5.9 C
Dushanbe

Мусофирон: касе бо “Сомон Эйр” парвоз мекунад, аз хонааш хӯроки роҳро бо худ бигирад

Рӯзи панҷшанбе 10 декбари соли равон бо сабаби фаромадани туман дар шаҳри Душанбе, се ҳавопаймои ширкати “Сомон Эйр”, ки аз Маскав, Новосибирск ва Сургут ба Душанбе парвоз доштанд, дар Фурудгоҳи байналмилалии Хуҷанд фуруди изтирорӣ анҷом доданд.

Намояндагони Фурудгоҳи байналмилалии Хуҷанд ба Радиои Озодӣ гуфтаанд, ҳавопаймои хатсайри Новосибирск-Душанбе соати 3:40, Маскав-Душанбе соати 6:28 ва Сургут -Душанбе соати 7:07 дақиқа ба Фурудгоҳи Хуҷанд фуруд омадаанд.

Мусофирони ин парвозҳо аз хидматрасонии ширкати “Сомон Эйр” изҳори норозигӣ намуда, гуфтаанд, ки тӯли нуҳ соат дар дохили ҳавопаймо гушнаву ташна мунтазир мондаанд, вале масъулони ширкат ба онҳо хӯрокае тақдим накарданд. Дар навбати худ масъулони ширкат шикояти мусофиронро рад мекунанд.

Қаҳрамон Ҳайдаров, сокини шаҳри Истаравшан мегӯяд, 9 соат дар Хуҷанд мунтазир будем, вале бароямон ҳеч ғизое надоданд.

“Аз ҳавопаймо набаромадем, ҳеч чиз надоданд, кӯдакҳо гушна монданд. Ҳатто як таблетка ё чой диҳед гуфтем, мегӯянд нест. Гуфтанд, ки ҳеч чиз надорем. Дар Хуҷанд иҷозат пурсидем, ки монед ба хонаҳоямон равем, не гуфтанд.”

Маҳмадрасул Сатторов мусофири дигари ин хатсайрҳо гуфтааст, барои омадан ба Душанбе бо арзиши қариб 40 ҳазор рубл чипта хариданд, вале хадамоти ширкат ба ин маблағ намеарзад.

“Ягон хел мекарданд, ки мардум гушна намемонанд. Аз Русия то инҷо фақат об ва як бутерброд доданд, ки ҳар кас онро намехурад,”- иброз доштааст, Маҳмадрасул Сатторов.

Намояндаи ширкати “Сомон Эйр” дар Хуҷанд Муродҷон Дадохонов, ба Радиои Озодӣ шикояти сокинонро рад карда гуфтааст, ки мусофирон “тӯли ин чанд соати таъхири парвоз дар дохили ҳавопаймо бо маводи хӯрокаи захиравӣ таъмин кардаанд ва бинобар ин ба Фурудгоҳи байналмилалии Хуҷанд нафаровардаанд.”

Гуфта мешавад, дар се ҳавопаймои ширкати “Сомон Эйр”, ҳудуди 500 нафар мусофир ҳузур доштааст.

Масъалаи маводи хӯрокае, ки ширкатҳои Тоҷикистони ба мусофирони худ медиҳанд, аз мушкилиҳоест, ки тӯли солҳо идома дорад, вале дар баробари шикояти сокинон то ба имрӯз ҳеҷ тайғироте дар ин самт дида намешавад.

Бино ба иттилои тасдиқ нагардида гуфта мешавад, таъмини хӯрокаи ширкатҳои ҳавопаймоиро домоди дигари Президент Ашраф Гулов, писари собиқ вазири Энергетика Шералӣ Гулов ба зимма дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даҳҳо парванда ба иттиҳоми “фасодкорӣ” барои кормандони ниҳодҳои давлатӣ

Дар робита ба дуздии миллионҳо сомонӣ аз будҷети Вазорати дифоъ, ки соли гузашта рух дода буд, нисбати 26 корманди давлатии дигар парвандаи ҷиноӣ боз шудааст.

Қатли ду зодаи Осиёи Марказӣ дар пайи “амалиёт” дар Русия

Хадамоти амнияти Федералӣ (ФСБ)-и Русия аз пешгирии як ҳамлаи теруристӣ дар вокзали шаҳри Псков хабар дод.

Хабари боздошти Идибеки Бохтарӣ тасдиқ шуд

Додгоҳи шаҳри Бохтар боздошти Идибеки Мардон, маъруф ба "Идибеки Бохтарӣ"-ро, ки яке аз мубаллиғони ашаддии Ҳукумат дониста мешуд, тасдиқ кард.

Ҳукми зиндони даҳҳо нафар бо иттиҳоми амали террористӣ дар ҷашни “Наврӯз”

Додситони кулли Тоҷикистон даҳҳо шаҳрвандро бо иттиҳоми нақшаи анҷоми амали террористӣ дар маросими ҷашни Наврӯз 2024 боздошт кард.