26.9 C
Dushanbe

Нахустин гурӯҳи зоирони тоҷик озими Арабистон шуданд

Нахустин гурӯҳи зоирони тоҷик барои адои маносики ҳаҷи фарзӣ озими Арабистони Саудӣ гардиданд.

Субҳи имрӯз, 20-уми июни соли 2022 Афшин Муқим, сухангӯи Кумитаи дин, танзими анъана ва ҷашну маросими Тоҷикистон хабар дод, ки ҷамъе аз зоирони тоҷикистонӣ барои анҷоми фаризаи ҳаҷ ба Арабистони Саудӣ рафатанд.

Ба гуфтаи ӯ, зоирони тоҷикро дар фурӯдгоҳи байналмилалии шаҳри Душанде, раиси Кумитаи дин ва сафири Арабистони Саудӣ дар Тоҷикистон гусел карданд.

Бо таваҷҷуҳ ба ҳолати пасокуруноӣ ва кам шудани сатҳи гирифторӣ ба ин беморӣ Раиси Кумитаи дин Сулаймон Давлатзода “аз зоирон даъват намуд, то дар кишвари мизбони ҳаҷ бо риояи ҳатмии тадбирҳои беҳдоштӣ ва чораҳои пешгирикунандаи ин беморӣ солимии худро ҳифз намоянд.”

Пеш аз ин Афшин Муқим дар суҳбат бо расонаҳо гуфта буд, “имсол тибқи ҳиссаи ҷудонамудаи кишвари мизбон беш аз 3500 шаҳрванди Тоҷикистон ба маросими ҳаҷ сафарбар мегарданд.”

Ҳаҷ яке аз рукнҳои панҷгонаи дини мубини ислом аст. Анҷом додани ин фаризаи илоҳӣ барои ҳар як мусалмони ба балоғатрасидаи солим, доро ва тавоно дар умр як бор фарз аст.

Гуфта мешавад, имсол дар Тоҷикистон нархи сафари ҳаҷ ба Арабистони Саудӣ барои як нафар ҳудуди 5 ҳазор доллари амрикоиро ташкил медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.