32.9 C
Dushanbe

Мулоқоти вазирони хориҷии Тоҷикистону Қирғизистон

Вазирони умури хориҷаи Тоҷикистон ва Қирғизистон дар Душанбе роҷеъ ба масоили марзӣ гуфтугӯ карданд. Дар ин бора расонаҳои қирғизӣ хабар доданд.

Сироҷиддин Муҳриддин ва Руслан Казакбоев дар ҳошияи Нишасти вазирони корҳои хориҷии Осиёи Марказӣ ва Иттиҳоди Аврупо дар шаҳри Душанбе дидору гуфтугӯ карданд.

Гуфта мешавад, вазирони хориҷӣ дар бораи шумори зиёди механизмҳои ҳамкорӣ ва афзоиши фаъолиятҳо барои ҳарчи тезтар ҳал намудани масоили марзӣ ба мувофиқа расиданд.

Инчунин вазирони умури хориҷаи ду кишвар дар мавриди масоили ҳифзи ҳуқуқ ва манфиатҳои шаҳрвандони ду кишвар гуфтугӯ карданд. Ба ин манзур, вазири умури хориҷаи Қирғизистон пешниҳод карда, ки намояндагони додситонӣ ва додгоҳӣ барои машварат бо марзбонон ба мурофиаҳо ҷалб карда шаванд.

Ҷонибҳо ҳамчунин дар мавриди зарурати таъсиси гурӯҳҳои кории фаврӣ миёни Додситонии кул, Вазоратҳои корҳои дохилӣ ва дигар сохторҳои қудратӣ барои ҳалли сареъи масъалаҳои ба миёномада ҷиҳати ҳифзи ҳуқуқ ва манфиатҳои шаҳрвандони ду кишвар ба мувофиқа расиданд. Дар ин нишаст инчунин тавофуқ ҳосил шуда, ки кор бо сокинони маҳаллии наздимарзӣ ба манзури коҳиши таниш дар манотиқи марзӣ пурзӯр карда шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.