27.9 C
Dushanbe

Мулоқоти вазирони умури дохилии Тоҷикистон ва Узбекистон дар Душанбе

Раҳимзода Рамазон Ҳамрох, вазири умури дохилии Тоҷикистон бо Бобоҷонов Пулат Раззоқович, вазири умури дохилии Узбекистон дар шаҳри Душанбе дидору гуфтугӯ кард.

Бар асоси иттилои Вазорати умури дохилии Тоҷикистон, Рамазон Раҳимзода ҳамтои узбекашро хайрамақдам гуфта, изҳор дошт, ки мулоқот ҷихати таҳким бахшидани равобити амиқи дӯстӣ ва ҳамкори байни ду мақомот манфиатбахш мебошад.

“Мо бояд ҳамкориҳоро тақвият бахшида дар мубориза алайҳи ҷурму ҷиноят ва таҳдиду хатарҳои замони муосир дар ҳамбастагӣ ва якҷоягӣ фаолият намоем”, – таъкид шуда аст дар ин мулоқот.

Ҳамчунин ҷонибҳо масоили ҳамкорӣ дар бахши мубориза алайҳи терроризму ифротгароӣ, сепаратизм, ҷиноятҳои муташаккилонаи фаромиллӣ, гардиши ғайриқонунии маводи мухаддир, мубодилаи иттилоотии оперативӣ ва   мустаҳкам намудани ҳамкориҳои пайвастаи воҳидҳои мақомоти корҳои дохилаи ҳарду ҷонибро баррасӣ карданд.

Ёдовар мешавем, ки рӯзи 10 июн раисҷумҳури Узбекистон бо сафари расмии дурӯза ба Душанбе омад.  Дар ин сафар мулоқоту гуфтугӯи дуҷонибаи ӯ бо раисҷумҳури Тоҷикистон Эмомалӣ Раҳмон ва баррасии ҳамкориҳои дуҷонибаи кишварҳо мадди назар аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.