14.9 C
Dushanbe

Набераи Назарбоевро куштанд ё худ аз беморие даргузашт?

Акс аз: “asiais.ru”

Набераи нахустин президенти Қазоқистон, Нурсултон Назарбоев дар Лондон вафот кард. Марги Айсултан Назарбоевро рӯзи якшанбе, 16 август модараш дар сомонаи “Бунёди Нурсултон Назарбоев” тасдиқ кард.

Модари Айсултан мегӯяд: “Оилаи ман аз марги писари азизамон Айсултан сахт андӯҳгин аст ва дар ин лаҳзаи мушкил барои мо, умедворем, ки мардум  ба талафоти ҷуброннопазири мо эҳтиром мегузоранд”.

Шабакаи хабаргузории “www.dw.com” менависад, ки тибқи баъзе хабарҳо, сабаби марги Айсултан сактаи қалб гуфта шудааст. Аммо огоҳони умур аз қатли ӯ хабар медиҳанд.

Айсултан Назарбоев писари духтари калонии президенти собиқи Қазоқистон, Дарига Назарбаева мебошад. Падари Айсултан собиқ муовини вазири корҳои дохилии ин кишвар, Раҳат Алиев буд, ки панҷ сол пеш дар зиндони Вена овехта шуд. Айсултан соли 2017 дар Федератсияи футболи Қазоқистон кор кардааст, моҳи октябри соли 2019 барои ҳамла ба як полис дар Лондон шартан маҳкум ба зиндон шуда буд.

Айсултан Назарбоев моҳи феврали соли 2020 аз фишори оилаи худ ба мақомоти Бритониё шикоят бурда аз ин давлат дархости паноҳандагии сиёсӣ карда буд. Ӯ дар саҳифаи фейсбукаш навишта буд, ки “оилаи ӯ кӯшиш доранд болояш фишор оранд”. Айсултон зимни изҳороташ дар фейсбук аз сирри хонаводаи назарбоевҳо оиди даст доштанашон дар пулшӯӣ ва фасоди бузург дар якҷоягӣ бо ҳукумати Русия ва Қазоқистон хабар дод.

Я верю в то, что если народ объединится против власти внутри страны, то нам будет под силу перевернуть государство вверх…

Gepostet von Aisultan Jesus Rakhat am Mittwoch, 12. Februar 2020

Аввали ҳамин сол, Айсултан ошкоро гуфта буд, ки модараш Дарига мехоҳад ӯро бикушад. Ӯ мегуфт, Дарига ӯро аз Нурсултон Назарбоев ба дунё овардааст. Набераи Нурсултон иддао карда буд, ки вай набера не, балки писари собиқ президент аст. Ба гуфтаи вай, аз бойгонии Раҳат Алиев дар бораи таваллуди худаш маълумот пайдо карда будааст. Бо пахши ин асрор дар шабакаҳои иҷтимоӣ ӯ мардуми Қазоқистонро дар ҳолати шокӣ қарор дод.

Ҳамчунин ӯ зимни иқрорҳояш ба қарордоде ишора кард, ки тибқи он “Газпром” -и Русия гази Қазоқистонро мехарад ва “дар он ҷо як ширкати тавлидкунанда вуҷуд дорад, ки дар як сол 1,5 миллиард доллари ИМА фоида ба даст меорад.”

Ин пул, ба гуфтаи ӯ, “дар Сингапур ҷамъ мешавад”, ки онҷо байни баъзе “масъулони баландпояи рус” ва раҳбарияти “Газпром” тақсим мешавад. “Дар мавриди Қазоқистон бошад, аз ин пулшӯӣ солона тақрибан 700 миллион доллар байни Тимур Қулибоев ва Қайрат Боранбоев – падараруси собиқи ман тақсим карда мешавад” – гуфт Айсултан Назарбаев.

Вай изҳори нигаронӣ карда буд, ки эҳтимол аз ҷониби хонаводааш ба қатл расонида мешавад, ба монанди Раҳат Алиев, ки падари ӯ ҳисоб мешуд.

Моҳи феврали соли 2015, Раҳат Алиеви 52-сола чанд соат пеш аз мурофиаи судияш ҷасади беҷонаш пайдо шуд. Дар Қазоқистон дар ғайбаш ӯро дар ташкили як гурӯҳи “мафёӣ”, ташкил табаддулоти давлатӣ ва куштор айбдор карда, ба 40 соли зиндон маҳкум карданд. Он ҳангом ӯ дар давлати Австрия қарор дошт ва ин давлат аз истирдоди Алиев худдорӣ карда, бар ин асос, ки  дар Қазоқистон ҳуқуқи инсон риоят намешавад.

Дарига Назарбаева аз моҳи марти соли 2019 вазифаи раиси Сенати Қазоқистонро ба душ дошт, ки моҳи майи соли 2020 президенти тозаинтихоби Қазоқистон Касим-Жомарт Такаев Даригаро аз вазифааш барканор кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.