ва шароити зисти онҳо, зиёд намудани бурсияҳои таҳсилӣ, инчунин ба роҳ мондани ҳамкорӣ байни муассисаҳои таҳсилоти олии Тоҷикистон ва донишгоҳи мазкур, мубодилаи афкор намуданд.”

Пеш аз ин дар даҳаи аввали моҳи марти соли ҷорӣ ҷаноби Заробиддин Қосимӣ, сафири Тоҷикистон дар Миср низ бо ректори Донишгоҳи Қоҳира мулоқот карда буд, сипас ҳамагӣ баъди камтар аз як ҳафта ҳангоми сафари Эмомалӣ Раҳмон ба Қоҳира ва боздид аз ин донишгоҳ ба вай унвони доктори ифтихорӣ дода буд.

Дар ҳамин ҳол як манбаъ дар сафорати Тоҷикистон дар Туркия, ки нахост номаш зикр шавад, гуфт, Президент Эмомалӣ Раҳмон қасд дорад бо сафари расмӣ ба Туркия биравад, локин то ҳол шароит пурра фароҳам нашудааст. Сафир ва дигарон ба талошҳои худ идома медиҳанд, то дастовардҳои ин сафари эҳтимолӣ хеле хуб бошад.

Эмомалӣ Раҳмон бори ахир дар 18-уми декбари соли 2012 вақте Абдулло Гул, президенти Туркия буд бо сафари расмӣ озими Анқара шуда буд ва ҳар чанд дар муддати раҳбарии Раҷаб Тайиб Ардуғон зоҳиран муносиботи ҳар ду кишвар нисбат ба Эрон ва кишварҳои ҳавзаи Осиёи Марказӣ хуб буд, вале дар 10 соли ахир расман ба Туркия нарафтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.